Ishitushizya 16:5 - ULufingwi uLupwa

⁵ Pe nkiivwa uhavhizya umwimiilizi uwa minzi akuti, “We Mufinjile, we uliipo na we wáliipo! Iwe we mugolosu, mwe pe walonga izi.

Tesitamenti Umupwa 1965

⁵ Pe nkiywa uhavizya wa minzi akuti: We mugolosʼiwe, wʼulipo havili walipo, we Mufinjile, shʼujelelezizye ukulonga.

Ishitushizya 16:5 ပူးပေါင်းရင်းမြစ်များ

Yohani 17:25

We Taata uMugolosu, avhantu avha mu nsi vhatakumanyile. Ileelo ine nkumanyile, havhili vhoope avhasundikwa vhaane vhamanyile kuuti iwe we unsonteleziizye.

VaLoma 2:5

Ishi, mwe pe we mugomu, havhili utakwanza kutonta uvhutalamalandu vhwaho, ukulivhiiha isunde lyaho kuvha lipiti nkaani pi isiku ilya vhuhalazu uvhwa Mulungu, uweene alivhalonga avhantu ku vhugolosu.

VaLoma 3:5

Ileelo inga imbiivhi zyitu zikuhomeshezya kuuti uMulungu akuvhomba ku vhugolosu, tuti vhuli? Vhuli, tuti te mugolosu lwe akuutupa isunde? (Nkuyanga fwe ne muntu.)

Ishitushizya 1:4

Ikalaata ili nsimvile ne neene ne Yoohani. Nkuvhasimbila mwe vha vivhanza 7 ivwa mu nsi iya Aasiya. Muvhanje nu vhwila nu vhutehamu vhwe vhukufuma kwa Mulungu, uweene we áliipo na we aliipo na we aliyinza. Havhili muvhanje nu vhwila nu vhutehamu vhwe vhukufuma ku Mpepo 7 zye zili pilongolela ilya shitengo shaakwe isha vhumwene,

Ishitushizya 1:8

UMWENE uMulungu akuyanga akuti, “Ine ne Aalufa havhili ne Omeega, uweene we áliipo na we aliipo na we aliyinza, havhili uweene Wa Maha Gonti.”

Ishitushizya 11:17

Vhahati, “Tukukusalifwa iwe, MWENE Mulungu uwa Maha Gonti, we uliipo na we wáliipo, mwe pe ulolesiizye amaha gaaho amasisya nu kutaliha kukonzya.

Ishitushizya 16:4

Pe uhavhizya uwa vhutatu ahiitila vwe vwáli mu luvhiga lwakwe mu majenje na mu viduda ivwa minzi, vwope vihagalunkana kuvha mavhanda.

Ishitushizya 16:7

Pe nkiivwa izwi kufuma pa shifinjilo likuti, “Mwe muumwo, MWENE Mulungu uwa Maha Gonti! Uvhulonzi vhwaho vhwa nalyoli, havhili vhugolosu!”

Ishitushizya 19:2

Mwe pe uvhulonzi vhwakwe vhwa nalyoli, havhili vhwa muumwo. Amulonzile umalaaya umupiti, ula we áyipuvwizye insi ku vhulugusu vhwakwe. Amulanduziizye kuzya kwita amavhanda aga vhavhomvi vhaakwe!”

Ishitushizya 4:8

Vwope ivipelwa vine ivwo vwáli ni vwapa umutanda mutanda, havhili ivwapa ivwo vwámile na minso mu mbazu zyonti na muhati zyavho. Ivipelwa ivwo uvhusiku nu musanya vitakutuzyaga kuyanga kuuti, “Mufinjile, Mufinjile, Mufinjile, wu MWENE uMulungu uwa Maha Gonti, uweene we áliipo, we aliipo, havhili we aliyinza.”

Ishitushizya 6:10

Vhahakuuta kwi izwi ipiti, kuuti, “We MWENE Mulungu uwa Maha Gonti, Mufinjile nu Wa Nalyoli, kuuti uhaavhe kufishila lyeli, kuvhalonga nu kuvhalanduzya avhantu vhonti avha pa nsi, kuzya kwita amavhanda giitu?”