Ishitushizya 22:14 - ULufingwi uLupwa

¹⁴ Vhalosiitwe ivho vhe vhakuhanda amenda gaavho, inga vhitishilwe kwinjila mu nkaaya kutuushila mu malyango gaakwe, nu kulya amantonongwa aga makwi ge gakufumwa uvhulanzi.

Tesitamenti Umupwa 1965

¹⁴ Vasangalusu venga vakuhandʼiṿizwalo ṿwavo, ukuti vavanje namaha ga kulifishila ikwi ipelavulanzi naga kutuha paṿikwilo ukuti vinjile munkaya yiyo.

Ishitushizya 22:14 ပူးပေါင်းရင်းမြစ်များ

Yohani 10:7

Pe uYeesu ahayanga havhili ahati, “Nalyoli nkuvhavhuuzya kuuti, ine indi inza umulyango uwo, we ingʼonzi zikwinjiilila mwi ivhiji.

Yohani 10:9

Ine indi inza umulyango uwo. Umuntu wonti we akwinjila mwi ivhiji kutuushila ku kwane akupokwa, havhili akuvha musatushe kwinjila nu kufuma, kusogola kwi isole ilyinza.

Yohani 14:15

UYeesu ahati, “Inga munkunzite, kwe muzilandataje indajizyo zyane.

Yohani 14:6

UYeesu ahamwamula ahati, “Ine ne ne lidala nu vhwanalyoli, havhili ne vhulanzi. Ataliipo umuntu we anginza kwa Taata, inga atatuushila ku kwane.

Yohani 4:12

Utaata wiitu uYaakobu ahaatupa ishifula ishi she ahamwelaga na vhaana vhaakwe, pooka ni visugwa vwakwe. Vhuli, ukuyilola kuuti iwe we mupiti kuluusya uweene?”

1 VaKolinti 7:19

Kutahiililwa poosye kuvha ishisita kutahiililwa kutali ni ilonka naalimo, nkandi kulema indajizyo izya Mulungu.

1 VaKolinti 8:9

Ishi muvhe minso, uvhumanyi vhwinyu vhutahaavhe lipunulo ku vhayeyevhazu.

1 VaKolinti 9:5

Mukusiivha kuuti iswe tutakwitishilwa kushuula na vhashi vhiitu avhiitisi, inza vwe vhakushuula uKeefa na vhatumwa avhanji na vhanine avha Mwene uYeesu?

VaGalati 5:6

Ishi inga tusopenkiine nu Chilisiti uYeesu, kutahiililwa, poosye kuvha ishisita kutahiililwa, kutali ni ilonka naalimo, she shikwanzilwa, lwitiho ulwa kumwitiha uChilisiti. Ulwitiho ulwo lukuloleha kwi idala ilya kumukunda uMulungu na vhantu vhonti.

1 Yohani 3:3

Wonti we akusuuvhila kuuti aliholana nu Chilisiti, akuyizelufwa inga avhe muzelu, inza vwe uweene uChilisiti muzelu.

1 Yohani 5:3

Kumukunda uMulungu, kwe kushindiha indajizyo zyakwe, zyope te ngomu kuzishindiha.

Ishitushizya 2:7

We ali na makutwi, atejeelezye ziila zye uMupepo uMufinjile akuvivhuuzya ivivhanza. Ula we alipoota indingo ndiimupa amantonongwa aga ikwi lye likufumwa uvhulanzi, lye lili mu shilimbika isha Mulungu.”

Ishitushizya 21:12

Yáamile nu lupitu ulutali, havhili ulupiti lwe luli na malyango 12. Amalyango igo gahagulilwaga na vhahavhizya 12. Pa malyango gonti pásimviilwe izina lyoka mu gaala amazina aga nkolo 12 izya Isilayeeli.

Ishitushizya 21:27

Ileelo shonti she shihandamanu te shihinjile muumwo, poosye umuntu wonti we akuvhomba izya kuviisya poosye izya ilenga te ahinjile muumwo. Vhevhaala vhweleele vhe amazina gaavho gasimviilwe mwi ikalaata ilya vhulanzi ilya Hagonzi aha MWENE uMulungu vhe vhaliyinjila.

Ishitushizya 22:2

Ijenje ilyo lihiihaga kutuushila mwi idala ipiti ilya nkaaya. Mu mbazu zyonti izya ijenje ilyo mwámile amakwi ge gakufumwa uvhulanzi ge gakuhoma mala 12 ku mwaha. Kwe kuuti ku mwezi gakuhoma lwoka, amatundu gaakwe mulembo uwa kuponia avhantu avha mu nsi zyonti.

Ishitushizya 22:7

UYeesu akuti, “Yeenya, nkwinza naluvhiilo. Alosiitwe uweene we akugashindiha amazwi aga vhukuvhwi ge gali mwi ikalaata ili.”

Ishitushizya 7:14

Nkamwamula nkati, “We mwene, iwe umanyile.” Pe woope ahati, “Ivha vhantu, vhe vhafumile mu mayimba amapiti, vhoope vhahanzite amenda gaavho nu kugavhiiha kuvha mazelu mu mavhanda aga Hagonzi aha MWENE uMulungu.