Ishitushizya 22:9 - ULufingwi uLupwa

⁹ Ileelo uweene ahambuuzya ahati, “Leha! Ine ne muvhomvi vhweleele inza iwe na vhamwinyu avhakuvhwi na vhonti vhe vhakuzyitiha indajizyo zye zili mwi ikalaata ili. Mupuute uMulungu!”

Tesitamenti Umupwa 1965

⁹ Uwenʼahambuzya ahati: Zye ndah utahashele. She nane ne munyamata wamwinyu poka nawe navamwinyu ve vali vakuvwi nave vakusajilʼamazwi ga kalatʼuno. Uputaje kwe kwa Mulungu.

Ishitushizya 22:9 ပူးပေါင်းရင်းမြစ်များ

Matayi 4:9

ahamuvhuuzya ahati, “Kwe nkupe vwonti ivi, inga wansugamilila nu kumpuuta.”

uLuuka 4:7

Inga wampuuta, vwonti kwe vivhe vwaho.”

1 Yohani 5:20

Havhili tumanyile kuuti uMwana wa Mulungu ayinzile, atupiiye uvhumanyi, inga tumumanye uMulungu uwa nalyoli. Tuli nu vhuliilani nu Mulungu uwa nalyoli, kwi idala ilya kuvha nu vhuliilani nu Mwana waakwe uYeesu Chilisiti. Uno we wu Mulungu uwa nalyoli, havhili we vhulanzi uvhwa shiima shiima.

Ishitushizya 1:1

Ishi, shitushizya isha Yeesu Chilisiti. UMulungu ámupiiye ishenesho, inga avhalolesye avhavhomvi vhaakwe zye kuuti zivhombeshe ishisita kuhaavha. UYeesu ahamulolesya uYoohani umuvhomvi waakwe kutuushila kwa havhizya waakwe.

Ishitushizya 1:11

Izwi ilyo lihambuuzya lihati, “Izi zyonti zye ukuzilola, uzisimbe mwi ikalaata. Lwe wazisimba, ulitwale ikalaata mu vivhanza 7 ivwa mu nkaaya izya Hefeeso ni Siimina ni Pegaamo ni Tiyatiila ni Saadi ni Filadelufiya ni Lawodikiya.”

Ishitushizya 14:7

Ahayanga kwi izwi ipiti ahati, “Mumunyilaje uMulungu nu kumutiima, mwe pe ahavhaliilizyo aha vhulonzi vhwakwe haafiha. Mumupuutaje uweene we ahapela ku mwanya na pa nsi nu sumbi ni viduda ivwa minzi.”

Ishitushizya 15:4

We MWENE, avhantu vhonti vhakwanzilwa kukutiima! Havhili vhonti vhakwanzilwa kukunyila! Iwe weeka we Mufinjile! Insi zyonti zilikwinzila nu kukupuuta, mwe pe imbombo zyaho ingolosu zilolesile.”

Ishitushizya 19:10

Pe nkakupama pilongolela ilya vinama vwakwe kuuti imupuute. Ileelo uweene ahambuuzya, ahati, “Leha! Ine ne muvhomvi vhweleele inza iwe na vhamwinyu, swenti tukufumwa uvhwahoome uvhwa Yeesu. Mupuute uMulungu! Nkuyanga vhwevhulo, mwe pe vhe vhakufumwa uvhwahoome uvhwa Yeesu, vhe vhali nu Mupepo uMufinjile. Woope we akuvhaavwa kufumwa uvhukuvhwi.”

Ishitushizya 22:10

Havhili ahati, “Utahazyishe fwe vhuzigizigi amazwi aga vhukuvhwi ge gali mwi ikalaata ili, mwe pe ahavhaliilizyo he kuuti galunjishe hapalamiiye.

Ishitushizya 22:18

Nkuvhahomeshezya avhantu vhonti vhe vhakugiivwa amazwi aga vhukuvhwi ge gali mwi ikalaata ili: Inga umuntu wonti ayonjezya izwi lyonti, uMulungu woope alimwonjezezya imfwa izyo zye zisimviilwe mwi ikalaata ili.

Ishitushizya 22:7

UYeesu akuti, “Yeenya, nkwinza naluvhiilo. Alosiitwe uweene we akugashindiha amazwi aga vhukuvhwi ge gali mwi ikalaata ili.”

Ishitushizya 4:10

pe vhoope avhasongo vhaala 24 vhakukupama. Vhakukupama pilongolela lyakwe uweene we atendiime pa shitengo isha vhumwene. Vhoope vhakumupuuta uweene we mulanzi shiima shiima, havhili vhakusumba ivipambwi vwavho pilongolela ilya shitengo isha vhumwene. Vhakuti,

Ishitushizya 9:20

Avhantu vhe vhásyaye, vhe vhatáfuuye ku mfwa izyo, vhahahaana kupinduha kuzya mbiivhi zyavho. Vhatahapinduha kuzya kuvhasugamilila avhaseetano ni viholanyo ivwa sahaabu ni vwa mpiiya ni vwa shaaba ni vwa mavhwe ni vwa makwi. Iviholanyo ivwo vwe vitangaalola, poosye kwivwa, poosye kujenda.