Ishitushizya 2:24 - ULufingwi uLupwa

²⁴ Ileelo muli imwe ku Tiyatiila ukwo, kuli vhamo vhe vhatakuzilandata insambiilizyo izya Yezebeeli. Havhili vhatakusambiilila insambiilizyo izyo zye avhanji vhakuti insambiilizyo inkondezu nkaani, ileelo zya Mukwalanzi. Avhantu ivho nkuvhavhuuzya kuuti, te nkavhatwishe umuligo umumwamu havhili,

Tesitamenti Umupwa 1965

²⁴ Nkandʼimwe mwe vamwavo mwe va mu-Tiyatila mwe mutali ninsambilizyo zinizi, mwe mutavumanyile uvwivizu vwakwe uSetano, inza ṿwe vakuyanga avene, imwe nkuvavuzya nkuti: Ntaliyonjezya ukuvavegazyʼimwe umuligo umumwamu.

Ishitushizya 2:24 ပူးပေါင်းရင်းမြစ်များ

iMbombo izya Vhatumwa 15:28

Yihondeeye kwa Mupepo uMufinjile na kuli iswe kuuti, tutahavhavhegazye amaligo aminji, nkandi zye ndajizyo izi zye zikwanzilwa kuzilandata:

iMbombo izya Vhatumwa 16:14

Mu vhe vhahatutejelezyaga, áliipo umwantanda wumo we vhahatinji uLiidiya, áali wa mu nkaaya iya Tiyatiila. Uyo atáali Muyuuda ileelo ahamunyilaga uMulungu. Ahavhombaga imbombo iya kukazya amenda aga muhoola uwa mafwomfwo. UMwene uYeesu ahawiigula umwoyo waakwe, ahagaposheela amazwi ge uPaavhuli ahayangaga.

1 VaKolinti 2:10

Ileelo iswe uMulungu átulolesiizye zyenezyo kutuushila kwa Mupepo uMufinjile. Yeenya, uMupepo uMufinjile we akupenza zyonti, poosye izya kukwilu izya Mulungu.

2 VaKolinti 11:3

Ileelo ishi nkwogopa kuuti inza uEeva vwe áhopeliilwe ni njoha yiila, niimwe mutahinze muhopelwe, muvhuleshe uvhugolosu na mooyo giinyu amazelu kwa Chilisiti.

2 VaKolinti 2:11

Mbomvile vhwevhulo, inga uSeetano atahinze atupoote, mwe pe tumumanyile uvhushevu vhwakwe.

Yakobu 3:15

Uvhushindamu uvhwa njeele inza uvhwo, vhutakufuma ku mwanya, nsiivho zya mu nsi munuumu, havhili zya mu muvhili, vhukufuma kwa Seetano.

Ishitushizya 1:11

Izwi ilyo lihambuuzya lihati, “Izi zyonti zye ukuzilola, uzisimbe mwi ikalaata. Lwe wazisimba, ulitwale ikalaata mu vivhanza 7 ivwa mu nkaaya izya Hefeeso ni Siimina ni Pegaamo ni Tiyatiila ni Saadi ni Filadelufiya ni Lawodikiya.”

Ishitushizya 12:9

UMikayeeli na vhahavhizya vhaakwe vhahalisumbila pa nsi iyoha ilyo pooka na vhahavhizya vhaakwe. Iyoha ilyo ye njoha iya hali, ye wu Mukwalanzi nu Seetano, we akuyihopela insi yonti.

Ishitushizya 13:14

Shihavhahopenkanya vhaala vhe vhakutendama pa nsi, ku vilolesyo viila vwe shápeliilwe kuvivhomba pa luvhambo ulwa shihanu shiila ishitanzi. Shihavhalajizya kuuti vhashigombele ishiholanyo isha shihanu isho, she sháali nu vhuvwalale uvhwa ipanga ileelo shihavha shipuuma.

Ishitushizya 2:13

Mpamanyile pe ukutendama, pe pa shinamwene isha Seetano. Niiwe ukulyitiha izina lyane havhili utahaluhaana ulwitiho lwane, poosye mu havhaliilizyo aha hoome waane umutungamu uAntipa. Uweene we avhantu vhámugozile kuli imwe paala pe uSeetano akutendama.

Ishitushizya 2:18

“Uhavhizya uwa shivhanza isha ku Tiyatiila, musimbile uti: Iga mazwi ge nkuyanga ne Mwana wa Mulungu. Ine aminso gaane gakumekuha ngati mwoto, havhili ivinama vwane vili ngati shaaba ye vhayizelufwizye nkaani.

Ishitushizya 2:9

Ngamanyile amayimba gaaho nu vhupiina vhwaho, ileelo nalyoli we dumbwe. Mbumanyile nu musaamu waavho vhe vhakuyitaha kuuti Vhayuuda, fwandi haa, ileelo vha mwi isinagoogi ilya Seetano.