Ishitushizya 19:18 - ULufingwi uLupwa

¹⁸ Nzaaji! Mulye amavhili aga vhamwene na ga vhapiti vha vhasikaali na vhantu avha maha na ga mfwalaasi na vhe vhakuzilimbila. Nzaaji! Mulye amavhili aga vhantu vhonti, vhe vhazya na vhe te vhazya na vhapiti na vhansi.”

Tesitamenti Umupwa 1965

¹⁸ ukuti mulyʼamavili ga vamwene, namavili ga vatwale va vulugu, namavili ga vamaha, namavili ga mfalasi naga vuvo ve vazilimbiye, namavili ga vasatushe naga vazya naga vansi naga vapiti vonti.

Ishitushizya 19:18 ပူးပေါင်းရင်းမြစ်များ

Matayi 24:28

Pe pali ishihanu she shifuuye pe amavhimba gakuvhungaana.”

uLuuka 17:37

Avhasundikwa vhahamuvhuziilizya vhahati, “We Mwene, izyo zilivhombeha kwoshi?” Ahavhaamula ku miivhi ahati, “Pe pali ishihanu she shifuuye, pe amavhimba gakuvhungaana.”

Ishitushizya 11:18

Avhantu avha kunzi vhávisiitwe, ileelo umulaha wuhakulema. Ahavhaliilizyo hahafiha aha kuvhalonga vhe vháfuuye, na ha kuuvhapa ivipeelwa avhavhomvi vhaaho avhakuvhwi na vhafinjile na vhe vhakulinyila izina lyaho, avhapiti na vhansi. Havhili ahavhaliilizyo hahafiha aha kuvhananganya ivho vhe vhakunanganya insi.”

Ishitushizya 13:16

Shoope ishihanu isha vhuvhili shihavhalajizya vhonti, avhapiti na vhansi na vhadumbwe na vhapiina na vhazya na vhe te vhazya kuuti vhapelwaje ivimanyilo ku nyoovhe zyavho izya kundiilo poosye pa vweni vwavho.

Ishitushizya 17:16

Impembe ziila 10 zye uzivhwenyi, kwe kuuti avhamwene vhaala 10, pooka ni shihanu shiila vilimuviitilwa umalaaya uyo. Vilinyatula ivintu vwonti vwe ali navwo nu kumuleha ishitali, vhaliimulya inyama yaakwe nu kuyipemba ye yilisyala mu mwoto.

Ishitushizya 19:5

Pe izwi lihafuma ku shitengo isha vhumwene lihati, “Mumutiime uMulungu wiitu, mwe vhavhomvi vhwakwe vhonti, mwenti mwe mukumunyila, mwe vhapiti na mwe vhansi.”

Ishitushizya 6:15

Pe avhamwene avha mu nsi na vhapiti vha vhasikaali na vhapiti avhamwavho na vhadumbwe na vha maha na vhazya vhonti na vhe te vhazya vhonti, vhahazyihama mu mashembo na pansi mu mavhwe aga magamba.