Ishitushizya 2:14 - ULufingwi uLupwa

¹⁴ Ileelo indi na mazwi mansi niiwe: Vhamo muli imwe vhakulandata insambiilizyo izya Baalamu. Ula we ámusambiliziizye uBaalaki kuvhapuvwa aVhaisilayeeli kuuti vhalye impuutile zye vháfumwizye ku viholanyo nu kuvhembuha.

Tesitamenti Umupwa 1965

¹⁴ Nkandi ndi nazyo zimo nyinsi izya kukupilila, she mumwaho uli navo vamo ve vazilemile zyʼuBilyamu amusambilizʼizyʼuBalaka ukuvihʼipunulo kuminso ga vana-Yisilayili, ilya kulyʼimputile zya malungu nilya kuvembuha.

Ishitushizya 2:14 ပူးပေါင်းရင်းမြစ်များ

Matayi 18:7

“Mwasheela mwe vhantu mwe vha mu nsi umu, ku ndingo zye zikupelela avhantu kuvhomba uvhutalamalandu! Indingo izyo zikwanzilwa kwinza, ileelo asheela umuntu we akuzileeta indingo izyo!

iMbombo izya Vhatumwa 15:29

Mutalyanje ivwakulya vwe vhafumwizye ku viholanyo ni nyama zye vhabuzite na mavhanda, havhili mufupuhaje mu vhulugusu. Inga mukuyidinda niizyo, pe mukuvhomba ahinza. Muvhalamushe.”

iMbombo izya Vhatumwa 21:25

Ileelo ku vhantu avhanji vhe te Vhayuuda, vhe vhamwitisile uYeesu, tuvhasimbiiye ukalaata kuuti, vhatalyanje ivwakulya vwe vhafumwizye ku viholanyo, vhafupuhaje mu vhulugusu, vhatalyanje inyama zye vhabuzite, poosye amavhanda.”

VaLoma 11:9

Woope umwene uDaavhudi átili, “Umulyo waavho wupelwe kuvha lwagulo ni ilivha, havhili wuvhe lipunulo nu kuvha lisunde ku kwavho.

VaLoma 14:13

Ishi, tuleshe kulongana, poosye kuvhomba lyonti lye lingamupelela uwamwitu kupunula, poosye kuvhomba uvhutalamalandu.

VaLoma 14:21

Hinza kuleha kuvhomba zye zingamupelela uwamwinyu kuuti apunule, yivhe kwe kulya inyama, poosye kumwela ipele, poosye ishinji shonti shiila.

VaLoma 9:32

Vhatávhaziliilwe kuuti vhagolosu, mwe pe vhásuvhiiye imbombo zyavho, vhálesile kumwitiha uChilisiti. Vhahapunula pi ivhwe liila ipiti, vhahagwa.

1 VaKolinti 1:23

Ileelo iswe tukumukumusya uChilisiti we áfuuye pa shihovhenkanyo. Intumi iyo aVhayuuda yikuvhapunuzya, havhili ku vhe te Vhayuuda vhwalangani.

1 VaKolinti 7:2

Ileelo, mwe pe kuli indingo izya kumupelela umuntu kuvhomba uvhulugusu, umwanaavuli avhanje nu mushi waakwe wuuyo, woope umwantanda avhanje nu mulume waakwe wuuyo.

VaHebuli 13:4

Uvhusendelo vhukwanzilwa vhushindikwaje na vhantu vhonti, havhili umulume nu mushi vhatavhombaje uvhulugusu nu vhuvhembu, mwe pe uMulungu alivhalonga avhantu vhonti vhe vhakuvhomba uvhulugusu nu vhuvhembu.

1 Peteli 2:8

Havhili yisimviilwe kuuti, “Ivhwe ilyo livhwe ilya kupunuzya, liyalaawe ilya kuvhagwisya avhantu.” Avhantu vhakupunula, mwe pe vhatalyitisile izwi ilya Mulungu. Ilyo lye uMulungu ávhavhatishiiye kufuma hali.

2 Peteli 2:15

Vhalilesile idala igolosu, vhateezile nu kulilandata idala ilya mukuvhwi uBaalamu, uMwana wa Beyooli. Uweene ásungwilwe amalipilo aga vhuvhiivhi.

uYuuda 1:11

Vhasheela! Mwe pe vhakulandata idala ilya Kaayini ilya vhutalamalandu, havhili kuzya vhulonsi vhakutala umulandu uwa Baalamu ishisita kuyidinda. Vhoope vhakusambuha inza uKoola, nu kulovha inza uweene.

Ishitushizya 2:20

Ileelo indi ni izwi niiwe: Ukumujimbiilila umwantanda ula uYezebeeli. Uweene akuyitaha kuuti mukuvhwi, ileelo te muumwo. Akuvhasambiilizya avhavhomvi vhaane nu kuvhapuvwa, kuuti vhavhembuhaje nu kulya impuutile zye vhafumwizye ku viholanyo.

Ishitushizya 2:4

Ileelo indi ni izwi niiwe: Ushilesile ishikunzi shaaho ishitanzi.

Ishitushizya 21:8

Ileelo avhantu avha ilyoga na vhe vhatakwitiha na vhapoopo na vhagozi na vhalugusu na vhalozi na vhe vhakupuuta iviholanyo na vha ilenga vhonti, uvhuyo vhwavho vhuliivha mwa sumbi ula we akwaha umwoto ni mbaluuti. Uwo we vhufwe uvhwa vhuvhili.”

Ishitushizya 22:15

Ileelo kunzi ukwo kuli imbwa na vhalozi na vhalugusu na vhagozi na vhaala vhe vhakupuuta iviholanyo na vhonti vhe vhakusungwa ilenga nu kuliyanga.