Ishitushizya 17:3 - ULufingwi uLupwa

³ UMupepo uMufinjile ahaniishila, pe uhavhizya ahanyatula nu kuntwala kwi ilaala. Ukwo nkamulola umwantanda alimbiiye pa shihanu she sháali nu muhoola uwa mafwomfwo. Ishihanu isho shásimviilwe mwonti amazina aga musaamu, sháamile na matwe 7 ni mpembe 10.

Tesitamenti Umupwa 1965

³ Pʼahanyatula mwa mupepo ahambiha mulwugwa, mwe nkamulola umwantanda wʼatendime pashintu ishishemamu, she shizuye amazina ga musamu mumuvili wonti, shali namatwe gasano nagavili nimpembʼishumi.

Ishitushizya 17:3 ပူးပေါင်းရင်းမြစ်များ

Matayi 27:28

Vhahamuzuula amenda gaakwe nu kumuzwalizya inkanzu ye yáali nu muhoola uwa mafwomfwo ngati wu mwene.

iMbombo izya Vhatumwa 8:39

Ileelo lwe vhaafuma mu minzi, naluvhiilo uMupepo uwa MWENE uMulungu ahamusompola uFiilipo. Umupiti uyo atahamulola havhili, ileelo ahajendeelela nu vhulendo vhwakwe ku luseshelo nkaani.

2 VaTesaloniki 2:4

Uweene alidindanjizya vwonti vwe avhantu vhakuvilola kuuti wu Mulungu, poosye vwe vhakuvipuuta nu kuyitumvwa ku vwonti ivwo. Havhili aliyinjila nu kutendama mu Nyumba iMfinjile iya Mulungu nu kuyitumvwa kuuti wu Mulungu.

Ishitushizya 1:10

UMupepo uMufinjile ánishiiye pi isiku ilya MWENE uMulungu, nkiivwa izwi ipiti ngati lya isaji mwisinda lyane.

Ishitushizya 12:14

Ileelo umwantanda ula ahapeelwa ivwapa vivhili ivwa ipuula ipiti, inga abulushe, asogole kwi ilaala pe uMulungu ámusenganiziinye. Ipo uMulungu akumusunga ku maaha gatatu ni shigavho shooka pa vigavho vivhili ivwa mwaha, ukutali ni iyoha ilyo.

Ishitushizya 12:3

Havhili nkalola ishilolesyo ishamwavho ku mwanya: Páamile iyoha ipiti ishemamu. Iyoha ilyo lyámile na matwe 7 ni mpembe 10, havhili mu matwe gaakwe mwámile ivipambwi 7 ivwa vhumwene.

Ishitushizya 12:6

Umwantanda ula ahashimbiilila kwi ilaala kwe uMulungu ámusenganiziinye, kuuti amusunje kunuukwo ku havhaliilizyo aha nsiku 1,260.

Ishitushizya 17:18

Umwantanda we umuvhwenyi, ye nkaaya yiila impiti ye yikuvhakonzya avhamwene avha nsi zyonti.”

Ishitushizya 17:4

Umwantanda uyo ázwaye amenda ge gáali nu muhoola uwa mafwomfwo na mashemamu. Áyiyemvwizye ni sahaabu na mavhwe aga nsavho ni luulu. Ku nyoovhe yaakwe álemile ulupindi ulwa sahaabu lwe lwízuuye izya kuviisya ni zya vhuhandamanu zye zikulolesya uvhulugusu vhwakwe.

Ishitushizya 18:12

Kwe kuuti naawumo we akukala isahaabu yaavho ni mpiiya na mavhwe aga nsavho ni luulu. Havhili naawumo we akukala amenda aminza amazelu na menda aga muhoola uwa mafwomfwo ni nkusa izya haliili na menda amashemamu ni viliilo ivwa makwi aga masitilooni ni viliilo ivwa mpembe izya nzovu ni vwa makwi aga nsavho impiti ni vwa shaaba ni shijela ni malumaalu.

Ishitushizya 18:16

vhaliyanga, vhaliiti, “Yasheela! Yasheela inkaaya impiti! Yávheleleeye kuzwalila amenda aminza amazelu, aga muhoola uwa mafwomfwo na mashemamu nu kuyiyemvwa ku sahaabu na mavhwe aga nsavho ni luulu!

Ishitushizya 21:10

UMupepo uMufinjile ahaniishila, woope uhavhizya ahantwala pi igamba itali nkaani. Ahandolesya iNkaaya iMfinjile, iYelusaleemu, yikwiha kufuma ku mwanya kwa Mulungu.

Ishitushizya 4:2

Naluvhiilo, uMupepo uMufinjile ahaniishila, nkalola ishitengo isha vhumwene shivhisiilwe ku mwanya she wumo atendamiiye.