Ishitushizya 19:7 - ULufingwi uLupwa

⁷ Tuseshelaje nu kudovhela nu kumushindiha, mwe pe ahavhaliilizyo aha winga uwa Hagonzi aha MWENE uMulungu hafisile, havhili we akwimalwa ayisengiinye.

Tesitamenti Umupwa 1965

⁷ Tuseshelaje nukudovela, tumumwamihaje, she lyinzilʼisiku lya vusendelo ṿwa Hagonzi, wope numuzinjilwa wakwe ayiyaninye.

Ishitushizya 19:7 ပူးပေါင်းရင်းမြစ်များ

Matayi 1:20

Lwe asiivha izyo, uhavhizya uwa MWENE uMulungu ahamuloleshela mu njozi. Uhavhizya uyo ahamuvhuuzya ahati, “We Yoosefu, mwana wa Daavhudi, utahoogope kumwimala uMaliiya, mwe pe uvhumwamu vhwe ali navhwo avhwazile kwi idala ilya Mupepo uMufinjile.

Matayi 22:2

“Uvhumwene uvhwa Mulungu vhuholiine nu mwene wumo we ámusenganiziinye umwana waakwe umulyo uwa winga.

uLuuka 12:36

Muvhanje inza avhazya vhe vhakumuguliilila umwene waavho we akuvhwela kufuma ku winga, kuuti inga aafiha nu kwiguzya pa mulyango, vhamwigulile ahavhaliilizyo hanaaho.

Yohani 3:29

Umulindu we akwimalwa akwanzilwa kusogola kwa mulume waakwe. Ine indi inza umumanyani uwa mulume we akumwimala umulindu uyo, nkwimiilila pa luvhazu pa we akwimala, nkuseshela lwe nkwivwa izwi lyakwe.

2 VaKolinti 11:2

Ine indi nu vhuzuvha niimwe vhwe vhukufuma kwa Mulungu. Nkuyanga vhwevhulo, mwe pe muli inza umulindu uwa mwoyo umuzelu we atamumanyile naalumo umwanaavuli, we námuzinjiiye kwimalwa nu mwanaavuli wooka vhweleele, we wu Chilisiti.

VaEfeso 5:23

Nkuyanga vhwevhulo, mwe pe umwanaavuli we mupiti uwa mushi waakwe inza vwe uChilisiti woope Mupiti uwa shivhanza, havhili we Muposhi uwa muvhili waakwe, kwe kuuti ishivhanza isho.

VaEfeso 5:32

Amazwi iga gali nu vhuzigizigi uvhupiti, ileelo ine nkuyanga kuuti gakulolesya izya Chilisiti ni shivhanza.

Filipi 3:3

Iswe twe tutahiliilwe ku wanalyoli, mwe pe tukumupuuta uMulungu kwi idala ilya Mupepo waakwe. Tukuyitumvwizya uChilisiti uYeesu, havhili tutakusuuvhila kutahiililwa.

Ishitushizya 11:13

Ahavhaliilizyo hanaaho kuhavha ishisumbi ishipiti, ishigavho shooka pa vigavho 10 ivwa nkaaya shihabongonkana. Avhantu 7,000 vhahafwa ku shisumbi isho, vhe vhasyaye vhahoogopa nkaani, vhahamushindiha uMulungu uwa ku mwanya.

Ishitushizya 19:9

Pe uhavhizya ahambuuzya ahati, “Simba izi: Vhalosiitwe vhaala vhe vhavhalanjiiye ku shikulukuulu isha winga uwa Hagonzi aha MWENE uMulungu!” Havhili ahambuuzya, ahati, “Igo mazwi aga nalyoli aga Mulungu.”

Ishitushizya 21:2

Nkalola iNkaaya iMfinjile, iYelusaleemu impwa, yikwiha kufuma ku mwanya kwa Mulungu. Inkaaya iyo yáali ngati mwantanda we avhantu vhamuyemvwizye lwe akwimalwa.

Ishitushizya 21:9

Pe wooka mu vhahavhizya vhaala 7 vhe vháali ni mbiga ziila 7 zye zyízuuye imfwa 7 izya vhusililishilo, ahinza nu kumbuuzya kuuti, “Nzaaga! Niine kwe nkulolesye umwantanda we akwimalwa, umushi uwa Hagonzi aha MWENE uMulungu!”