Ishitushizya 20:15 - ULufingwi uLupwa

¹⁵ Umuntu wonti we izina lyakwe litálolesile mwi ikalaata ilya vhulanzi, ahasumbilwa mwa sumbi we akwaha umwoto.

Tesitamenti Umupwa 1965

¹⁵ Uno wenga vazile atasimṿilwe mwa kalata wa vulanzi, we wope ahatagwa mwa sumbi wa mwoto.

Ishitushizya 20:15 ပူးပေါင်းရင်းမြစ်များ

Matayi 13:42

Avhahavhizya ivho vhalivhasumba avhantu ivho mwi ipalaazya ilya mwoto, umwo vhalikuutaga nu kuyimba nkaani.

Matayi 13:50

Avhahavhizya ivho vhalivhasumba avhatalamalandu mwi ipalaazya ilya mwoto, umwo vhalikuutaga nu kuyimba nkaani.”

Matayi 25:41

“Pe vhoope vhe vhali ku luvhazu lwane ulwa kumongo ndivhavhuuzya ndiiti, ‘Yeepi ipa imwe mwe mutifiilwe! Mwinjile mu mwoto uwa shiima we uMulungu ámusenganiziinye uMukwalanzi na vhahavhizya vhaakwe.

Maliko 16:16

Umuntu wonti we ayiitiha nu kwozelwa we aliipokwa, ileelo we atakwitiha alilongwa.

uLuuka 10:20

Ileelo inga mukuseshela, mwe pe impepo inkandamanu zikuvhashindiha, muleshe kuseshela kuli izyo vhweleele, nkandi museshelaje, mwe pe amazina giinyu gasimviilwe nu Mulungu ku mwanya.”

Yohani 14:6

UYeesu ahamwamula ahati, “Ine ne ne lidala nu vhwanalyoli, havhili ne vhulanzi. Ataliipo umuntu we anginza kwa Taata, inga atatuushila ku kwane.

Yohani 3:36

Umuntu wonti we akumwitiha uMwana wa Mulungu, ali nu vhulanzi uvhwa shiima, ileelo umuntu wonti we akumuhaana, atali nu vhulanzi uvhwa shiima, mwe pe uvhuhalazu uvhwa Mulungu vhukuvha kwa muntu uyo shiima.

iMbombo izya Vhatumwa 4:12

Kwe kuuti, naawumo uwunji wonti we angatupoha, mwe pe ataliipo umuntu uwunji we avhantu vhahapeelwa pansi ipa, we angatupoha iswe mu vhutalamalandu.”

VaHebuli 12:25

Kuli izyo, mumutejelezyaje we akuvhasoha, mwe pe uMulungu ávhapiiye isunde ipiti avhataata vhiitu vhe vhahahaanaga kumutejeelezya uMoose lwe akuvhasoha. Nalyoli iswe tulisundwa nkaani kuluusya avheene, inga tukuhaana kumutejeelezya we akutusoha kufuma ku mwanya.

VaHebuli 2:3

Pe ishi, iswe tungaapona inza vhuli kupeelwa isunde, inga tutakuvhusaajila uvhuposhi uvhupiti inza uvhu? UMwene uYeesu wuuyo we átalisile kuvhukumusya uvhuposhi uvhwo, na vhantu vhe vhámwivuuye vhe vhátuhomesheziizye kuuti vhwáli vhwa nalyoli.

Ishitushizya 19:20

Ileelo we átendiime pa mfwalaasi ahashigoma ishihanu isho pooka nu mukuvhwi waakwe uwa ilenga, we ahavhombaga ivilolesyo pa luvhambo lwakwe. Ku vilolesyo vwakwe ivwo, ávhahopenkiinye vhaala vhe vháamile ni vimanyilo ivwa shihanu isho, na vhe vhahashipuutaga ishiholanyo shaakwe. Ishihanu isho pooka nu mukuvhwi uyo vhahasumbwa vhonti vhavhili, she vhapuuma mwa sumbi we akwaha umwoto uwa mbaluuti.

Ishitushizya 20:10

Woope uMukwalanzi we ahavhahopenkanyaaga, alisumbilwa mwa sumbi we akwaha umwoto uwa mbaluuti. Umwo mwe shili ishihanu shiila nu mukuvhwi ula uwa ilenga, vhoope vhaliyimvilwa uvhusiku nu musanya, shiima shiima.

Ishitushizya 20:12

Pe nkavhalola avhafwe, avhapiti na vhansi, vhimiliiye pilongolela ilya shitengo isha vhumwene, amakalaata gahagubulwa. Havhili ikalaata ilyamwavho ilya vhulanzi lyope lihagubulwa. Pe uMulungu ahavhalonga avhafwe kulandatana nu lujendo lwavho, inza vwe lwásimviilwe mu makalaata igo.

Ishitushizya 20:14

Pe uVhufwe nu Vhuzimu vhahasumbilwa mwa sumbi we akwaha mwoto. Usumbi uyo we akwaha umwoto we vhufwe uvhwa vhuvhili.

Ishitushizya 3:5

Ula we alipoota indingo, alizwala ivizwalo ivizelu inza avheene. Havhili te nkalyefwe izina lyakwe mwi ikalaata ilya vhulanzi, nkandi ndilyitiha pilongolela ilya Taata waane na pilongolela ilya vhahavhizya vhaakwe.