Ishitushizya 20:4 - ULufingwi uLupwa

⁴ Pe nkalola ivitengo ivwa vhumwene na vhe vhavitendamiiye, avhantu ivho vhahapeelwa amaha aga vhulonzi. Havhili nkalola impepo izya vhaala vhe vhávholiilwe kuzya kufumwa uvhwahoome uvhwa Yeesu na kuzya kulyitiha izwi ilya Mulungu. Ivha vhatáshipuusite ishihanu shiila ni shiholanyo shaakwe, poosye kuposheela ivimanyilo pa vweni vwavho, poosye pa nyoovhe zyavho. Vhahazyuha havhili, vhahakonzya pooka nu Chilisiti ku maaha 1,000.

Tesitamenti Umupwa 1965

⁴ Havili nkalolʼiṿitengo ṿwa vumwene, pe vahatendama pupo, avene nyene vahapelwa uvulonzi, havili nkalola namapepo ga ve vadumulilwe amatwe kuzya kumuhomeshezyʼuYesu nakuzyʼIzwi lya Mulungu, navala ve vatahaputaga kushintu nakushiholanyo shakwe, ve vataposheleye uvusimbe ṿwakwe pasheni napamahono gavo. Avene nyene vahalandila nukuva ve vamwene poka nuChilisiti kumaha 1,000.

Ishitushizya 20:4 ပူးပေါင်းရင်းမြစ်များ

Matayi 19:28

UYeesu ahavhaamula ahati, “Nalyoli nkuvhavhuuzya kuuti, lwe ne Mwana wa Aadamu natendama pa shitengo ishishindamu isha vhumwene mu nsi impwa, niimwe mwe mundandasite, mulitendama pa vitengo ivwa vhumwene 12 kuzikonzya inkolo 12 izya Vhaisilayeeli.

Matayi 24:10

Pe avhantu avhinji vhaliileha kundandata. Vhaliyanilanaga nu kuviitana vhuuvho vheeka.

Maliko 6:16

Ileelo uHeelodi lwe ayiivwa inongwa izya Yeesu na vhantu vwe vhahayangaga, ahati, “Wu Yoohani, we námudumuuye itwe, azyuha.”

Maliko 6:27

Pe ahamusonteelezya umusikaali kusogola kuleeta itwe ilya Yoohani. Umusikaali ahinjila mu jeela nu kumudumula uYoohani itwe,

Maliko 9:11

Vhahamuvhuziilizya uYeesu vhahati, “Shooni she avhasambiilizi avha ndajizyo vhakuti, yikwanzilwa uEeliya amulongolele uChilisiti kwinza?”

uLuuka 1:17

Havhili alimulongolela uMwene, aliivha na maha nu mwoyo uwa kumulandata uMulungu inza umukuvhwi uEeliya vwe áamile. Alivhakundanya avhapaafi na vhaana vhaavho, havhili alivhagalulanya vhe vhatakumushindiha uMulungu, kuvha ni nsiivho ingolosu. Alivhomba zyonti izyo, inga avhasengaanye avhantu kumuposheela uMwene uYeesu.”

uLuuka 14:14

Pe niiwe uliivha nu vhuloote, mwe pe ivho vhatali ni vintu ivwa kukugalusizya. UMulungu we alikugalusizya, ahavhaliilizyo he alivhazyusya avhagolosu.”

uLuuka 22:30

Pe kuuti mulyanje nu kumwela niine, mu vhumwene vhwane. Havhili kuuti mutendame mu vitengo ivwa vhumwene, kuzikonzya inkolo 12 izya Vhaisilayeeli.”

Yohani 14:19

Hasyala ahavhaliilizyo hansi te nkaloleshe mu nsi umu. Ileelo imwe mulindola, mwe pe ine ndiivha ne mulanzi, niimwe muliivha mwe vhalanzi.

VaLoma 11:15

Ishi inga kuhaanwa ukwa Vhayuuda kwávhapeleeye vhe te Vhayuuda kwivwana nu Mulungu, pe ziliivha vhuli lwe aVhayuuda vhaposheelwa nu Mulungu? Nalyoli kuposheelwa kwavho kuliivha fwe kwe kuzyuha ukwa vhafwe.

VaLoma 8:17

Ishi, inga swe vhaana vha Mulungu, pe nalyoli swe vhapwana avha Mulungu, swe vhapwana pooka nu Chilisiti. Nalyoli inga tukwitiha kuyimba inza uChilisiti, pe tuliposheela uvhushindamu pooka nawo.

2 Timoti 2:12

Inga tukujimbiilila, tulikonzya pooka nawo. Ileelo inga twamuhaana, pe woope alituhaana.

Ishitushizya 1:2

Pe woope uYoohani ahahomeshezya zyonti zye ázivhwenyi, zye lizwi lya Mulungu nu vhwahoome uvhwa Yeesu Chilisiti.

Ishitushizya 1:9

Ine ne Yoohani, ne wamwinyu havhili ne indi pooka niimwe, kuzya kumulandata uYeesu Chilisiti mu mayimba na mu vhumwene na mu vhujimbiilizu. Nákunziilwe mu nsi inyuumu, ye vhakuti Paatimo ye yáamile pahati pa sumbi, kuzya mayimba. Amayimba igo gáfumiliine nu kulumbiilila izwi ilya Mulungu, nu kufumwa uvhwahoome uvhwa Yeesu Chilisiti.

Ishitushizya 11:11

Ileelo lwe ahavhaliilizyo aha nsiku zitatu ni shigavho shooka pa vigavho vivhili ivwa isiku hatuuha, umwuyu uwa vhupuuma we wukufuma kwa Mulungu wuhavhinjila, vhoope vhahimiilila. Avhantu vhahoogopa nkaani lwe vhavhalola vhakuzyuha.

Ishitushizya 11:15

Pe uhavhizya uwa 7 ahahoma isaji lyakwe, nkiivwa amazwi amapiti ku mwanya, gahati, “Uvhumwene uvhwa pa nsi vhwavha vhumwene uvhwa MWENE wiitu uMulungu havhili vhwa Chilisiti waakwe, woope uMWENE alikonzya shiima shiima.”

Ishitushizya 11:3

Niine, ndiivhapa amaha avhahoome vhaane vhavhili, vhoope vhaliifumwa uvhukuvhwi insiku 1,260, she vhazwaye amenda aga magunila kulolesya uvhuswimiilizu.”

Ishitushizya 11:7

Lwe vhaamala kufumwa uvhwahoome vhwavho, ishihanu she shikufuma kwi ilivha ilya ku vhuzimu shiliilwa navho, shoope shilivhapoota nu kuvhagoga.

Ishitushizya 12:11

Vhoope vhamupoosite ku mavhanda aga Hagonzi aha MWENE uMulungu, na kwi izwi lye vháhomesheziizye. Ivho vhe vhatahavhumwamihaga uvhulanzi vhwavho, havhili vhatahogopaga kufwa.

Ishitushizya 14:11

Ilyosi ilya mwoto we wulivhoosha liliizuvha ku mwanya shiima shiima. Vhatalituuzya uvhusiku, poosye umusanya, ivho vhe vhakushipuuta ishihanu isho ni shiholanyo shaakwe na vhe vhakushiposheela ishimanyilo isha izina lyakwe.”

Ishitushizya 15:2

Nkalola ishintu ngati wu sumbi uwa ilooli, asangiine nu mwoto. Nkavhalola avhantu vhaala vhe vháshipoosite ishihanu shiila ni shiholanyo shaakwe ni mbaazyo iya izina lyakwe. Avhantu ivho vhímiliiye mu luvhazu ulwa sumbi uwa ilooli, vháamile na mapango ge uMulungu ávhapiiye.

Ishitushizya 17:8

Ishihanu isho she washilola sháali shipuuma ileelo isaala izi shifuuye. Kwe shifume kwi ilivha ilya ku vhuzimu, ileelo uMulungu kwe ashilovwe. Vhe vhakutendama pa nsi vhalisukumila. Mwe muumwo, avhantu vhonti vhe amazina gaavho gatásimviilwe mwi ikalaata ilya vhulanzi, kufuma pe ulwalo ulwa nsi lwávhisiilwe, vhalisukumila. Vhalisukumila lwe vhashilola ishihanu isho she ku vhwandilo sháali shipuuma, havhili shihafwa ni saala izi shazyuha!

Ishitushizya 2:26

Ula we alipoota indingo nu kulwenyeelezya ulujendo lwane kufishila kumpeleela, ‘Ndiimupa amaha ku vhantu avha nsi zyonti.

Ishitushizya 20:6

Vhalosiitwe nkaani, havhili vhafinjile vhonti ivho vhe vhakuvhaazilwa kuzyuha ulwa kwanda. Uvhufwe uvhwa vhuvhili te vhuhaavhe na maha kuli ivho. Vhaliivha vhapuuti avha Mulungu nu Chilisiti, havhili vhalikonzya pooka nawo ku maaha 1,000.

Ishitushizya 22:5

Uvhusiku te vhuhaavhe havhili, te vhahanze uvhuzelu uvhwa nyaale, poosye uvhwa izuvha, mwe pe uMWENE uMulungu alivhalamwizya, vhoope vhalikonzya shiima shiima.

Ishitushizya 3:21

Ula we alipoota indingo, ndimwitishila kutendama pooka niine pa shitengo shaane isha vhumwene. Aliyiima inza ine ne nápoosite indingo, nkatendama pooka nu Taata pa shitengo shaakwe isha vhumwene.

Ishitushizya 4:4

Havhili ivitengo 24 vwáshizyunguluuye ishitengo shiila isha vhumwene. Mu vitengo ivwo vhátendiime avhasongo vhe vházwaye ivizwalo ivizelu ni vipambwi ivwa kukonzezya ivwa sahaabu mu matwe gaavho.

Ishitushizya 6:9

Pe lwe aHagonzi aha MWENE uMulungu havunza ishilemezanyo isha vhusaano, nkalola impepo izya vhantu zili pansi pa shifinjilo. Avhantu ivho vhe vhávholiilwe kuzya kulyitiha izwi ilya Mulungu na kuzya vhwahoome vhwe vhahafumwaga.

Ishitushizya 7:3

ahati, “Mutahayinanganye insi, poosye usumbi, poosye amakwi, kufishila lwe twavhalemezanya ishilemezanyo avhavhomvi avha Mulungu wiitu pa vweni vwavho.”