Ishitushizya 16:21 - ULufingwi uLupwa

²¹ Imvula iya mavhwe amapiti yihavhatoonyela avhantu, amavhwe igo gáali nu vhumwamu uvhwa kiilo 50 ishi ivhwe lyoka. Vhoope avhantu vhahamuliga uMulungu kuzya mfwa iya mvula iyo iya mavhwe. Mwe muumwo, imfwa iya mvula iyo iya mavhwe yáali mpiti nkaani.

Tesitamenti Umupwa 1965

²¹ Nintalalʼimpiti yʼamavwe gakwe gali nuvumwamu fwe ngati ṿwa latili, gahalagala kufuma kumwanya nukuhomʼavantu. VahamusamulʼuMulungu kuzyʼisunde ili ilya ntalala, shʼisunde lilyo lyali lipiti nkani.

Ishitushizya 16:21 ပူးပေါင်းရင်းမြစ်များ

Ishitushizya 11:19

Pe iNyumba iMfinjile iya Mulungu ye yili ku mwanya yihiiguha. Imbogooso iya Mulungu iya lufingwi yihaloleha mu Nyumba iyo. Kuhavha ulumesyo, izwi lye likujilima, ishisumbi ni mvula impiti iya mavhwe.

Ishitushizya 16:11

Vhahamuliga uMulungu uwa ku mwanya kuzya vhuvhaavi vhwavho na mapumba gaavho. Ileelo vhatápindusile ku lujendo lwavho uluvhiivhi.

Ishitushizya 16:9

Pe avhantu vhahapwa havhiivhi nkaani. Vhahamuliga uMulungu, uweene we ali na maha ku mfwa izyo. Ileelo vhatápindusile nu kumushindiha uMulungu.

Ishitushizya 8:7

Pe uhavhizya umutanzi ahahoma isaji lyakwe, kuhavha imvula iya mavhwe nu mwoto vwe visangiine na mavhanda, vihasumbwa pa nsi. Pe ishigavho shooka pa vigavho vitatu ivwa nsi shihananjiha, ishigavho shooka pa vigavho vitatu ivwa makwi shihananjiha na masole amoolo gonti gahananjiha.