Ishitushizya 3:2 - ULufingwi uLupwa

² Vhuuha! Uzigomwe ziila zye zipalamiiye kufwa, mwe pe ulujendo lwaho te lulunjisu pilongolela ilya Mulungu waane.

Tesitamenti Umupwa 1965

² Damulilaga, uzigomwaje zye zisyaye zye zikulungama kuvufwe. Shʼimbombo zyaho nazile zitalunjisile kuminso ga Mulungu wane.

Ishitushizya 3:2 ပူးပေါင်းရင်းမြစ်များ

Matayi 23:5

Avheene imbombo zyavho zyonti vhakuvhomba, inga avhantu vhavhalole. Nkuyanga vhwevhulo, mwe pe avheene vhakuzwala pa vweni na mu nyoovhe utubuguulu utupiti utwa makwembe kuluusya utwa vhanji, havhili vhakutalimfwa utusampala utwa menda gaavho kuluusya avhanji.

Matayi 25:13

UYeesu ahavhavhuuzya avhasundikwa vhaakwe ahati, “Ishi muvhanje minso, mwe pe mutamanyile isiku, poosye ahavhaliilizyo he ndigaluha.”

Matayi 25:7

Naluvhiilo avhalindu vhonti vhahadaamula nu kusengaanya inyaale zyavho.

iMbombo izya Vhatumwa 18:23

Ahatendama ukwo ahavhaliilizyo hamo, pe ahajendeelela nu vhulendo kutuushila mu nsi iya Galaatiya ni ya Fuligiya, uku akuvhagomwa avhalandati vhonti.

1 Peteli 4:7

Uvhusililishilo uvhwa vintu vwonti vhupalamiiye, ishi muyikonzyaje, havhili muvhanje minso ku zye mukuvhomba, inga mulaavhaje vwe yikwanzilwa.

1 Peteli 5:8

Muyikonzyaje nu kuvha minso ahavhaliilizyo honti, mwe pe umulugu wiinyu uMukwalanzi akuzyunguula uku nuukwo inza insama ye yikulondola umuntu, inga yiimulye.

Ishitushizya 16:15

UYeesu ahayanga ahati, “Yeenyi, ine nkwinza kwi idala ilya kwitushizya inza umwivha! Alosiitwe umuntu we ali minso nu kuzwala amenda gaakwe, inga atahinze asogole ishitali ukwo nu kulola insoni apazelu.”

Ishitushizya 2:4

Ileelo indi ni izwi niiwe: Ushilesile ishikunzi shaaho ishitanzi.

Ishitushizya 3:1

“Uhavhizya uwa shivhanza isha ku Saadi, musimbile uti: Iga mazwi kufuma kwa Yeesu, ula we ali ni Mpepo 7 izya Mulungu ni nzota 7: Ndumanyile ulujendo lwaho, avhantu vhakulitiima izina lyaho kuuti we mupuuma, ileelo ufuuye.

Ishitushizya 3:3

Pe ishi, ukumbushe vwe wáposheleeye na vwe wívuuye, uzileme izyo nu kupinduha. Ileelo inga utavhuuha, ndiyinza kwi idala ilya kwitushizya inza umwivha, pe te uhaamanye ahavhaliilizyo he indiyinza kuli iwe.