Ishitushizya 2:5 - ULufingwi uLupwa

⁵ Pe ukumbushe paala pe wáamile lwe ushiili kuteega. Upindushe, uzivhombaje imbombo intanzi. Ileelo inga utavhomba izyo, nkwinza naluvhiilo kuli iwe nu kusheefwa ishisajishilo isha nyaale pe shili.

Tesitamenti Umupwa 1965

⁵ Ukumbuhaje lelo pe wamile lwe wagwanga, upinduhaje, uvombajʼimbombʼintanzi, nkandʼingʼukusita pe ndiyinza luvilo luvilo ukwefwa ishilemanyale shaho pupo pe shili ingʼutakupinduha.

Ishitushizya 2:5 ပူးပေါင်းရင်းမြစ်များ

Matayi 5:14

“Imwe mwe vhuzelu vhwa mu nsi. Inkaaya ye yizengwilwe pi igamba pamwanya, yitangazyihama.

Matayi 5:15

Havhili, avhantu vhatakuhozya inyaale nu kuyigubishila ni nsonta, nkandi vhakuyivhiiha pi ibeeja, inga yivhahozezye vhonti vhe vhali mu nyumba.

Maliko 12:9

Pe uYeesu ahavhavhuziilizya ahati, “Ishi umuhaata mugunda ula alihonzya vhuli? Aliyinza nu kuvhalovwa, nu mugunda uwo aliivhapa avhalimi avhanji.

uLuuka 1:17

Havhili alimulongolela uMwene, aliivha na maha nu mwoyo uwa kumulandata uMulungu inza umukuvhwi uEeliya vwe áamile. Alivhakundanya avhapaafi na vhaana vhaavho, havhili alivhagalulanya vhe vhatakumushindiha uMulungu, kuvha ni nsiivho ingolosu. Alivhomba zyonti izyo, inga avhasengaanye avhantu kumuposheela uMwene uYeesu.”

uLuuka 20:16

Aliyinza nu kuvhalovwa, nu mugunda uwo, aliivhapa avhalimi avhanji!” Avhantu lwe vhiivwa amazwi igo, vhahati, “Izyo zitahafumile inga hansi!”

VaGalati 5:4

Inga mukusuuvhila kuvha mwe vhagolosu kwi idala ilya kuzilandata indajizyo, pe muyilehiinye nu Chilisiti, muvhuhaanile uvhwila uvhwa Mulungu.

Filipi 2:15

Muvhe mwe vhaana avha Mulungu vhe vhalunjisile, havhili vhe vhazelufile. Mutahaavhe nu lukwinkwino, poosye uvhunanzi mu vhantu avha havhaliilizyo iha aha lukaani nu vhupuvi. Mu vhantu ivho, imwe mukuloleha inza uvhuzelu mu nsi.

VaHebuli 10:32

Ileelo mukumbushe ahavhaliilizyo haala aha ku vhwandilo, lwe mwamwitiha uChilisiti. Pooka nu kuuti muhayimvilwaga nkaani, muhajimbililaga amayimba igo.

2 Peteli 3:17

Ishi ileelo imwe vhankundwa, mwe pe mwazimanya inongwa izya vhasambiilizi avha ilenga, muvhanje minso kuuti vhatahinze vhavhahopenkanye kwi idala ilya kuvhalumila ilenga. Inga mukuvhatejeelezya, munginze mugwe nu kululeha ulwitiho lwinyu ulwa nalyoli.

uYuuda 1:24

UMulungu akuvhwezya kuvhuvhatila imwe, inga mutahapunule, havhili akuvhimiilisya ishisita ulukwinkwino pilongolela ilya vhushindamu vhwakwe, she muli nu luseshelo ulupiti.

Ishitushizya 1:20

Inzota 7 zye wazilola nzilemile ku nyoovhe yaane iya kundiilo, vhe vhahavhizya avha vivhanza viila 7. Havhili ivisajishilo ivwa sahaabu ivwa nyaale 7 vivhanza ivwo 7.”

Ishitushizya 16:9

Pe avhantu vhahapwa havhiivhi nkaani. Vhahamuliga uMulungu, uweene we ali na maha ku mfwa izyo. Ileelo vhatápindusile nu kumushindiha uMulungu.

Ishitushizya 2:16

Ishi leelo, pinduha! Inga utapinduha, nkwinza kuli iwe naluvhiilo, nu kulwa navho ni ipanga lye likufuma mwi ilomu lyane.

Ishitushizya 2:19

Ndumanyile ulujendo lwaho ni shikunzi shaaho nu lwitiho lwaho nu vhuvhomvi vhwaho pooka nu vhujimbiilizu vhwaho. Havhili ulujendo lwaho ulwa ishi lwinza kuluusya ulwa hali.

Ishitushizya 2:2

Imanyile imbombo yaaho nu mute waaho nu vhujimbiilizu vhwaho. Havhili imanyile kuuti utangavhajimbiilila avhatalamalandu, havhili uvhalinzile vhe vhakuyitaha kuuti vhatumwa fwandi te muumwo. Uhamanyinsanya kuuti vha ilenga.

Ishitushizya 3:19

Vhonti vhe mbakunzite, nkuvhapilila nu kuvhasunda, pe uvhe nu mute kutonta.