Ishitushizya 21:6 - ULufingwi uLupwa

⁶ Ahati, “Zyalunjiha! Ine ne Aalufa havhili ne Omeega, uVhwandilo nu Vhusililishilo. We ali ni shinyooto ndiimupa ishakumwela pa vhweleele kufuma mu viduda ivwa minzi ge gakufumwa uvhulanzi.

Tesitamenti Umupwa 1965

⁶ Pʼahambuzya ahati: Mpela zivomṿilwe. Nene ne Alifa havili ne Omega, ne vwando nene havili ne vumalilishilo. Nene ne ndimungʼwesya aga mushiduda sha minzi amapelavulanzi wengʼayumilwe ishinyoto, ndimupa pavwila.

Ishitushizya 21:6 ပူးပေါင်းရင်းမြစ်များ

Yohani 4:10

UYeesu ahamwamula ahati, “Inga waamanyile she uMulungu akwanza kuukupa, havhili kuuti wu naanu we akukulaavha aminzi aga kumwela, waamile undaavhaje, niine naamile inkupanje aminzi ge gakuuvhapa avhantu uvhulanzi.”

Yohani 4:11

Umwantanda uyo ahamwamula uYeesu ahati, “We mwene, iwe utali nu lukusa, poosye ishiliilo isha kutapila aminzi, havhili ishifula ishi shivhiiye nkaani, ishi kwe ugaaje kwoshi aminzi igo ge gakuuvhapa avhantu uvhulanzi?

Yohani 4:14

Ileelo umuntu we akumwela aminzi ge ine nkuumupa, te ahuumilwe ishinyooto havhili. Aminzi ge ine nkuumupa, galiivha inza ishiduda isha minzi muhati yaakwe she shitakwuma naalumo nu kuumupa uvhulanzi uvhwa shiima.”

VaLoma 3:24

Ileelo uMulungu ku vhwila vhwakwe, atuvhaziizye kuuti twe vhagolosu pa vhweleele kwi idala ilya vhutavhuzi vhwe vhuli mwa Chilisiti uYeesu.

VaLoma 8:32

UMulungu atámufwiliiye uvhwila uMwana waakwe wuuyo, ámufumwizye kuuti afwe ku zyitu swenti. Pe ishi, inga átupiiye uMwana waakwe wuuyo, nalyoli aliitupa pooka nawo ivintu vwonti pa vhweleele.

1 VaKolinti 2:12

Niiswe, tutaposheleeye impepo izya mu nsi umu, nkandi uMupepo we akufuma kwa Mulungu, inga tuzimanyaje zye tupeliilwe nu Mulungu.

1 VaKolinti 3:12

Ileelo pamwanya pa lwalo ulwo, umuntu uwunji angazenjela isahaabu, poosye impiiya, poosye amavhwe aga nsavho impiti. Uwamwavho angazenjela amakwi, poosye amatundu, poosye isole.

1 VaKolinti 3:21

Ishi umuntu wonti atayitumvwaje kuuti mulandati wa mulongozi wumo, mwe pe ivintu vwonti vwinyu,

1 VaKolinti 3:5

Ishi uApoolo wu naanu? Niine ne Paavhuli ne naanu? Iswe twe vhavhomvi vhweleele vhe uMulungu átusonteleziizye kuvhaavwa imwe kumwitiha uYeesu Chilisiti. Iswe swenti tuvhomvile inza vwe uMwene uYeesu átupiiye.

Ishitushizya 1:11

Izwi ilyo lihambuuzya lihati, “Izi zyonti zye ukuzilola, uzisimbe mwi ikalaata. Lwe wazisimba, ulitwale ikalaata mu vivhanza 7 ivwa mu nkaaya izya Hefeeso ni Siimina ni Pegaamo ni Tiyatiila ni Saadi ni Filadelufiya ni Lawodikiya.”

Ishitushizya 1:17

Lwe namulola, nkagwila pa vinama vwakwe ngati muntu we afuuye. Ileelo ahandema ni nyoovhe yaakwe iya kundiilo ahati, “Utogopaje! Ine ne Vhwandilo havhili ne Vhusililishilo,

Ishitushizya 1:8

UMWENE uMulungu akuyanga akuti, “Ine ne Aalufa havhili ne Omeega, uweene we áliipo na we aliipo na we aliyinza, havhili uweene Wa Maha Gonti.”

Ishitushizya 10:6

Ahalapa kwa Mulungu uweene we mulanzi shiima shiima, we ahapela ku mwanya na vwe vili kuukwo ni nsi na vwe vili muumwo nu sumbi na vwe vili muumwo. Ahati, “Te pahaavhe havhili, lwe izi zyatuuha.

Ishitushizya 16:17

Pe uhavhizya uwa 7 ahiitila vwe vwáli mu luvhiga lwakwe mu mwanya. Izwi ipiti lihivwiha kufuma ku shitengo isha vhumwene, mu Nyumba iMfinjile, lihati, “Uvhusililishilo vhwafiha!”

Ishitushizya 22:13

Ine ne Aalufa havhili ne Omeega, uMutanzi nu Vhusililishilo, uVhwandilo nu Vhusililishilo.

Ishitushizya 22:17

UMupepo uMufinjile na we akunyatulwa vhakuti, “Nzaaga!” Woope we akwivwa ati, “Nzaaga!” Woope we ali ni shinyooto ayinze, we akwanza, anyatule aminzi ge gakufumwa uvhulanzi pa vhweleele.

Ishitushizya 3:14

“Uhavhizya uwa shivhanza isha ku Lawodikiya, musimbile uti: Iga mazwi kufuma kuli ine ne Yeesu. Ine ne Amina, havhili ne hoome umutungamu nu wa nalyoli. Nkuvikonzya ivintu vwonti vwe uMulungu ápezile.

Ishitushizya 7:17

Mwe pe aHagonzi aha MWENE uMulungu he hali pamwanya pa shitengo isha vhumwene halivhadiima. Hoope halivhatwala ku viduda ivwa minzi ge gakufumwa uvhulanzi. Havhili uMulungu woope alivhasyumula amansozi gonti ku minso gaavho.’”