Ishitushizya 20:10 - ULufingwi uLupwa

¹⁰ Woope uMukwalanzi we ahavhahopenkanyaaga, alisumbilwa mwa sumbi we akwaha umwoto uwa mbaluuti. Umwo mwe shili ishihanu shiila nu mukuvhwi ula uwa ilenga, vhoope vhaliyimvilwa uvhusiku nu musanya, shiima shiima.

Tesitamenti Umupwa 1965

¹⁰ Pʼumukwalanzi wʼavatezizye ahatagwa mwa sumbi wa mwoto nuwa ṿibiliti, mwʼishintu numukuvwi wakwe wʼilenga valongoleye. Mwe valiyimba uvusiku numusanya shisitakusila nalumo lumo.

Ishitushizya 20:10 ပူးပေါင်းရင်းမြစ်များ

Matayi 25:41

“Pe vhoope vhe vhali ku luvhazu lwane ulwa kumongo ndivhavhuuzya ndiiti, ‘Yeepi ipa imwe mwe mutifiilwe! Mwinjile mu mwoto uwa shiima we uMulungu ámusenganiziinye uMukwalanzi na vhahavhizya vhaakwe.

Matayi 25:46

“Pe avhatalamalandu vhaliyeepa nu kusogola kwi isunde ilya shiima. Ileelo avhagolosu, vhaliyinjila mu vhulanzi uvhwa shiima.”

Matayi 7:15

“Muvhanje minso na vhakuvhwi avha ilenga, mwe pe lwe vhakuvhinzila, vhakuyivhiiha ngati ngʼonzi. Ileelo mu mooyo gaavho vhali ngati mpumpi.

Maliko 9:44

Pa vhuyo paala imvinyu zililyanga ivwala vwavho havhili zitaliifwa, nu mwoto wutaliizima.

Ishitushizya 16:13

Pe nkalola impepo inkandamanu zitatu zye zili ngati vhe vhachuula. Impepo izyo zikufuma mwi ilomu ilya iyoha ilyo na mwi ilomu ilya shihanu shiila ishitanzi na mwi ilomu ilya shihanu shiila isha vhuvhili she mukuvhwi uwa ilenga.

Ishitushizya 19:20

Ileelo we átendiime pa mfwalaasi ahashigoma ishihanu isho pooka nu mukuvhwi waakwe uwa ilenga, we ahavhombaga ivilolesyo pa luvhambo lwakwe. Ku vilolesyo vwakwe ivwo, ávhahopenkiinye vhaala vhe vháamile ni vimanyilo ivwa shihanu isho, na vhe vhahashipuutaga ishiholanyo shaakwe. Ishihanu isho pooka nu mukuvhwi uyo vhahasumbwa vhonti vhavhili, she vhapuuma mwa sumbi we akwaha umwoto uwa mbaluuti.

Ishitushizya 20:8

Pe aliifuma panzi, alitaliha kuvhahopenkanya avhantu vhonti vhe vhasaasite mu nsi zyonti, kwe kuuti iGogu ni Magogu. UMukwalanzi alivhavhungaaniha pooka aVhagogu na Vhamagogu kuzya vhulugu, vhoope vhaliivha vhinji fwe lusenga ulwa mu luvhazu ulwa sumbi.

Ishitushizya 9:17

Ishi vwe návhwenyi mu njozi zyane izya pa minso amazelu, ku mfwalaasi izyo na vhe vhakuzilimbila: Ku vifuvha vwavho vháali ni nkwela, inkwela izyo zyáli inshemamu ni zya mavhingo ni ntolomvu. Havhili amatwe aga mfwalaasi izyo gáamile ngati matwe aga nsama, mu malomu gaavho muhafumaga umwoto, ilyosi ni mbaluuti.