Ishitushizya 2:19 - ULufingwi uLupwa

¹⁹ Ndumanyile ulujendo lwaho ni shikunzi shaaho nu lwitiho lwaho nu vhuvhomvi vhwaho pooka nu vhujimbiilizu vhwaho. Havhili ulujendo lwaho ulwa ishi lwinza kuluusya ulwa hali.

Tesitamenti Umupwa 1965

¹⁹ Nzimanyilʼimbombo zyaho nishikunzi nulwitiho nuvuvombezi nuvuzyihamulaha vwaho, nukuti imbombo zyaho izya kumpelela zyalusya intanzi.

Ishitushizya 2:19 ပူးပေါင်းရင်းမြစ်များ

uLuuka 1:23

Lwe insiku zyakwe zyasila izya kuvhomba imbombo iya vhupuuti, ahavhwela kuhaaya.

Yohani 15:2

Ulusamba lwonti lwe luli muli ine lwe lutakuhoma amantonongwa, uTaata akuludiba. Ileelo ulusamba lwe lukuhoma amantonongwa, uTaata akulupalulila, inga luhomaje ahinza.

Kolosi 3:14

Ipiti kuluusya izyo zyonti mukundanaje, mwe pe ishikunzi she shikutuvhiiha swenti mu vhuliilani vhwe vhulunjisile.

1 VaTesaloniki 3:6

Ishi uTiimoti ayinzile kufuma kuli imwe, atuvhuziizye inongwa inyinza izya lwitiho ni shikunzi shiinyu. Atuvhuziizye kuuti mukutusamba shiima ku luseshelo, havhili musamvile kulolana niiswe, inza vwe niiswe tusamvile kulolana niimwe.

2 VaTesaloniki 1:3

Vhamwitu, tukwanzilwa kumusalifwa uMulungu amanda gonti ku zyinyu, mwe pe ulwitiho lwinyu lukukula, havhili kukundana kwinyu kukwonjela nkaani.

1 Timoti 1:5

Naafumwa indajizyo izyo, inga avhantu vhavhe ni shikunzi. Ishikunzi isho shili mu vhantu vhe amooyo gaavho mazelu, havhili minza, na vhe vhali nu lwitiho lwe lutali ni shifumbo.

1 Peteli 4:8

Ipiti ku zyonti mukundanaje ku mwoyo wonti, mwe pe inga wamukunda umuntu kwe uvhanje ukumuswila, poosye inga akuvhombela uvhutalamalandu ulwinji.

2 Peteli 1:7

Kuvha nu lujendo ulwinza pilongolela ilya Mulungu, kuvhalilanaje ni shikunzi ku vhamwinyu inza avhanine vwe vhakukundana. Ishikunzi isho, mutavhakundaje vhe vhamwinyu vhweleele, nkandi na vhantu vhonti.

2 Peteli 3:18

Ileelo mujendeelele kukula mu vhwila nu kumumanya uMwene wiitu nu Muposhi uYeesu Chilisiti. Uvhushindamu vhuvhanje nu weene ishi na shiima! Amina.

Ishitushizya 2:13

Mpamanyile pe ukutendama, pe pa shinamwene isha Seetano. Niiwe ukulyitiha izina lyane havhili utahaluhaana ulwitiho lwane, poosye mu havhaliilizyo aha hoome waane umutungamu uAntipa. Uweene we avhantu vhámugozile kuli imwe paala pe uSeetano akutendama.

Ishitushizya 2:9

Ngamanyile amayimba gaaho nu vhupiina vhwaho, ileelo nalyoli we dumbwe. Mbumanyile nu musaamu waavho vhe vhakuyitaha kuuti Vhayuuda, fwandi haa, ileelo vha mwi isinagoogi ilya Seetano.