Ishitushizya 18:24 - ULufingwi uLupwa

²⁴ UMulungu áyisunzite inkaaya iyo, mwe pe mu kwakwe mwámile amavhanda aga vhakuvhwi na ga vhafinjile na ga vhantu vhonti, vhe avhalugu avha Mulungu vhávhagozile mu nsi.”

Tesitamenti Umupwa 1965

²⁴ Havili muli wuyo amavanda ga vakuvwi naga vafinjile gahaloleha naga vonti ve vavolilwe munsi.

Ishitushizya 18:24 ပူးပေါင်းရင်းမြစ်များ

Matayi 23:27

“Mwasheela imwe mwe vhasambiilizi avha ndajizyo, niimwe mwe Vhafalisaayi, mwe vhashifumbo imwe! Muli fwe mbiipa zye vhasinguliiye intope inzelu, zye kunzi zikuloleha nyinza, ileelo muhati zyizuuye amafupa aga vhafwe nu vhuhandamanu uvhwa mavhiila mu mavhiila.

Matayi 23:35

Ye nongwa uMulungu alivhasunda imwe kuzya kuvhagoga avhantu vhonti avhagolosu, kufuma pe uKaayini ámugozile uAabeli we áamile mugolosu, kufishila pa Zakaliya umwana wa Belekiya we vhámugozile pahati pa Nyumba iMfinjile ni shifinjilo.

iMbombo izya Vhatumwa 7:52

Kuli umukuvhwi we avhataata vhiinyu vhatámuyimvwizye? Yeenyi, vhahavhagoga avhakuvhwi, poosye vhe vhahakuvhwaga uvhukuvhwi kuzya kwinza ukwa Chilisiti, we mugolosu! Uyo, imwe muhamutwala ku vhalugu, muhamugoga!

1 VaTesaloniki 2:15

AVhayuuda ivho, vhe vhámugozile uMwene uYeesu na vhakuvhwi avha hali. Havhili vhe vhatuyimvwizye niiswe. Avhantu ivho, vhakumuviisya uMulungu, havhili vhe vhalugu vha vhantu vhonti,

Ishitushizya 11:7

Lwe vhaamala kufumwa uvhwahoome vhwavho, ishihanu she shikufuma kwi ilivha ilya ku vhuzimu shiliilwa navho, shoope shilivhapoota nu kuvhagoga.

Ishitushizya 16:6

Mwe pe avhantu ivho vhíisite amavhanda aga vhafinjile na vhakuvhwi, niiwe waavhapa amavhanda vhamwele. Vhahondeeye izyo!”

Ishitushizya 17:6

Nkalola umwantanda uyo ahoziilwe amavhanda aga vhafinjile avha Mulungu na mavhanda aga vhantu vhe vhahamuhomeshezyaga uYeesu. Lwe namulola, násukumiiye nkaani.

Ishitushizya 19:2

Mwe pe uvhulonzi vhwakwe vhwa nalyoli, havhili vhwa muumwo. Amulonzile umalaaya umupiti, ula we áyipuvwizye insi ku vhulugusu vhwakwe. Amulanduziizye kuzya kwita amavhanda aga vhavhomvi vhaakwe!”