Ishitushizya 2:23 - ULufingwi uLupwa

²³ Havhili ndivhagoga avhalandati vhaakwe. Pe ivivhanza vwonti viliimanya kuuti ine ne nkwenyeelezya insiivho na mooyo. Niine ndiimupa umuntu wonti muli imwe kulandatana na zye akuzivhomba.

Tesitamenti Umupwa 1965

²³ Vope navana vakwe ndivahomanga nuvufwe. Pʼiṿivanza ṿwonti ṿilimanya ukuti nene ne nkusinkamizya mumfigo namumoyo. Ndivapa mwenti unʼiṿwakwe unʼiṿwakwe ukulandata mumbombo zyinyu.

Ishitushizya 2:23 ပူးပေါင်းရင်းမြစ်များ

Matayi 16:27

Ine ne Mwana wa Aadamu ndiyinza pooka na vhahavhizya vhaane mu vhushindamu uvhwa Taata waane. Pe ndivhalipa avhantu vhonti kulandatana ni mbombo zyavho.

uLuuka 16:15

UYeesu ahavhavhuuzya ahati, “Imwe mukuyivhiiha mwe vhagolosu pilongolela ilya vhantu, ileelo uMulungu azimanyile zye zili mu mooyo giinyu. Ivintu vwe avhantu vhakuvimwamiha, uMulungu akuviviitilwa!”

Yohani 21:17

Ahamuvhuziilizya ulwa vhutatu ahati, “We Siimoni mwana wa Yoohani, vhuli, unkunzite?” Pe uPeeteli ahaswimiililwa, mwe pe amuvhuziilizya ulwa vhutatu kuuti, “Vhuli, unkunzite?” Ahamwamula ahati, “We Mwene, iwe umanyile zyonti. Umanyile kuuti, nkukunzite.” UYeesu ahamuvhuuzya ahati, “Udiimaje ingʼonzi zyane.

Yohani 4:16

UYeesu ahamwamula ahati, “Sogoola umwite umulume waaho, uyinze nawo ipa.”

iMbombo izya Vhatumwa 1:24

Lwe vhavhasaavhula, vhahamulaavha uMulungu vhahati, “We MWENE, iwe umanyile zye zili mu mooyo aga vhantu vhonti. Ishi utulanje ula we umusevile muli ivha,

VaLoma 14:12

Kuli izyo, umuntu wonti muli iswe alilondovhola wuuyo inongwa zyakwe pilongolela lya Mulungu.

VaLoma 8:27

Uweene uMulungu we akupenza zye zili mu mooyo aga vhantu, azimanyile insiivho izya Mupepo uMufinjile. Yeenya, uMupepo uyo akuvhalaavhila avhafinjile inza vwe uMulungu akwanza.

2 VaKolinti 5:10

Nkuyanga vhwevhulo, mwe pe iswe swenti tuliyimiilila pilongolela ilya Chilisiti, nu kulongwa. Avhantu vhonti vhaliposheela amalipilo aga mbombo zye vhakuvhomba mu nsi umu, zivhe nyinza, poosye zivhe mbiivhi.

VaGalati 6:5

Nkuyanga vhwevhulo, mwe pe avhantu vhonti vhakwanzilwa kuvhuusya amaligo gaavho vhuuvho.

VaHebuli 4:13

Shitaliipo ishipelwa she shizyihiime pilongolela ilya Mulungu. Ivintu vwonti vili apazelu pilongolela lyakwe, uweene we niiswe tulilondovhola imbombo zyitu zyonti zye tukuzivhomba.

1 Peteli 1:17

UMulungu we mukumwita mukuti Taata, we akulonga avhantu vhonti kulandatana ni mbombo zyavho ishisita kusavhulanya. Ishi mumunyilaje nkaani ahavhaliilizyo iha he mushiili mukutendama mu nsi umu inza avhajeni.

Ishitushizya 2:11

We ali na makutwi, atejeelezye ziila zye uMupepo uMufinjile akuvivhuuzya ivivhanza. Ula we alipoota indingo te ahaafwe ku vhufwe uvhwa vhuvhili.”

Ishitushizya 2:7

We ali na makutwi, atejeelezye ziila zye uMupepo uMufinjile akuvivhuuzya ivivhanza. Ula we alipoota indingo ndiimupa amantonongwa aga ikwi lye likufumwa uvhulanzi, lye lili mu shilimbika isha Mulungu.”

Ishitushizya 20:12

Pe nkavhalola avhafwe, avhapiti na vhansi, vhimiliiye pilongolela ilya shitengo isha vhumwene, amakalaata gahagubulwa. Havhili ikalaata ilyamwavho ilya vhulanzi lyope lihagubulwa. Pe uMulungu ahavhalonga avhafwe kulandatana nu lujendo lwavho, inza vwe lwásimviilwe mu makalaata igo.

Ishitushizya 20:13

Usumbi ahavhafumwa panzi avhafwe vhe vháali muumwo, uVhufwe nu Vhuzimu vhahavhafumwa panzi avhafwe vhe vháamile kuukwo. UMulungu ahavhalonga vhonti kulandatana nu lujendo lwavho.

Ishitushizya 22:12

UYeesu akuyanga akuti, “Yeenya, nkwinza naluvhiilo pooka na malipilo ge ndivhalipa vhonti kulandatana nu lujendo lwavho.

Ishitushizya 6:8

Nkalola imfwalaasi imvuutu nu weene we áyilimbiiye izina lyakwe wu Vhufwe, havhili woope uVhuzimu ahalandatana nawo. Vhoope vhahapeelwa amaha ku shigavho shooka pa vigavho vine ivwa vhantu, inga vhavhagoje kwi ipanga na ku nzala na ku vhuvhinu na ku vihanu ivihali ivwa mu nsi.