Ishitushizya 3:4 - ULufingwi uLupwa

⁴ Ileelo uli na vhantu vhansi ku Saadi vhe vhatayihandamiinie ku mbiivhi. Ivho vhe vhalisogola pooka niine she vhazwaye amenda amazelu, mwe pe vhahondeeye.

Tesitamenti Umupwa 1965

⁴ Nkandi uli nago mumwo mu-Salidisi amazina gamo ga vuvo ve vatahandaminye amenda gavo, ve vakujenda nane lwe vazwaye amendʼamazelu, she vahondeye.

Ishitushizya 3:4 ပူးပေါင်းရင်းမြစ်များ

Matayi 10:11

Inkaaya yonti, poosye ulutala lwonti lwe vhavhaposheela, mulondolaje umuntu we angavhaposheela. Pe mutendamaje munuumwo kufishila pe mukwepa.

Maliko 16:5

Lwe vhinjila mu mbiipa, vhahaaga umujaaha atendiime ku luvhazu ulwa kundiilo, azwaye umwenda umuzelu, vhoope vhahahasamala.

uLuuka 20:35

Ileelo avhantu vhe uMulungu akulola kuuti vhakwanzilwa kuvhazyusya nu kutendama mu nsi impwa, ivho te vhahiimale, poosye kwimalwa havhili.

uLuuka 21:36

Ishi, muvhanje minso ahavhaliilizyo honti, mumulaavhaje uMulungu, inga avhapanje amaha aga kupoota mu zyonti zye zilifumila, inga muhimiilile ku luseshelo pilongolela lyane ine ne Mwana wa Aadamu.”

iMbombo izya Vhatumwa 1:15

Isiku limo, avhantu 120 ishi vhe vhámwitisile uYeesu vhávhungiine pooka. Pe uPeeteli ahimiilila pahati yaavho,

2 VaTesaloniki 1:5

Izyo zyonti zikulolesya kuuti, uvhulonzi uvhwa Mulungu vhugolosu. Ku vhulonzi uvhwo, imwe mulihondela kwinjila mu vhumwene vhwakwe vhwe imwe mukuyimbila.

uYuuda 1:23

Havhili vhamo muvhasompolaje, kuvhapoha mu mwoto. Vhamo muvhafwilaje uvhwila, ileelo muvhanje minso, nu kuvha ukutali nu vhutalamalandu vhwavho.

Ishitushizya 1:11

Izwi ilyo lihambuuzya lihati, “Izi zyonti zye ukuzilola, uzisimbe mwi ikalaata. Lwe wazisimba, ulitwale ikalaata mu vivhanza 7 ivwa mu nkaaya izya Hefeeso ni Siimina ni Pegaamo ni Tiyatiila ni Saadi ni Filadelufiya ni Lawodikiya.”

Ishitushizya 11:13

Ahavhaliilizyo hanaaho kuhavha ishisumbi ishipiti, ishigavho shooka pa vigavho 10 ivwa nkaaya shihabongonkana. Avhantu 7,000 vhahafwa ku shisumbi isho, vhe vhasyaye vhahoogopa nkaani, vhahamushindiha uMulungu uwa ku mwanya.

Ishitushizya 14:4

Ivho vhe vhatáyihandamiinie na vhantanda, mwe pe vhafinjile. Ivha vhe vhakuhalandata aHagonzi aha MWENE uMulungu kwonti kwe hakusogola. Ivha havhakazile kufuma mu vhantu, havhili vhe vhatanzi kwa MWENE uMulungu na ku Hagonzi haakwe.

Ishitushizya 19:14

Impuga izya vhasikaali avha ku mwanya vhahamulandataga uku, vhalimbiiye imfwalaasi inzelu havhili vhazwaye amenda aminza amazelu ge vhazelufwizye.

Ishitushizya 19:8

Apeliilwe kuzwalila umwenda umwinza umuzelu, we wuzelufile havhili we wukunyengʼenyela.” (Umwenda umwinza umuzelu uwo, mbombo ingolosu izya vhafinjile.)

Ishitushizya 3:18

Nkukusoha kuuti, ukale ku kwane isahaabu ye vhazelufwizye mu mwoto, inga uvhe we dumbwe. Havhili hinza ukale ivizwalo ivizelu, uzwalaje nu kuzyiha ishitali shaaho, inga utahaalole insoni. Ukale umulembo uwa kudwina mu minso gaaho, inga ulolaje ahinza.

Ishitushizya 3:5

Ula we alipoota indingo, alizwala ivizwalo ivizelu inza avheene. Havhili te nkalyefwe izina lyakwe mwi ikalaata ilya vhulanzi, nkandi ndilyitiha pilongolela ilya Taata waane na pilongolela ilya vhahavhizya vhaakwe.

Ishitushizya 4:4

Havhili ivitengo 24 vwáshizyunguluuye ishitengo shiila isha vhumwene. Mu vitengo ivwo vhátendiime avhasongo vhe vházwaye ivizwalo ivizelu ni vipambwi ivwa kukonzezya ivwa sahaabu mu matwe gaavho.

Ishitushizya 6:11

Pe vhonti vhahapeelwa amenda amazelu. Havhili vhahavhavhuuzya kuuti, vhaguliilile ku havhaliilizyo hansi, kufishila uvhwinji uvhwa vhavhomvi avhamwavho na vhajenzi vhaavho pe vhwalunjiha. Ivho vhe avhalugu avha Mulungu avha pa nsi vhalivhagoga inza vheene vwe vhávhagozile.

Ishitushizya 7:9

Lwe zyatuuha izyo, nkalola ivhungaana ipiti nkaani ilya vhantu lye nuumo atangavhaazya. Avhantu kufuma mu nsi zyonti ni nkolo zyonti na mu mpuga zyonti na mu njango zyonti, vhimiliiye pilongolela ilya shitengo isha vhumwene na pilongolela ilya Hagonzi aha MWENE uMulungu. Vhazwaye amenda amazelu havhili vhalemile amatundu aga matende.