Ishitushizya 3:5 - ULufingwi uLupwa

⁵ Ula we alipoota indingo, alizwala ivizwalo ivizelu inza avheene. Havhili te nkalyefwe izina lyakwe mwi ikalaata ilya vhulanzi, nkandi ndilyitiha pilongolela ilya Taata waane na pilongolela ilya vhahavhizya vhaakwe.

Tesitamenti Umupwa 1965

⁵ Uno wengʼakupotʼuvulugu wʼalizwikwa iṿizwalʼiṿizelu, lyope nizina lyakwe ntalilisyusyutanya mwa kalata wa vulanzi, ndilitaha kuminso ga Tata nakuminso ga vahavizya vakwe.

Ishitushizya 3:5 ပူးပေါင်းရင်းမြစ်များ

Matayi 10:32

Umuntu wonti we akuvhavhuuzya avhantu, kuuti akundandata ine, niine ndimuvhuuzya uTaata waane uwa ku mwanya, kuuti uyo mulandati waane.

uLuuka 10:20

Ileelo inga mukuseshela, mwe pe impepo inkandamanu zikuvhashindiha, muleshe kuseshela kuli izyo vhweleele, nkandi museshelaje, mwe pe amazina giinyu gasimviilwe nu Mulungu ku mwanya.”

uLuuka 12:8

“Nkuvhavhuuzya kuuti, umuntu wonti we akuvhavhuuzya avhantu, kuuti akundandata ine, niine ne Mwana wa Aadamu ndimuvhuuzya uMulungu na vhahavhizya vhaakwe, kuuti uyo mulandati waane.

Filipi 4:3

Niiwe wamwitu, muvhomvi umutungamu, nkukulaavha kuuti, uvhaavwe avhamaayi ivho vhavhili. Nkulaavha vhwevhulo, mwe pe ivho tuhayimvilwaga pooka navho kuliyanjila Izwi iLyinza izya kulipoha. Twámile pooka nu Kelementi na vhavhomvi avhamwitu avhanji, vhe amazina gaavho gasimviilwe mwi ikalaata ilya vhulanzi.

uYuuda 1:24

UMulungu akuvhwezya kuvhuvhatila imwe, inga mutahapunule, havhili akuvhimiilisya ishisita ulukwinkwino pilongolela ilya vhushindamu vhwakwe, she muli nu luseshelo ulupiti.

Ishitushizya 13:8

Avhantu vhonti vhe vhakutendama pa nsi vhalishipuuta, vhonti vhe amazina gaavho gatásimviilwe mwi ikalaata ilya vhulanzi ilya Hagonzi aha MWENE uMulungu he hávholiilwe. Ikalaata ilyo lyásimviilwe lwe insi yishiili kupelwa.

Ishitushizya 17:8

Ishihanu isho she washilola sháali shipuuma ileelo isaala izi shifuuye. Kwe shifume kwi ilivha ilya ku vhuzimu, ileelo uMulungu kwe ashilovwe. Vhe vhakutendama pa nsi vhalisukumila. Mwe muumwo, avhantu vhonti vhe amazina gaavho gatásimviilwe mwi ikalaata ilya vhulanzi, kufuma pe ulwalo ulwa nsi lwávhisiilwe, vhalisukumila. Vhalisukumila lwe vhashilola ishihanu isho she ku vhwandilo sháali shipuuma, havhili shihafwa ni saala izi shazyuha!

Ishitushizya 19:8

Apeliilwe kuzwalila umwenda umwinza umuzelu, we wuzelufile havhili we wukunyengʼenyela.” (Umwenda umwinza umuzelu uwo, mbombo ingolosu izya vhafinjile.)

Ishitushizya 2:11

We ali na makutwi, atejeelezye ziila zye uMupepo uMufinjile akuvivhuuzya ivivhanza. Ula we alipoota indingo te ahaafwe ku vhufwe uvhwa vhuvhili.”

Ishitushizya 2:7

We ali na makutwi, atejeelezye ziila zye uMupepo uMufinjile akuvivhuuzya ivivhanza. Ula we alipoota indingo ndiimupa amantonongwa aga ikwi lye likufumwa uvhulanzi, lye lili mu shilimbika isha Mulungu.”

Ishitushizya 20:12

Pe nkavhalola avhafwe, avhapiti na vhansi, vhimiliiye pilongolela ilya shitengo isha vhumwene, amakalaata gahagubulwa. Havhili ikalaata ilyamwavho ilya vhulanzi lyope lihagubulwa. Pe uMulungu ahavhalonga avhafwe kulandatana nu lujendo lwavho, inza vwe lwásimviilwe mu makalaata igo.

Ishitushizya 20:15

Umuntu wonti we izina lyakwe litálolesile mwi ikalaata ilya vhulanzi, ahasumbilwa mwa sumbi we akwaha umwoto.

Ishitushizya 21:27

Ileelo shonti she shihandamanu te shihinjile muumwo, poosye umuntu wonti we akuvhomba izya kuviisya poosye izya ilenga te ahinjile muumwo. Vhevhaala vhweleele vhe amazina gaavho gasimviilwe mwi ikalaata ilya vhulanzi ilya Hagonzi aha MWENE uMulungu vhe vhaliyinjila.

Ishitushizya 22:19

Havhili umuntu wonti inga ayeefwa amazwi gamo aga vhukuvhwi ge gali mwi ikalaata ili, uMulungu woope aliyeefwa uvhuyo vhwakwe mu Nkaaya iMfinjile. Umuntu uyo te ahaalye amantonongwa aga mwi ikwi liila lye likufumwa uvhulanzi. Inongwa izya nkaaya iyo ni ikwi ilyo zisimviilwe mwi ikalaata ili.

Ishitushizya 3:12

Ula we alipoota indingo, ndimuvhiiha kuvha lupanda mu Nyumba iMfinjile iya Mulungu waane, te ahaafume umwo naalumo. Kuli uyo, ndisimba izina ilya Mulungu waane ni izina ilya nkaaya iya Mulungu waane. Inkaaya iyo Yelusaleemu impwa ye yikwiha kufuma ku mwanya kwa Mulungu waane. Havhili kuli uyo ndisimba izina lyane neneene, liila lye lipwa.

Ishitushizya 3:4

Ileelo uli na vhantu vhansi ku Saadi vhe vhatayihandamiinie ku mbiivhi. Ivho vhe vhalisogola pooka niine she vhazwaye amenda amazelu, mwe pe vhahondeeye.

Ishitushizya 6:11

Pe vhonti vhahapeelwa amenda amazelu. Havhili vhahavhavhuuzya kuuti, vhaguliilile ku havhaliilizyo hansi, kufishila uvhwinji uvhwa vhavhomvi avhamwavho na vhajenzi vhaavho pe vhwalunjiha. Ivho vhe avhalugu avha Mulungu avha pa nsi vhalivhagoga inza vheene vwe vhávhagozile.