Ishitushizya 16:6 - ULufingwi uLupwa

⁶ Mwe pe avhantu ivho vhíisite amavhanda aga vhafinjile na vhakuvhwi, niiwe waavhapa amavhanda vhamwele. Vhahondeeye izyo!”

Tesitamenti Umupwa 1965

⁶ Shʼavene visitʼamavanda ga vafinjile naga vakuvwi, niwe uvapiye ge mavanda ukuti ge vangʼwelaje. Zye vahondeye zinizi.

Ishitushizya 16:6 ပူးပေါင်းရင်းမြစ်များ

Matayi 7:2

Nkuvhavhuuzya isho, mwe pe vwe mukuvhalonga avhanji, vwe uMulungu alivhalonga niimwe. Havhili ishipimilo she mukuvhapimila avhanji, she niimwe mulipimilwa.

uLuuka 12:48

Ileelo umuzya we atamanyile zye umwene waakwe akwanza, inga avhomba havhiivhi, uyo ataliihomwa nkaani. Umuntu wonti we vhamupiiye ivwinji, uyo aliyanzilwa kugalusya ivwinji, woope we vhamupiiye ivwinji nkaani, aliyanzilwa kugalusya ivwinji nkaani.”

VaHebuli 10:29

Ishi sivhiliili umuntu we akumusuufwa uMwana wa Mulungu. Isunde lyakwe liliivha vhuli? Havhili, yiliivha vhuli kwa ula we amavhanda aga lufingwi ulwa Mulungu gamuzelufwizye, ileelo uweene akugalola te shintu? Havhili, yiliivha vhuli kwa ula we akumusaamula uMupepo uwa Mulungu we akuvhafwila uvhwila avhantu vhaakwe? Nalyoli isunde lyavho ivho liliivha lipiti, havhili lihali nkaani.

Ishitushizya 11:18

Avhantu avha kunzi vhávisiitwe, ileelo umulaha wuhakulema. Ahavhaliilizyo hahafiha aha kuvhalonga vhe vháfuuye, na ha kuuvhapa ivipeelwa avhavhomvi vhaaho avhakuvhwi na vhafinjile na vhe vhakulinyila izina lyaho, avhapiti na vhansi. Havhili ahavhaliilizyo hahafiha aha kuvhananganya ivho vhe vhakunanganya insi.”

Ishitushizya 13:10

Umuntu we akwanzilwa kugomwa, woope aliigomwa. Umuntu we akwanzilwa kuuti avhantu vhamugoje kwi ipanga, woope vhalimugoga kwi ipanga. Pe ishi, avhafinjile vhakwanzilwa vhavhe nu vhujimbiilizu nu lwitiho.

Ishitushizya 13:15

Ishihanu isha vhuvhili shihapeelwa amaha aga kupuutila umwuyu mu shiholanyo shiila isha shihanu ishitanzi, inga ishiholanyo isho shiyanje. Havhili ishiholanyo isho shivhagoje vhonti vhe vhatakushipuuta.

Ishitushizya 18:20

Seshelaaji imwe mwanya, kuzya vhunanjisu vhwakwe! Seshelaaji mwe vhafinjile, mwe vhatumwa na mwe vhakuvhwi! Mwe pe uMulungu ayilonga ku ziila zye yivhavhombeeye imwe!”

Ishitushizya 18:24

UMulungu áyisunzite inkaaya iyo, mwe pe mu kwakwe mwámile amavhanda aga vhakuvhwi na ga vhafinjile na ga vhantu vhonti, vhe avhalugu avha Mulungu vhávhagozile mu nsi.”

Ishitushizya 19:2

Mwe pe uvhulonzi vhwakwe vhwa nalyoli, havhili vhwa muumwo. Amulonzile umalaaya umupiti, ula we áyipuvwizye insi ku vhulugusu vhwakwe. Amulanduziizye kuzya kwita amavhanda aga vhavhomvi vhaakwe!”