Ishitushizya 21:10 - ULufingwi uLupwa

¹⁰ UMupepo uMufinjile ahaniishila, woope uhavhizya ahantwala pi igamba itali nkaani. Ahandolesya iNkaaya iMfinjile, iYelusaleemu, yikwiha kufuma ku mwanya kwa Mulungu.

Tesitamenti Umupwa 1965

¹⁰ Pʼahanyatula mumupepo, ahantwala pigambʼipiti itali. Ahandanga inkayʼimfinjile uYelusalemu, ye yihiha kufuma kumwanya kwa Mulungu,

Ishitushizya 21:10 ပူးပေါင်းရင်းမြစ်များ

iMbombo izya Vhatumwa 8:39

Ileelo lwe vhaafuma mu minzi, naluvhiilo uMupepo uwa MWENE uMulungu ahamusompola uFiilipo. Umupiti uyo atahamulola havhili, ileelo ahajendeelela nu vhulendo vhwakwe ku luseshelo nkaani.

VaGalati 4:26

Ileelo ulwamwavho luholiine nu Saala we ali inza inkaaya iya Yelusaleemu iya ku mwanya. Inkaaya iyo, nsatushe, havhili ye nkaaya yiitu.

Ishitushizya 1:10

UMupepo uMufinjile ánishiiye pi isiku ilya MWENE uMulungu, nkiivwa izwi ipiti ngati lya isaji mwisinda lyane.

Ishitushizya 11:2

Ileelo uluvhungaano ulwa kunzi ululeshe ishisita kulupima, mwe pe ulwenelwo vhapeliilwe vhe vhatakumwitiha uMulungu. Vhoope vhaliyihanyanjila iNkaaya iMfinjile ameezi 42.

Ishitushizya 17:3

UMupepo uMufinjile ahaniishila, pe uhavhizya ahanyatula nu kuntwala kwi ilaala. Ukwo nkamulola umwantanda alimbiiye pa shihanu she sháali nu muhoola uwa mafwomfwo. Ishihanu isho shásimviilwe mwonti amazina aga musaamu, sháamile na matwe 7 ni mpembe 10.

Ishitushizya 21:2

Nkalola iNkaaya iMfinjile, iYelusaleemu impwa, yikwiha kufuma ku mwanya kwa Mulungu. Inkaaya iyo yáali ngati mwantanda we avhantu vhamuyemvwizye lwe akwimalwa.

Ishitushizya 3:12

Ula we alipoota indingo, ndimuvhiiha kuvha lupanda mu Nyumba iMfinjile iya Mulungu waane, te ahaafume umwo naalumo. Kuli uyo, ndisimba izina ilya Mulungu waane ni izina ilya nkaaya iya Mulungu waane. Inkaaya iyo Yelusaleemu impwa ye yikwiha kufuma ku mwanya kwa Mulungu waane. Havhili kuli uyo ndisimba izina lyane neneene, liila lye lipwa.

Ishitushizya 4:2

Naluvhiilo, uMupepo uMufinjile ahaniishila, nkalola ishitengo isha vhumwene shivhisiilwe ku mwanya she wumo atendamiiye.