Ishitushizya 21:12 - ULufingwi uLupwa

¹² Yáamile nu lupitu ulutali, havhili ulupiti lwe luli na malyango 12. Amalyango igo gahagulilwaga na vhahavhizya 12. Pa malyango gonti pásimviilwe izina lyoka mu gaala amazina aga nkolo 12 izya Isilayeeli.

Tesitamenti Umupwa 1965

¹² yali nilinga ipiti itali, lye lyali niṿikwilo ishumi naṿivili, paṿikwilo pali avahavizya ishumi navavili, namazina gasimṿilwe pupo, agene nyene ge gali ga nkolʼishumi nazivili izya vana-Yisilayili.

Ishitushizya 21:12 ပူးပေါင်းရင်းမြစ်များ

Matayi 18:10

“Muvhanje minso, mutamusufwaje wumo mu vhansi ivha! Nkuvhavhuuzya kuuti, avhahavhizya vhaavho ku mwanya, ahavhaliilizyo honti vhali pilongolela ilya Taata waane uwa ku mwanya.

uLuuka 15:10

“Nkuvhavhuuzya kuuti, vhwevhulo vwe uMulungu akuseshela pilongolela ilya vhahavhizya vhaakwe, lwe umutalamalandu wooka akutonta uvhutalamalandu vhwakwe.”

uLuuka 16:22

“Pisinda, umupiina uLaazalo ahafwa. Avhahavhizya vhahamunyatula, vhahamuvhiiha papiipi nu Aabulahamu ku mwanya. Udumbwe ula, woope ahafwa, vhahamusyila.

iMbombo izya Vhatumwa 26:7

Ulufingwi ulwo lwe avhantu vhonti avha nsi yiitu, inkolo 12, vhakusuuvhila kuuti vhalilufishila. Pe vhakumupuuta uMulungu uvhusiku nu musanya. We mwene, ulusuuvhilo ulwo lwe aVhayuuda vhakundonjeelela ileelo ili!

VaHebuli 1:14

Pe ishi, avhahavhizya shintu vhuli? Avhahavhizya mpepo vhweleele zye zikumuvhombela uMulungu. Uweene akuzisonteelezya kuvhavhombela vhaala vhe vhaliipokwa.

Ishitushizya 21:13

Imbazu zyonti zyámile na malyango gatatu: uluvhazu ulwa kuvhutukulo amalyango gatatu, kulutala amalyango gatatu, kuntende amalyango gatatu na kuvhuswelo amalyango gatatu.

Ishitushizya 21:15

Pe woope uhavhizya ula we ahayangaga niine áamile ni ndiisa iya sahaabu iya kupimila, inga ayipime inkaaya iyo, amalyango gaakwe nu lupitu lwakwe.

Ishitushizya 21:25

Amalyango aga nkaaya iyo galivhanga ukwazi musanya wonti, havhili te kuhaavhe uvhusiku muumwo.

Ishitushizya 22:14

Vhalosiitwe ivho vhe vhakuhanda amenda gaavho, inga vhitishilwe kwinjila mu nkaaya kutuushila mu malyango gaakwe, nu kulya amantonongwa aga makwi ge gakufumwa uvhulanzi.