Ishitushizya 3:14 - ULufingwi uLupwa

¹⁴ “Uhavhizya uwa shivhanza isha ku Lawodikiya, musimbile uti: Iga mazwi kufuma kuli ine ne Yeesu. Ine ne Amina, havhili ne hoome umutungamu nu wa nalyoli. Nkuvikonzya ivintu vwonti vwe uMulungu ápezile.

Tesitamenti Umupwa 1965

¹⁴ Uwenʼuhavizya wa shivanza sha mu-Layodikeya wʼumusimbilaje utinji: LyʼakuyangʼuAmen, uhome umutungamu uwa nalyoli, wʼiṿipelelwa ṿwa Mulungu ṿwonti ṿwanzite mumwakwe wuyo.

Ishitushizya 3:14 ပူးပေါင်းရင်းမြစ်များ

Yohani 1:3

UMulungu ávipezile ivintu vwonti kutuushila kwa Izwi. Shitaliipo ishintu she shápeliilwe ishisita kutuushila ku kwakwe.

Yohani 8:14

UYeesu ahavhaamula ahati, “Poosye inga nkuhomeshezya neene inongwa zyane, zye nkuhomeshezya zya nalyoli, mwe pe imanyile kwe mfumile, havhili imanyile kwe nkusogola. Ileelo imwe mutamanyile kwe mfumile, poosye kwe nkusogola.

2 VaKolinti 1:20

Zyonti zye uMulungu áfinzile kuuti aliitupa kwi idala ilya Chilisiti zya nalyoli, mwe pe iswe kutuushila kwa Chilisiti tukuti, “Amina,” kwe kuuti zya nalyoli, kuzya kumushindiha uMulungu.

Kolosi 1:15

Mwa Mwana, uMulungu akuloleha apazelu vwe ali, pooka nu kuuti tutangamulola uMulungu wuuyo. UMwana ali na maha ku vipelwa vwonti.

Kolosi 1:18

Havhili uweene ali inza itwe mu muvhili, kwe kuuti mupiti uwa shivhanza, uweene we vhwandilo uvhwa shivhanza, havhili mutanzi kuzyuha, inga avhe mupiti mu zyonti.

Kolosi 2:1

Nkwanza mumanye kuuti, nkuyikungula ku maha gonti kuvhaavwa imwe na vhiitisi avha ku Lawodikiya na vhanji vhonti vhe tutahalolana naalumo.

Kolosi 4:16

Lwe mwavhaazya ukalaata uno kuli imwe, muhomesheziizye kuuti shoope ishivhanza isha ku Lawodikiya shikuvhaazya wenewo. Niimwe vhweleele muvhaazye ukalaata we avheene vhaposheleeye kuli iswe.

Ishitushizya 1:11

Izwi ilyo lihambuuzya lihati, “Izi zyonti zye ukuzilola, uzisimbe mwi ikalaata. Lwe wazisimba, ulitwale ikalaata mu vivhanza 7 ivwa mu nkaaya izya Hefeeso ni Siimina ni Pegaamo ni Tiyatiila ni Saadi ni Filadelufiya ni Lawodikiya.”

Ishitushizya 1:5

havhili vhwe vhukufuma kwa Yeesu Chilisiti. Uweene we wu hoome uwa nalyoli, we mutanzi kuzyuha, havhili we mupiti uwa vhamwene vhonti avha mu nsi. UYeesu Chilisiti we atukunzite, havhili atusatuuye mu vhutalamalandu vhwitu, kutuushila mu mavhanda gaakwe.

Ishitushizya 19:11

Pisinda, nkalola ku mwanya kwigusile, ukwo nkalola imfwalaasi inzelu, na we akuyilimbila vhahatinji, “UMutungamu” nu “Wa Nalyoli.” Uyo akulongaga nu kulwa ku vhugolosu.

Ishitushizya 2:1

Umuntu uyo ahajendeelela kumbuuzya kuuti, “Uhavhizya uwa shivhanza isha ku Hefeeso, musimbile uti: Iga mazwi kufuma kuli ine ne Yeesu. Ine ndemile inzota 7 ku nyoovhe yaane iya kundiilo, havhili nkujenda pahati pa visajishilo ivwa sahaabu ivwa nyaale 7:

Ishitushizya 21:6

Ahati, “Zyalunjiha! Ine ne Aalufa havhili ne Omeega, uVhwandilo nu Vhusililishilo. We ali ni shinyooto ndiimupa ishakumwela pa vhweleele kufuma mu viduda ivwa minzi ge gakufumwa uvhulanzi.

Ishitushizya 22:13

Ine ne Aalufa havhili ne Omeega, uMutanzi nu Vhusililishilo, uVhwandilo nu Vhusililishilo.

Ishitushizya 22:6

Uhavhizya ahambuuzya ahati, “Amazwi iga ga nalyoli havhili ga kwitishilwa. UMWENE uMulungu we akuuvhapa avhakuvhwi uMupepo waakwe uMufinjile, amusonteleziizye uhavhizya waakwe avhalolesye avhavhomvi vhaakwe zye kuuti zivhombeshe ishisita kuhaavha.”

Ishitushizya 3:7

“Uhavhizya uwa shivhanza isha ku Filadelufiya, musimbile uti: Iga mazwi kufuma kwa Yeesu, ula we mufinjile, havhili uwa nalyoli, we ali ni shigulilo isha maha isha mwene uDaavhudi. Uweene we inga ayiigula nuumo uwa kwigalila, havhili inga agalila nuumo uwa kwigula: