Ishitushizya 21:23 - ULufingwi uLupwa

²³ Inkaaya iyo yitakwanza izuvha, poosye umwezi kuyilamila, mwe pe uvhushindamu uvhwa Mulungu vhukuyilamila ni nyaale yaakwe Hagonzi aha MWENE uMulungu.

Tesitamenti Umupwa 1965

²³ Izuva numwezi ṿitakwanzilwa munkaya yiyo shʼuvumwamu ṿwa Mulungu vukuyihozezya, naHagonzi he nyale yakwe.

Ishitushizya 21:23 ပူးပေါင်းရင်းမြစ်များ

Matayi 16:27

Ine ne Mwana wa Aadamu ndiyinza pooka na vhahavhizya vhaane mu vhushindamu uvhwa Taata waane. Pe ndivhalipa avhantu vhonti kulandatana ni mbombo zyavho.

Maliko 8:38

Umuntu wonti we akundolela insoni ine na mazwi gaane ku vhavhembu na vhatalamalandu avha havhaliilizyo iha, niine ne Mwana wa Aadamu, ndimuhaana lwe nkwinza havhili nu vhushindamu uvhwa Taata waane, pooka na vhahavhizya avhafinjile.”

uLuuka 2:32

Uno kuuti avhe vhuzelu uvhwa kukulolesya iwe ku vhe te Vhaisilayeeli, havhili kuuti aleetaje uvhushindamu ku vhantu vhaaho aVhaisilayeeli.”

Yohani 1:14

UIzwi uyo áyinzile avha muntu, ahatendama pooka niiswe. Tuhavhulola uvhushindamu vhwakwe, uvhushindamu vhwe vhukulolesya kuuti Mwana imozi we afumile kwa Taata, ali nu vhwila nu vhwanalyoli nkaani.

Yohani 1:18

Ataliipo umuntu we amuvhwenyi uMulungu lumo, nkandi we Mwana imozi, we woope wu Mulungu, havhili ali nu vhuliilani uvhwa papiipi nkaani nu Taata uMulungu. Uyo we amulolesiizye uMulungu kuli iswe.

Yohani 1:4

UIzwi uyo áali vhwandilo uvhwa vhulanzi. Vhwope uvhulanzi uvhwo vhwáli vhuzelu vhwa vhantu.

Yohani 1:9

Uvhuzelu uvhwo vhwáli vhwa nalyoli, vhuhinza mu nsi umu nu kuvhahozezya avhantu vhonti.

Yohani 17:24

“We Taata, nkwanza kuuti vhe umpiiye, vhavhanje pooka niine pe nkuvha, inga vhavhulolaje uvhushindamu vhwe umpiiye, mwe pe wánkunzite kufuma lwe ni nsi yishiili kupelwa.

Yohani 5:23

Kwi idala ilyo, avhantu vhonti vhalinshindihaga ine inza vwe vhakumushindiha uTaata. Umuntu wonti we atakunshindiha ine, akuvha atakumushindiha uTaata waane we ansonteleziizye.

iMbombo izya Vhatumwa 22:11

Kulandatana nu vhuhali uvhwa vhuzelu vhuula, aminso gatahalolaga. Pe avhamwitu vhahandema inyoovhe nu kundongola mu Damaasiki.

Ishitushizya 14:4

Ivho vhe vhatáyihandamiinie na vhantanda, mwe pe vhafinjile. Ivha vhe vhakuhalandata aHagonzi aha MWENE uMulungu kwonti kwe hakusogola. Ivha havhakazile kufuma mu vhantu, havhili vhe vhatanzi kwa MWENE uMulungu na ku Hagonzi haakwe.

Ishitushizya 18:1

Lwe zyatuuha izyo, nkamulola uhavhizya uwamwavho akwiha kufuma ku mwanya. Áamile na maha amapiti, insi yihalamilwa nu vhuzelu vhwakwe.

Ishitushizya 21:11

Yihanyengʼenyelaga ku vhushindamu uvhwa Mulungu. Uvhuzelu vhwakwe vhwámile ngati wa ivhwe ilya nsavho, havhili ngati yaasipi, havhili ngati lilooli.

Ishitushizya 21:25

Amalyango aga nkaaya iyo galivhanga ukwazi musanya wonti, havhili te kuhaavhe uvhusiku muumwo.

Ishitushizya 22:5

Uvhusiku te vhuhaavhe havhili, te vhahanze uvhuzelu uvhwa nyaale, poosye uvhwa izuvha, mwe pe uMWENE uMulungu alivhalamwizya, vhoope vhalikonzya shiima shiima.

Ishitushizya 5:6

Pe nkalola aHagonzi aha MWENE uMulungu he háamile fwe havholiilwe, himiliiye pahati pa shitengo isha vhumwene ni vipelwa viila vine na vhasongo vhaala. Háamile ni mpembe 7 na minso 7, ge Mpepo 7 izya Mulungu zye ázisonteleziizye mu nsi yonti.

Ishitushizya 7:17

Mwe pe aHagonzi aha MWENE uMulungu he hali pamwanya pa shitengo isha vhumwene halivhadiima. Hoope halivhatwala ku viduda ivwa minzi ge gakufumwa uvhulanzi. Havhili uMulungu woope alivhasyumula amansozi gonti ku minso gaavho.’”