Ishitushizya 22:3 - ULufingwi uLupwa

³ Shitaliipo ishintu naashimo she vhashitifile she shiliivha mu nkaaya iyo. Ishitengo isha vhumwene isha Mulungu ni sha Hagonzi aha MWENE uMulungu shiliivha mu nkaaya iyo na vhavhomvi avha Mulungu vhalimupuutaga.

Tesitamenti Umupwa 1965

³ Nahamʼahantu ahatipwa hataliva mumwo havili. Ishitengo sha vumwene isha Mulungu nisha Hagonzi shiliva munkaya yiyo. Avenʼavanyamata vakwe valimuvombela.

Ishitushizya 22:3 ပူးပေါင်းရင်းမြစ်များ

Matayi 25:21

Umwene waakwe ahamuvhuuzya ahati, ‘Uvhomvile ahinza nkaani. Iwe we muvhomvi umwinza, havhili umutungamu! Mwe pe waamile we mutungamu ku vintu ivinsi, ishi kwe nkuvhiishe kuvha we mwimiilizi uwa vintu ivwinji. Yinjiila tuseshele pooka niine ne mwene waaho.’

Matayi 25:41

“Pe vhoope vhe vhali ku luvhazu lwane ulwa kumongo ndivhavhuuzya ndiiti, ‘Yeepi ipa imwe mwe mutifiilwe! Mwinjile mu mwoto uwa shiima we uMulungu ámusenganiziinye uMukwalanzi na vhahavhizya vhaakwe.

Yohani 12:26

Umuntu wonti we akumbombela ine, akwanzilwa andandate. Yeenya, ponti pe indi, nu muvhomvi waane kwe avhanje. Havhili uTaata alimushindiha umuntu wonti we akumbombela ine.

Yohani 13:32

Inga uvhushindamu vhwakwe vhukuloleha kutuushila mu mbombo zyane, woope uMulungu akuvhalolesya avhantu uvhushindamu vhwane ne Mwana wa Aadamu, havhili akuvhomba inza vhwevhulo ahavhaliilizyo iha.

Yohani 14:3

Lwe nasogola nu kuvhasenganizanya uvhuzilo, ndigaluha havhili kuvhanyatula, inga pe navha, niimwe muvhe pooka niine.

Yohani 17:24

“We Taata, nkwanza kuuti vhe umpiiye, vhavhanje pooka niine pe nkuvha, inga vhavhulolaje uvhushindamu vhwe umpiiye, mwe pe wánkunzite kufuma lwe ni nsi yishiili kupelwa.

Ishitushizya 7:10

Vhahayanga kwi izwi ipiti, vhahati, “Uvhuposhi vhukufuma kwa Mulungu wiitu, uweene we akutendama pa shitengo shaakwe isha vhumwene, na ku Hagonzi aha MWENE uMulungu.”

Ishitushizya 7:9

Lwe zyatuuha izyo, nkalola ivhungaana ipiti nkaani ilya vhantu lye nuumo atangavhaazya. Avhantu kufuma mu nsi zyonti ni nkolo zyonti na mu mpuga zyonti na mu njango zyonti, vhimiliiye pilongolela ilya shitengo isha vhumwene na pilongolela ilya Hagonzi aha MWENE uMulungu. Vhazwaye amenda amazelu havhili vhalemile amatundu aga matende.