Ishitushizya 22:12 - ULufingwi uLupwa

¹² UYeesu akuyanga akuti, “Yeenya, nkwinza naluvhiilo pooka na malipilo ge ndivhalipa vhonti kulandatana nu lujendo lwavho.

Tesitamenti Umupwa 1965

¹² Yenya nkwinza, ntalihava. Ṿwope niṿwa kuvalipila iṿwane ndi naṿwo, iṿwa kuvalipila avantu vonti, unʼiṿwakwe unʼiṿwakwe, mwʼivaliyʼimbombo yavo.

Ishitushizya 22:12 ပူးပေါင်းရင်းမြစ်များ

Matayi 16:27

Ine ne Mwana wa Aadamu ndiyinza pooka na vhahavhizya vhaane mu vhushindamu uvhwa Taata waane. Pe ndivhalipa avhantu vhonti kulandatana ni mbombo zyavho.

VaLoma 14:12

Kuli izyo, umuntu wonti muli iswe alilondovhola wuuyo inongwa zyakwe pilongolela lya Mulungu.

1 VaKolinti 3:14

Umuntu we imbombo yaakwe yaapona, aliposheela amalipilo.

1 VaKolinti 3:8

We akuvhwala na we akwitiilizya vhonti vhali ni nsiivho yooka. UMulungu aliivhapa vhonti amalipilo gaavho, kulandatana ni mbombo zyavho.

Ishitushizya 11:18

Avhantu avha kunzi vhávisiitwe, ileelo umulaha wuhakulema. Ahavhaliilizyo hahafiha aha kuvhalonga vhe vháfuuye, na ha kuuvhapa ivipeelwa avhavhomvi vhaaho avhakuvhwi na vhafinjile na vhe vhakulinyila izina lyaho, avhapiti na vhansi. Havhili ahavhaliilizyo hahafiha aha kuvhananganya ivho vhe vhakunanganya insi.”

Ishitushizya 2:23

Havhili ndivhagoga avhalandati vhaakwe. Pe ivivhanza vwonti viliimanya kuuti ine ne nkwenyeelezya insiivho na mooyo. Niine ndiimupa umuntu wonti muli imwe kulandatana na zye akuzivhomba.

Ishitushizya 20:12

Pe nkavhalola avhafwe, avhapiti na vhansi, vhimiliiye pilongolela ilya shitengo isha vhumwene, amakalaata gahagubulwa. Havhili ikalaata ilyamwavho ilya vhulanzi lyope lihagubulwa. Pe uMulungu ahavhalonga avhafwe kulandatana nu lujendo lwavho, inza vwe lwásimviilwe mu makalaata igo.

Ishitushizya 22:20

We akuhomeshezya kuli izi, akuti, “Nalyoli nkwinza naluvhiilo.” Amina. Uyinze Mwene Yeesu!

Ishitushizya 22:7

UYeesu akuti, “Yeenya, nkwinza naluvhiilo. Alosiitwe uweene we akugashindiha amazwi aga vhukuvhwi ge gali mwi ikalaata ili.”

Ishitushizya 3:11

Nkwinza naluvhiilo. Uleme nkaani she uli nasho, atahinze umuntu akufwule ishipambwi shaaho.