Ishitushizya 17:14 - ULufingwi uLupwa

¹⁴ Vhaliilwa uvhulugu na Hagonzi aha MWENE uMulungu, ileelo aHagonzi aha MWENE uMulungu halivhapoota, mwe pe aheene he Hapiti aha vhapiti havhili he Hamwene aha vhamwene. Aheene haliivha na vhantu vhaakwe vhe hahavhiita nu kuvhasaavhula nu kuvhavhiiha kuvha vhalandati vhaakwe avhatungamu.”

Tesitamenti Umupwa 1965

¹⁴ Avene valilwʼuvulugu naHagonzi, ahenʼaHagonzi halivapota, shʼahene wʼuMwene wa vamwene, Muhatansi wa vahatansi, mva ve vali nawo ve vitwa, ve vasavulwa, ve vatungamu.

Ishitushizya 17:14 ပူးပေါင်းရင်းမြစ်များ

Matayi 22:14

Nkuyanga vhwevhulo, mwe pe uMulungu akuvhiita avhantu avhinji kwinjila mu vhumwene vhwakwe, ileelo vhe vhakusaavhulwa kwinjila vhansi.”

Matayi 25:40

Pe ine ne Mwene ndivhaamula ndiiti, ‘Nalyoli nkuvhavhuuzya kuuti, lyonti lye mwámuvhombeeye wumo mu vhamwitu ivha vhe te vhamwamu, mwámbombeeye neene.’

Matayi 28:18

Pe uYeesu ahapalamila ku kwavho, ahavhavhuuzya ahati, “UMulungu ampiiye amaha gonti ku mwanya na pa nsi.

Yohani 15:16

Te mwemwe mwánsavhuuye ine, ine ne návhasavhuuye imwe kuvha mwe vhasundikwa vhaane. Návhasavhuuye, inga mupaapaje amantonongwa ge gatakusila naalumo. Pe zyonti zye mukumulaavha uTaata uMulungu kwi izina lyane, aliivhapa.

VaLoma 1:6

Niimwe vhweleele muli mu mpuga iya vhantu ivho vhe uYeesu Chilisiti avhiisite kuuti vhavhe vhantu vhaakwe.

VaLoma 8:30

Havhili ivho vhe ávhasavhuuye ahavhiita. Ivho vhe ávhiisite ahavhavhaazya kuuti vhagolosu, havhili ahaavhapa uvhushindamu.

VaLoma 8:37

Ileelo poosye inga zyonti izyo zikutwaga, iswe tukujendeelela kuzipoota kwi idala ilya Chilisiti we atukunzite iswe.

1 VaKolinti 15:24

Ipo pe vhuliyinza uvhusililishilo uvhwa vwonti, ahavhaliilizyo he uChilisiti aliimupa uTaata uMulungu uvhumwene vhwakwe, lwe uChilisiti aalovwa uvhulongozi vhwonti na maha gonti nu vhupiti vhwonti.

1 Timoti 6:15

Kwinza kwakwe kuliivha ahavhaliilizyo he uMulungu wuuyo ámuvhishiiye. Uweene wu Mulungu uwa Vhushindamu we akukonzya wuuyo weeka! Havhili wu Mwene uwa vhamwene na vhapiti.

2 Timoti 2:4

Ataliipo umusikaali we akuvha mu mbombo, havhili akuyinjizya mu zinji zye te zya vhusikaali. Nalyoli akwanzilwa kumuhondezya usongo waakwe.

1 Peteli 2:9

Ileelo uMulungu ávhasavhuuye imwe kuvha mwe vhantu vhaakwe. Imwe mwe vhapuuti mu vhumwene vhwakwe, havhili mwe vhantu avhafinjile. UMulungu ávhasavhuuye imwe, inga mukumusyaje imbombo zyakwe impiti. Uweene ávhiisite kufuma mu shiisi nu kuvhinjizya mu vhuzelu vhwakwe uvhupiti.

Ishitushizya 1:5

havhili vhwe vhukufuma kwa Yeesu Chilisiti. Uweene we wu hoome uwa nalyoli, we mutanzi kuzyuha, havhili we mupiti uwa vhamwene vhonti avha mu nsi. UYeesu Chilisiti we atukunzite, havhili atusatuuye mu vhutalamalandu vhwitu, kutuushila mu mavhanda gaakwe.

Ishitushizya 11:7

Lwe vhaamala kufumwa uvhwahoome vhwavho, ishihanu she shikufuma kwi ilivha ilya ku vhuzimu shiliilwa navho, shoope shilivhapoota nu kuvhagoga.

Ishitushizya 16:14

Izyo zye mpepo izya gaseetano zye zikuvhomba ivilolesyo. Zye zila zye zikusogola ku vhamwene avha nsi zyonti kuvhavhungaaniha pooka kuzya vhulugu, isiku liila ipiti lye uMulungu uwa Maha Gonti alivhalonga avhantu vhonti.

Ishitushizya 2:10

Utogopaje amayimba ge kwe gakwagaje! Yeenya, uMukwalanzi kwe avhakunje avhamwinyu vhamo mu jeela inga avhalinje, pe kwe muyimbe insiku 10. Uvhe we mutungamu poosye nu kufwa, pe ine ndiikupa ishipambwi she vhulanzi uvhwa shiima.

Ishitushizya 2:13

Mpamanyile pe ukutendama, pe pa shinamwene isha Seetano. Niiwe ukulyitiha izina lyane havhili utahaluhaana ulwitiho lwane, poosye mu havhaliilizyo aha hoome waane umutungamu uAntipa. Uweene we avhantu vhámugozile kuli imwe paala pe uSeetano akutendama.

Ishitushizya 3:21

Ula we alipoota indingo, ndimwitishila kutendama pooka niine pa shitengo shaane isha vhumwene. Aliyiima inza ine ne nápoosite indingo, nkatendama pooka nu Taata pa shitengo shaakwe isha vhumwene.