Ishitushizya 2:9 - ULufingwi uLupwa

⁹ Ngamanyile amayimba gaaho nu vhupiina vhwaho, ileelo nalyoli we dumbwe. Mbumanyile nu musaamu waavho vhe vhakuyitaha kuuti Vhayuuda, fwandi haa, ileelo vha mwi isinagoogi ilya Seetano.

Tesitamenti Umupwa 1965

⁹ Mbumanyile uvuhamantanilwa vwaho nuvupina vwaho, nkandi we dumbwe. Ngamanyile amatona ge vakukutona ve vakuyitaha veka ukuti vaYuda nashenga te vaYuda avene, nkandi ve va muluhomano lwa Setano.

Ishitushizya 2:9 ပူးပေါင်းရင်းမြစ်များ

Matayi 4:10

UYeesu woope ahamwamula ahati, “Yeepa ipa, we Seetano! Yisimviilwe mu Vhusimbe uVhufinjile kuuti, ‘Umupuutaje uMWENE waaho uMulungu weeka, havhili, umuvhombelaje wuuyo weeka vhweleele.’”

uLuuka 12:21

“Isho vwe yiliivha, kwa muntu wonti we akuvhungaaniha ivintu ivwinji, ishisita kuvhomba zye zikumuhondezya uMulungu.”

uLuuka 22:65

Vhahajendeelela kumusaamula indigo inyinji.

uLuuka 4:18

“UMupepo uwa MWENE uMulungu ali pooka niine, mwe pe uMulungu ansavhuuye kuvhalumbiilila avhapiina Izwi iLyinza. Ansonteleziizye kuvhakumusizya vhe vhakunziilwe, inongwa izya kusatulwa kwavho, na vhantonko kuuti vhatalishe kulola havhili. Ansonteleziizye kuvhapoha vhe vhakuyimvilwa,

uLuuka 6:20

UYeesu ahavheenya avhasundikwa vhaakwe, ahavhavhuuzya ahati, “Mulosiitwe imwe mwe vhapiina, mwe pe uvhumwene uvhwa Mulungu vhwinyu.

Yohani 16:33

Navhavhuuzya izi, inga muvhe nu vhutehamu, mwe pe muli muhati yaane. Mu nsi umu muli na mayimba, ileelo mugomaje amooyo, mwe pe ine njipoosite insi.”

iMbombo izya Vhatumwa 14:22

Umwo mwonti vhahavhagomwaga avhalandati amooyo nu kuvhasoha kuuti vhasimpaje mu lwitiho. Vhahavhavhuzyaga kuuti, “Tukwanzilwa kutuushila amayimba aminji, kwinjila mu vhumwene uvhwa Mulungu.”

iMbombo izya Vhatumwa 26:11

Ulwinji vhuulo nkavhavhiihaga kuuti vhasundwe mu masinagoogi, inga vhamuhaane uYeesu. Umulaha waane wáamile mupiti, nkavhayimvwaga nkaani, poosye na vha mu nkaaya izya kutali.”

VaLoma 12:12

Museshelaje, mwe pe mukusuuvhila kuposheela inyinza kufuma kwa Mulungu. Mujimbililaje inga amayimba gakuvhinzila, havhili mumulaavhaje uMulungu ahavhaliilizyo honti.

VaLoma 2:17

Ishi, iwe ukuyiita kuuti we Muyuuda uwa nalyoli, ukusuuvhila kuvha we mugolosu kwi idala ilya kulandata indajizyo, havhili ukuyitumvwa kuuti we muntu wa Mulungu.

VaLoma 5:3

Havhili, poosye inga gatwinzila amayimba gonti, iswe tukujendeelela kuvha nu luseshelo, mwe pe tumanyile kuuti amayimba gakutuleetela uvhujimbiilizu.

VaLoma 8:35

Shitaliipo ishintu naashimo she shingatulehaanya ni shikunzi isha Chilisiti. Vhuvhe vhupiina, poosye vhuswimiilizu, gavhe mayimba, poosye nzala, kuvhe kulalilwa, poosye kupulumulwa, poosye kuvhe kufwa, vwonti ivwo vitangatulehaanya ni shikunzi isha Chilisiti.

VaLoma 9:6

Pooka niizyo, ntakuti uMulungu áposiitwe kulunjisya ulufingwi lwakwe ku Vhaisilayeeli. Ndaali! Yeenya, te vhonti vhe vha mu luho ulwa Vhaisilayeeli vhasaavhulwa vha Mulungu.

2 VaKolinti 6:10

Havhili tukuloleha ngati tuswimiliilwe, ileelo ahavhaliilizyo honti tuli nu luseshelo, tukuloleha twe vhapiina, ileelo tuvhapiiye avhinji uvhudumbwe, tukuloleha tuli nyoovhe zyeka, ileelo tuli ni vintu vwonti.

2 VaKolinti 8:2

Pooka nu kuuti avhiitisi ivho vhaamile vhapiina nkaani nu kuvha mu mayimba aga mavhiila mu mavhiila, vhaamile nu luseshelo ulupiti lwe lwaavhatwaliiye kuvha vhatesi nkaani kufumwa ivintu vwavho.

2 VaKolinti 8:9

Yeenya, mumanyile vwe uMwene wiitu uYeesu Chilisiti ávhafwiliiye uvhwila. Poosye she wu dumbwe uwa vintu vwonti, áyivhiisile kuvha mupiina ku zyinyu, inga mu vhupiina vhwakwe, imwe muvhe mwe vhadumbwe.

1 VaTesaloniki 3:4

Mumanyile isho, mwe pe lwe twáli niimwe, tuhavhavhuzyaga kuuti tuliyimvilwa. Ishi vwe zili.

1 Timoti 1:13

Pooka nu kuuti kwisinda ukwo nkamuligaga nu kuvhayimvwa avhantu vhaakwe nu kuvhasaamula, ileelo ámfwiliiye uvhwila. Nkavhombaga izyo ishisita kumanya, lwe nshiili kuvha nu lwitiho.

1 Timoti 6:18

Havhili, uvhavhuzyaje kuuti vhavhombaje inyinza, inga vhavhe vhe vhadumbwe ku nyinza. Vhavhanje nu vhwila uvhwa kuvhaavwa avhanji ni vwuma vwavho ku mwoyo uwa luseshelo.

Ishitushizya 1:9

Ine ne Yoohani, ne wamwinyu havhili ne indi pooka niimwe, kuzya kumulandata uYeesu Chilisiti mu mayimba na mu vhumwene na mu vhujimbiilizu. Nákunziilwe mu nsi inyuumu, ye vhakuti Paatimo ye yáamile pahati pa sumbi, kuzya mayimba. Amayimba igo gáfumiliine nu kulumbiilila izwi ilya Mulungu, nu kufumwa uvhwahoome uvhwa Yeesu Chilisiti.

Ishitushizya 2:13

Mpamanyile pe ukutendama, pe pa shinamwene isha Seetano. Niiwe ukulyitiha izina lyane havhili utahaluhaana ulwitiho lwane, poosye mu havhaliilizyo aha hoome waane umutungamu uAntipa. Uweene we avhantu vhámugozile kuli imwe paala pe uSeetano akutendama.

Ishitushizya 2:2

Imanyile imbombo yaaho nu mute waaho nu vhujimbiilizu vhwaho. Havhili imanyile kuuti utangavhajimbiilila avhatalamalandu, havhili uvhalinzile vhe vhakuyitaha kuuti vhatumwa fwandi te muumwo. Uhamanyinsanya kuuti vha ilenga.

Ishitushizya 2:24

Ileelo muli imwe ku Tiyatiila ukwo, kuli vhamo vhe vhatakuzilandata insambiilizyo izya Yezebeeli. Havhili vhatakusambiilila insambiilizyo izyo zye avhanji vhakuti insambiilizyo inkondezu nkaani, ileelo zya Mukwalanzi. Avhantu ivho nkuvhavhuuzya kuuti, te nkavhatwishe umuligo umumwamu havhili,

Ishitushizya 3:9

Yeenyi, ndivhaleetela imwe avha mwi isinagoogi ilya Seetano vhe vhakuyitaha kuuti Vhayuuda, ileelo lilenga. Ndivhapela vhinze kukusugamilila nu kumanya kuuti nkukunzite.

Ishitushizya 7:14

Nkamwamula nkati, “We mwene, iwe umanyile.” Pe woope ahati, “Ivha vhantu, vhe vhafumile mu mayimba amapiti, vhoope vhahanzite amenda gaavho nu kugavhiiha kuvha mazelu mu mavhanda aga Hagonzi aha MWENE uMulungu.