Ishitushizya 2:3 - ULufingwi uLupwa

³ Havhili uhagulililaga nu kujimbiilila kuzya izina lyane shisita kulita.

Tesitamenti Umupwa 1965

³ Havili uli nuvuṿindilamalema, uyimṿile pazyʼizina lyane, utahatamfile.

Ishitushizya 2:3 ပူးပေါင်းရင်းမြစ်များ

Maliko 15:21

Lwe vhali mwi idala, vhahahomaana nu muntu wumo we izina lyakwe vhahatinji uSiimoni, umuhaaya uwa mu nkaaya iya Kileene. Umuntu uyo áfumile ku magunda. USiimoni uyo we áamile wu yise wa Alekizanda nu Luufo. Vhahamuvijiilizya kuuti avhegale ishihovhenkanyo isha Yeesu.

uLuuka 14:27

Umuntu wonti we akwanza kundandata ine, ayikungule, ayiitishe amayimba, poosye nu kufwa. Inga atakuvhomba vhwevhulo, atangavha mulandati waane.

uLuuka 18:1

UYeesu ahavhavhuuzya avhasundikwa vhaakwe ishiholanyo kuvhasambiilizya kuuti, vhakwanzilwa vhamulaavhaje uMulungu insiku zyonti, ishisita kuvunziha amooyo.

uLuuka 21:19

Niimwe inga mulijimbiilila, pe muliposheela uvhulanzi uvhwa shiima shiima.”

uLuuka 5:5

USiimoni ahamwamula uYeesu ahati, “We Mwene, tuvhomvile imbombo iyo iya kuvuvha vhusiku vhwonti, ileelo tutalemile naayimo. Ishi, mwe pe weewe wayanga, kuuti nteje ulwelo.”

uLuuka 8:15

Ileelo imbeyu zye zyágwiliiye pa nsi inyinza, shiholanyo isha vhantu vhe vhakwivwa izwi nu kulilema ku mwoyo umugolosu uwa mushinzi. Ivho vhe vhakupaapa amantonongwa uku vhakujimbiilila amayimba gonti.”

Yohani 15:21

Ileelo vhalivhavhombela zyonti izyo, mwe pe mukulilandata izina lyane, havhili, mwe pe vhatamumanyile we ansonteleziizye.

VaLoma 12:12

Museshelaje, mwe pe mukusuuvhila kuposheela inyinza kufuma kwa Mulungu. Mujimbililaje inga amayimba gakuvhinzila, havhili mumulaavhaje uMulungu ahavhaliilizyo honti.

VaLoma 16:12

Mundamushile uTilifaayina nu Tilifoosa. Avhantanda ivho vhakuvhomba ku mute nkaani imbombo iya Mwene uYeesu. Havhili, mundamushile unkundwa waane uPeelesi. Uno woope mwantanda we ávhomvile ku mute nkaani imbombo iya Mwene uYeesu.

VaLoma 2:7

Kuli ivho vhe ku mute vhakuvhomba inyinza, mwe pe vhakulondola uvhushindamu nu mushinzi nu vhulanzi vhwe vhutakunanjiha kufuma kwa Mulungu, aliivhapa uvhulanzi uvhwa shiima.

VaLoma 8:25

Ileelo inga tukusuuvhila she tutakushilola, pe tukuguliilila ku vhujimbiilizu.

1 VaKolinti 13:7

Ishikunzi shikumupela umuntu kuvha nu vhujimbiilizu mu zyonti, nu kuvha nu lwitiho ahavhaliilizyo honti, nu kuvha nu lusuuvhilo mu zyonti, nu kuuti asimpaje mu zyonti.

1 VaKolinti 16:16

Niimwe muvhashindihaje avhantu inza ivho, na vhanji vhonti vhe vhakuyikungula kuvhomba imbombo ino.

2 VaKolinti 10:15

Havhili tutakuyitumvwa kuzya mbombo iya vhantu avhanji. Ileelo tukusuuvhila kuuti vwe ulwitiho lwinyu lukwonjela kukula, pe imbombo yiitu pahati yiinyu yikujendeelela kwonjela.

2 VaKolinti 11:23

Ishi injanje ngati mpenile! Inga avheene vhavhomvi vha Chilisiti, ine ne muvhomvi uwa Chilisiti kuluusya avheene. Ine mbomvile imbombo ku mute kuluusya avheene, ulwinji nkunziilwe mu jeela, havhili nkomwilwe nkaani, havhili ulwinji mpulumusile kufwa.

2 VaKolinti 4:1

Ishi, mwe pe uMulungu ku vhwila vhwakwe atupiiye imbombo ino, tutakuvunziha umwoyo.

2 VaKolinti 4:16

Pe ishi, tutakuvunziha umwoyo, poosye inga amavhili giitu gakunanjiha, muhati zyitu uMulungu akutupela kuvha twe vhapwa insiku zyonti.

2 VaKolinti 5:9

Kuli izyo, insiivho zyitu kwe kumuhondezya uMwene, inga tuli mu muvhili uno, poosye inga tutali mu muvhili uno.

2 VaKolinti 6:5

Ahavhaliilizyo hamo tukuhomwa nu kukungwa mu jeela nu kuvhuushilwa ni mpuga iya vhantu. Havhili tukuvhomba imbombo ingomu, tutakusupiila utulo, tukulinda ni nzala nu kukaatila.

VaGalati 6:2

Mwavwanaje mu ntamwo zyinyu. Kuvhomba vhwevhulo, kwe kulunjisya ululajizyo ulwa Chilisiti.

VaGalati 6:9

Ishi tutalitaje kuvhomba inyinza, mwe pe inga tukujimbiilila, tuliivuna inyinza, lwe ahavhaliilizyo haafiha.

Filipi 2:16

Mugalemaje amazwi aga vhulanzi. Kuli izyo, pe niine ndiyitumvwa isiku liila lye uChilisiti aligaluha, mwe pe yililoleha kuuti, umute waane ni mbombo yaane vitáali vhweleele.

Filipi 4:3

Niiwe wamwitu, muvhomvi umutungamu, nkukulaavha kuuti, uvhaavwe avhamaayi ivho vhavhili. Nkulaavha vhwevhulo, mwe pe ivho tuhayimvilwaga pooka navho kuliyanjila Izwi iLyinza izya kulipoha. Twámile pooka nu Kelementi na vhavhomvi avhamwitu avhanji, vhe amazina gaavho gasimviilwe mwi ikalaata ilya vhulanzi.

Kolosi 1:11

Tukuvhalaavhila kuuti, uMulungu aavhape amaha kulandatana na maha gaakwe ge gali nu vhushindamu, inga muvhwezye kujimbiilila ku zyonti,

1 VaTesaloniki 1:3

Lwe tukuvhalaavhila kwa Taata wiitu uMulungu, tukukumbuha pilongolela lyakwe imbombo ye mukuvhomba ku lwitiho. Tukukumbuha umute wiinyu we wukufumiilana ni shikunzi shiinyu, havhili vwe mwimiliiye kufumiilana nu lusuuvhilo lwinyu kwa Mwene wiitu uYeesu Chilisiti.

1 VaTesaloniki 2:9

Vhamwitu, mukukumbuha umute wiitu na mayimba giitu, tuhavhombaga uvhusiku nu musanya. Tuhavhombaga isho, kuuti inga lwe tukukumusya Izwi iLyinza ilya Mulungu tutahinze tumutamwe umuntu wonti kuli imwe.

1 VaTesaloniki 5:12

Ishi vhamwitu, tukuvhalaavha muvhashindihaje vhe vhakuvhaavwa imwe, nu kuvhalongozya ku maha aga Mwene uYeesu, nu kuvhasambiilizya ulujendo ulwa Shichilisiti.

2 VaTesaloniki 3:13

Ileelo imwe vhamwitu, mutahaalite kuvhomba inyinza.

2 VaTesaloniki 3:5

UMwene agalongozye amooyo giinyu mu shikunzi isha Mulungu na mu vhujimbiilizu uvhwa Chilisiti.

2 VaTesaloniki 3:8

havhili tutahalyanga ishaakulya kwa muntu wonti ishisita kukala. Ileelo tuhavhombaga imbombo ku mute uvhusiku nu musanya, inga tutahamutamwe umuntu wonti kuli imwe.

1 Timoti 4:10

Inongwa izyo zye zikutuvhiiha kuuti tuyifumwaje kuvhomba imbombo, mwe pe iswe tuvhiisile ulusuuvhilo lwitu kwa Mulungu we mulanzi, havhili we Muposhi uwa vhantu vhonti vhe vhamwitisile.

1 Timoti 5:17

Avhasongo vhe vhakulongozya ishivhanza ahinza, yikwanzilwa kuuti vhashindikwaje nu kupeelwa amalipilo aminza ku mbombo zyavho. Zivhombehaje vhwevhulo, inkaani ku vhaala vhe vhakuyifumwa kuvhalumbiilila nu kuvhasambiilizya avhantu izwi ilya Mulungu.

VaHebuli 10:36

Yeenya, mukwanzilwa kujimbiilila kuvhomba ulukasamo ulwa Mulungu, inga muhaposheele ziila zye uMulungu áfinzile kuuvhapa.

VaHebuli 12:1

Ishi, mwe pe tuzyunguliilwe ni mpuga impiti iya vhahoome inza vhwevhulo, niiswe vhweleele tuvwefwe vwonti vwe vikutudindila mu lwitiho, nu kuvhuleha uvhutalamalandu vhwe vhutakuhaavha kutugwisya. Havhili tuyikungulaje kuvhomba zye uMulungu azivhiisile pilongolela lyitu, inza umuntu vwe akushimbila uluvhilo ku mute mu lutumvanyo.

VaHebuli 13:13

Kuli izyo, niiswe tumulandate panzi iya shikwilo isho nu kujimbiilila kulola insoni inza uweene vwe ájimbiliiye.

VaHebuli 6:10

Mwe pe uMulungu mugolosu, atangaziluvwa imbombo inyinza zye mukuzivhomba. Havhili atangashiluvwa ishikunzi she mwáshilolesiizye ku kwakwe kuvhaavwa avhafinjile avhamwinyu kufuma ku vhwandilo kufishila ishi.

VaHebuli 6:12

Mutavhanje mwe vhahata, nkandi muvhalandataje vhaala vhe kwi idala ilya kwitiha nu kujimbiilila, vhaposheleeye ziila zye uMulungu áfinzile kuuvhapa.

VaHebuli 6:15

Pe uAabulahamu ahaguliilila nu kujimbiilila kufishila pe aposheela viila vwonti vwe uMulungu áfinzile.

2 Peteli 1:6

Havhili mu vhumanyi vhwinyu muyikonzyaje, kwope kuyikonzya, kuvhalilanaje nu vhujimbiilizu. Vhwope uvhujimbiilizu uvhwo, vhuvhalilanaje nu kuvha nu lujendo ulwinza pilongolela ilya Mulungu.

Ishitushizya 1:9

Ine ne Yoohani, ne wamwinyu havhili ne indi pooka niimwe, kuzya kumulandata uYeesu Chilisiti mu mayimba na mu vhumwene na mu vhujimbiilizu. Nákunziilwe mu nsi inyuumu, ye vhakuti Paatimo ye yáamile pahati pa sumbi, kuzya mayimba. Amayimba igo gáfumiliine nu kulumbiilila izwi ilya Mulungu, nu kufumwa uvhwahoome uvhwa Yeesu Chilisiti.

Ishitushizya 3:10

Mwe pe ulyitisile izwi lyane ilya kuvha nu vhujimbiilizu, niine ndikusunjiilila uheepe mu manda aga vhunanjisu ge gapalamiiye kwinza kuvhalinga avhantu avha mu nsi yonti.