Ishitushizya 17:17 - ULufingwi uLupwa

¹⁷ Ziliivha vhwevhulo, mwe pe uMulungu avhapiiye avhamwene ivho insiivho zyoka mu mooyo gaavho, kuushipa ishihanu shiila amaha gaavho aga kukonzya. Vhalivhomba vhwevhulo kufishila lwe ziila zye áyanzile uMulungu zyalunjiha.

Tesitamenti Umupwa 1965

¹⁷ ShʼuMulungu avisile mumoyo gavo ukuti vavombaje zizyo zyʼalulumiye nukushipʼishintu uvumwene ṿwavo, ukufiha pupo pe zililunjiha zyʼayanzilʼuMulungu.

Ishitushizya 17:17 ပူးပေါင်းရင်းမြစ်များ

uLuuka 22:22

Ne Mwana wa Aadamu kwe vhavhale vhangoje, inza vwe uMulungu ákasiime. Ileelo asheela, umuntu uyo we akunaniila!”

uLuuka 22:3

USeetano ahamwinjila uYuuda, we vhahatinji uwa ku Kaalyoti. Umuntu uno áamile wooka mu vhasundikwa avha Yeesu 12.

uLuuka 22:37

Nkuvhavhuuzya isho, mwe pe yisimviilwe mu Vhusimbe uVhufinjile kuuti, ‘Ávhaziliilwe pooka na vhatalamalandu.’ Amazwi igo gásimviilwe ku zyane. Ishi nkuvhavhuuzya kuuti, agenego gakwanzilwa galunjishe kuli ine, havhili gapalamiiye kuvhombeha.”

Yohani 10:35

Yisimviilwe mu Vhusimbe uVhufinjile kuuti avhantu vhe vhaposheleeye izwi ilya Mulungu, uMulungu ávhayanzile átili avhantu ivho vhalungu. Niiswe tumanyile kuuti zye zisimviilwe mu Vhusimbe uVhufinjile zya nalyoli insiku zyonti.

Yohani 13:18

Pe uYeesu ahajendeelela kuvhavhuuzya avhasundikwa vhaakwe ahati, “Ntakuyanga zyonti izyo kuli imwe mwenti, mwe pe mbamanyile kufuma ku vhwandilo avhantu vhe mbasavhuuye kuvha vhasundikwa vhaane. Ileelo nkuyanga izyo, inga zilunjishe zye zisimviilwe mu Vhusimbe uVhufinjile kuuti, ‘Umumanyani waane we alyanga ishaakulya pooka niine, agalunkana kuvha mulugu waane.’

Yohani 13:2

UYeesu na vhasundikwa vhaakwe vhahatendama kulya ishaakulya isha hamazuuvha. Ahavhaliilizyo iho uMukwalanzi ápezile ayinjila mu mwoyo uwa Yuuda umwana wa Siimoni uwa ku Kaalyoti, inga amwaniile uYeesu.

Yohani 19:24

Pe vhahapanzanya vhahati, “Tutahayizeepule inkanzu ino, tuyihomele ulutambu kuuti yivhe ya naanu.” Izi zyávhombesile vhwevhulo, inga zilunjishe zye zisimviilwe mu Vhusimbe uVhufinjile kuuti, “Vhágavhiine amenda gaane, nu kuyihomela ulutambu inkanzu yaane.” Avhasikaali vwe vhávhomvile vhwevhulo.

Yohani 19:28

Lwe uYeesu aamanya kuuti aamala kuyivhomba imbombo yaakwe, ahati, “Ishinyooto shanduma.” Áyanzile vhwevhulo, inga zilunjishe zye zisimviilwe mu Vhusimbe uVhufinjile.

2 VaKolinti 8:16

Nkumusalifwa uMulungu we amupiiye uTiiti umwoyo uwa mute uwa kuvhaavwa imwe, inza vwe ine indi.

Ishitushizya 10:7

Ileelo mu manda igo lwe uhavhizya uwa 7 apalamila kuhoma isaji lyakwe, uluvhaatiho ulwa vhuzigizigi ulwa Mulungu lulilunjiha. Lulilunjiha inza vwe ávhalumbiliiye avhavhomvi vhaakwe avhakuvhwi.”

Ishitushizya 15:1

Pe nkalola ishilolesyo ishamwavho ku mwanya, ishipiti ni sha kusukumizya: Páamile avhahavhizya 7 vhe vhali ni mfwa 7 izya vhusililishilo. Ku mfwa 7 izyo, uvhuhalazu uvhwa Mulungu vhulunjisile.

Ishitushizya 17:13

Insiivho izya vhamwene ivho 10 zye zyoka, vhaliishipa ishihanu shiila amaha na maha gaavho amasisya gonti.

Ishitushizya 19:9

Pe uhavhizya ahambuuzya ahati, “Simba izi: Vhalosiitwe vhaala vhe vhavhalanjiiye ku shikulukuulu isha winga uwa Hagonzi aha MWENE uMulungu!” Havhili ahambuuzya, ahati, “Igo mazwi aga nalyoli aga Mulungu.”

Ishitushizya 6:11

Pe vhonti vhahapeelwa amenda amazelu. Havhili vhahavhavhuuzya kuuti, vhaguliilile ku havhaliilizyo hansi, kufishila uvhwinji uvhwa vhavhomvi avhamwavho na vhajenzi vhaavho pe vhwalunjiha. Ivho vhe avhalugu avha Mulungu avha pa nsi vhalivhagoga inza vheene vwe vhávhagozile.