Ishitushizya 19:8 - ULufingwi uLupwa

⁸ Apeliilwe kuzwalila umwenda umwinza umuzelu, we wuzelufile havhili we wukunyengʼenyela.” (Umwenda umwinza umuzelu uwo, mbombo ingolosu izya vhafinjile.)

Tesitamenti Umupwa 1965

⁸ Apelilwe ukuzwalʼamendʼaminza amanyengʼenyezu amazelu. Shʼamenda aminza iga zye mbombʼingolosu zya vafinjile.

Ishitushizya 19:8 ပူးပေါင်းရင်းမြစ်များ

Matayi 17:2

Lwe vhali paala, uYeesu ahagalunkana pilongolela lyavho. Pa sheeni shaakwe pahalama ngati lizuvha na menda gaakwe gahavha mazelu nkaani ngati lizuvha.

Matayi 22:12

Pe ahamuvhuziilizya ahati, ‘We mumanyani, uyinjiiye vhuli umu ishisita kuzwala ishizwalo she shikwanzilwa pa winga?’ Ileelo uweene ahapuuma mwaa.

Maliko 9:3

Amenda gaakwe gahataliha kunyengʼenyela, gahavha mazelu nkaani, nuumo umuntu mu nsi umu we angahanda kufishila uvhuzelu uvhwo.

uLuuka 24:4

Lwe vhakusukumila, vhahitushila avhanaavuli vhavhili, vhe vházwaye amenda amazelu, ge gakunyengʼenyela nkaani, vhimiliiye papiipi navho.

iMbombo izya Vhatumwa 1:10

Lwe vhakujendeelela kwenya ku mwanya vwe akusogola, naluvhiilo avhahavhizya vhavhili vhe vházwaye amenda amazelu vhahavhaloleshela vhimiliiye papiipi navho.

VaLoma 13:14

Mumuzwale uMwene uYeesu Chilisiti, kwe kuuti mulongolwaje nawo, mutahiitishe inga hansi kulongolwa nu vhuntu uvhwa vhutalamalandu, poosye impapilo zyakwe.

VaLoma 3:22

Idala ilyo kwe kumwitiha uYeesu Chilisiti. Kwi idala ilyo, uMulungu ishisita kusavhulanya akuvhavhaazya kuuti vhagolosu avhantu vhonti vhe vhakumwitiha uYeesu.

Ishitushizya 15:4

We MWENE, avhantu vhonti vhakwanzilwa kukutiima! Havhili vhonti vhakwanzilwa kukunyila! Iwe weeka we Mufinjile! Insi zyonti zilikwinzila nu kukupuuta, mwe pe imbombo zyaho ingolosu zilolesile.”

Ishitushizya 15:6

Pe avhahavhizya vhaala 7 vhe vhali ni mfwa 7 vhahafuma penepo. Avhahavhizya ivho vházwaye amenda amazelu ge gahanyengʼenyelaga na malamba aga sahaabu mu vifuvha vwavho.

Ishitushizya 19:14

Impuga izya vhasikaali avha ku mwanya vhahamulandataga uku, vhalimbiiye imfwalaasi inzelu havhili vhazwaye amenda aminza amazelu ge vhazelufwizye.

Ishitushizya 3:18

Nkukusoha kuuti, ukale ku kwane isahaabu ye vhazelufwizye mu mwoto, inga uvhe we dumbwe. Havhili hinza ukale ivizwalo ivizelu, uzwalaje nu kuzyiha ishitali shaaho, inga utahaalole insoni. Ukale umulembo uwa kudwina mu minso gaaho, inga ulolaje ahinza.