Ishitushizya 21:3 - ULufingwi uLupwa

³ Pe nkiivwa izwi ipiti kufuma ku shitengo isha vhumwene lihati, “Yeenya uvhuyo uvhwa Mulungu pooka na vhantu! Alitendama pooka navho, vhoope vhaliivha vhantu vhaakwe, woope aliivha wu Mulungu waavho.

Tesitamenti Umupwa 1965

³ Pe nkiṿwa izwʼipiti kufuma kushitengo shila isha vumwene likuti: Yenya, uvutendamo ṿwa Mulungu vuli poka navantu. Alitendama navo, valiva vantu vakwe, havili uwene aliva Mulungu wʼali navo.

Ishitushizya 21:3 ပူးပေါင်းရင်းမြစ်များ

Yohani 1:14

UIzwi uyo áyinzile avha muntu, ahatendama pooka niiswe. Tuhavhulola uvhushindamu vhwakwe, uvhushindamu vhwe vhukulolesya kuuti Mwana imozi we afumile kwa Taata, ali nu vhwila nu vhwanalyoli nkaani.

Yohani 14:23

UYeesu ahamwamula ahati, “Umuntu wonti we ankunzite ine, kwe azivhombelaje imbombo zye nkumulajizya. Woope uTaata waane kwe amukundaje umuntu uyo, havhili ine nu Taata waane tuliyinza ku kwakwe nu kutendama pooka nawo.

2 VaKolinti 6:16

INyumba iMfinjile iya Mulungu yingavha nu vhuliilani ni viholanyo ivwa vhalungu? Iswe twe Nyumba iMfinjile iya Mulungu uMulanzi! Izi zili inza uMulungu wuuyo vwe áyanzile átili, “Nditendama pahati yaavho nu kujenda pooka navho. Ndiivha ne Mulungu waavho, vhoope vhaliivha vhantu vhaane.”

2 VaKolinti 6:18

Havhili uMWENE uMulungu uwa Maha Gonti akuyanga akuti, “Kwe mbe ne Taata wiinyu, niimwe kwe muvhe mwe vhaana vhaane avhanaavuli na vhalindu.”

1 VaTesaloniki 3:11

Tukumulaavha uMulungu, uTaata wiitu wuuyo, nu Yeesu uMwene wiitu, atusenganizanye idala ilya kwinza kuli imwe.

VaHebuli 11:16

Ileelo avhantu ivho vhahayinyonywaga insi inyinza nkaani iya ku mwanya. Ye nongwa uMulungu atakulola insoni inga avhantu ivho vhakumwita kuuti wu Mulungu waavho, mwe pe avhasenganiziinye inkaaya.

VaHebuli 8:10

Ulu lwe lufingwi ulupwa lwe ndiluvhiiha na vhantu avha Isilayeeli insiku izyo zye zikwinza. Ndivhiiha indajizyo zyane mu njeele zyavho, nu kuzisimba mu mooyo gaavho. Ndiivha ne Mulungu waavho, vhoope vhaliivha vhantu vhaane.

VaHebuli 8:2

Ku mwanya ukwo, akuvhomba imbombo iya vhupuuti uvhupiti aPafinjile, kwe kuuti mwi Iheema liila ilya nalyoli lye te muntu álizenzile, nkandi wu MWENE uMulungu wuuyo.

Ishitushizya 10:4

Amazwi 7 aga kujilima lwe givwiha, náyisengiinye kusimba, ileelo nkiivwa izwi kufuma ku mwanya likuti, “Galemezanye amazwi igo ge gáyanziilwe ku mazwi 7 aga kujilima, utahagasimbe.”

Ishitushizya 10:8

Pe izwi liila lye nályivuuye kufuma ku mwanya lihayanga niine havhili lihati, “Sogoola ulinyatule ikalaata liila lye ligubuliilwe ku nyoovhe iya havhizya ula, we ahanyile mwa sumbi na pa nsi inyuumu.”

Ishitushizya 12:10

Pe nkiivwa izwi ipiti kufuma ku mwanya likuti, “Ishi, uMulungu wiitu avhaposile avhantu vhaakwe! Ishi alolesya amaha gaakwe nu kukonzya fwe wu mwene! Havhili uChilisiti waakwe alolesya amaha gaakwe! Yeenya, uMikayeeli na vhahavhizya vhaakwe vhamusumbiiye pansi umulonjeelezi uwa vhamwitu, uweene we akuvhalonjeelela kwa Mulungu wiitu, uvhusiku nu musanya.

Ishitushizya 21:7

Ula we alipoota indingo, aliposheela isho, niine ndiivha ne Mulungu waakwe, woope aliivha mwana waane.

Ishitushizya 22:3

Shitaliipo ishintu naashimo she vhashitifile she shiliivha mu nkaaya iyo. Ishitengo isha vhumwene isha Mulungu ni sha Hagonzi aha MWENE uMulungu shiliivha mu nkaaya iyo na vhavhomvi avha Mulungu vhalimupuutaga.

Ishitushizya 7:15

‘Ye nongwa vhali pilongolela ilya shitengo isha vhumwene isha Mulungu. Vhakumuvhombela uMulungu uvhusiku nu musanya mu Nyumba yaakwe iMfinjile, woope we atendiime pa shitengo isha vhumwene aliivha pooka navho kuvhadiima.