Ishitushizya 22:18 - ULufingwi uLupwa

¹⁸ Nkuvhahomeshezya avhantu vhonti vhe vhakugiivwa amazwi aga vhukuvhwi ge gali mwi ikalaata ili: Inga umuntu wonti ayonjezya izwi lyonti, uMulungu woope alimwonjezezya imfwa izyo zye zisimviilwe mwi ikalaata ili.

Tesitamenti Umupwa 1965

¹⁸ Vonti venga vakwiṿwʼamazwi ga vukuvwi aga kalata uno, ve nkuvahomeshezya nkuti: Uno wengʼakwonjezya ukuviha pupo hamo, wʼuMulungu alimwonjelezezya intipo zye zisimṿilwe mwa kalatʼuno.

Ishitushizya 22:18 ပူးပေါင်းရင်းမြစ်များ

Matayi 15:13

UYeesu ahaamula ahati, “UTaata waane uwa ku mwanya alivhalovwa avhasambiilizi vhonti vhe vhakusambiilizya zye uweene atálajiziizye, inza vwe umuntu akunyunkulanya imbeyu zye uweene atávhwaye.

VaEfeso 4:17

Ishi vhamwitu, nkuvhasoha nu kuvhahomeelezya ku maha aga Mwene uYeesu. Kwandila ishi, mutalandilaje fwe vhantu vhe vhatakumwitiha uMulungu, avheene insiivho zyavho zya shaaha.

1 VaTesaloniki 4:6

Muli izyo, umuntu wonti atahamunanjile uwamwavho, poosye kumuhopenkanya. Inza vwe twávhavhuziizye nu kuvhasoha kuuti, vhonti vhe vhakuvhomba izyo, uMwene uYeesu aliivhapa isunde.

Ishitushizya 1:3

Alosiitwe we akuvhavhaazizya imwe amazwi aga vhukuvhwi vhwe vhusimviilwe umu, havhili mulosiitwe na mwe mukugatejeelezya nu kugalema, mwe pe ahavhaliilizyo he kuuti galunjishe hapalamiiye.

Ishitushizya 15:1

Pe nkalola ishilolesyo ishamwavho ku mwanya, ishipiti ni sha kusukumizya: Páamile avhahavhizya 7 vhe vhali ni mfwa 7 izya vhusililishilo. Ku mfwa 7 izyo, uvhuhalazu uvhwa Mulungu vhulunjisile.

Ishitushizya 15:6

Pe avhahavhizya vhaala 7 vhe vhali ni mfwa 7 vhahafuma penepo. Avhahavhizya ivho vházwaye amenda amazelu ge gahanyengʼenyelaga na malamba aga sahaabu mu vifuvha vwavho.

Ishitushizya 19:20

Ileelo we átendiime pa mfwalaasi ahashigoma ishihanu isho pooka nu mukuvhwi waakwe uwa ilenga, we ahavhombaga ivilolesyo pa luvhambo lwakwe. Ku vilolesyo vwakwe ivwo, ávhahopenkiinye vhaala vhe vháamile ni vimanyilo ivwa shihanu isho, na vhe vhahashipuutaga ishiholanyo shaakwe. Ishihanu isho pooka nu mukuvhwi uyo vhahasumbwa vhonti vhavhili, she vhapuuma mwa sumbi we akwaha umwoto uwa mbaluuti.

Ishitushizya 20:10

Woope uMukwalanzi we ahavhahopenkanyaaga, alisumbilwa mwa sumbi we akwaha umwoto uwa mbaluuti. Umwo mwe shili ishihanu shiila nu mukuvhwi ula uwa ilenga, vhoope vhaliyimvilwa uvhusiku nu musanya, shiima shiima.

Ishitushizya 20:15

Umuntu wonti we izina lyakwe litálolesile mwi ikalaata ilya vhulanzi, ahasumbilwa mwa sumbi we akwaha umwoto.

Ishitushizya 22:10

Havhili ahati, “Utahazyishe fwe vhuzigizigi amazwi aga vhukuvhwi ge gali mwi ikalaata ili, mwe pe ahavhaliilizyo he kuuti galunjishe hapalamiiye.

Ishitushizya 22:16

“Ine ne Yeesu, imusonteleziizye uhavhizya waane kuvhahomeshezya imwe inongwa izi kuzya vivhanza. Ine ne lizi, havhili ne wa mu mpaapo izya mwene uDaavhudi, uluzota luula lwe lukulama nkaani inzanshi.”

Ishitushizya 22:7

UYeesu akuti, “Yeenya, nkwinza naluvhiilo. Alosiitwe uweene we akugashindiha amazwi aga vhukuvhwi ge gali mwi ikalaata ili.”

Ishitushizya 22:9

Ileelo uweene ahambuuzya ahati, “Leha! Ine ne muvhomvi vhweleele inza iwe na vhamwinyu avhakuvhwi na vhonti vhe vhakuzyitiha indajizyo zye zili mwi ikalaata ili. Mupuute uMulungu!”

Ishitushizya 3:14

“Uhavhizya uwa shivhanza isha ku Lawodikiya, musimbile uti: Iga mazwi kufuma kuli ine ne Yeesu. Ine ne Amina, havhili ne hoome umutungamu nu wa nalyoli. Nkuvikonzya ivintu vwonti vwe uMulungu ápezile.