Ishitushizya 15:4 - ULufingwi uLupwa

⁴ We MWENE, avhantu vhonti vhakwanzilwa kukutiima! Havhili vhonti vhakwanzilwa kukunyila! Iwe weeka we Mufinjile! Insi zyonti zilikwinzila nu kukupuuta, mwe pe imbombo zyaho ingolosu zilolesile.”

Tesitamenti Umupwa 1965

⁴ Wʼunanu wʼatangakunyila nukulitundumiha izina lyaho, we Mwene? Shʼiwe weka we we Mufinjile, shʼinkolo zyonti ziliyinza havili zilisugamila kuminso gaho, shʼimbombo zyaho zya vugolosu zigwinkulilwe.

Ishitushizya 15:4 ပူးပေါင်းရင်းမြစ်များ

VaLoma 15:9

Havhili, áyinzile, inga avhantu vhe te Vhayuuda vhamushindihaje uMulungu ku vhwila vhwakwe inza vwe uVhusimbe uVhufinjile vhukuyanga vhukuti, “Kuli izyo, ndikutiima ku vhantu vhe te Vhayuuda. Havhili ndiyimba inyimbo izya kulitiima izina lyaho.”

1 Peteli 1:16

Nkuyanga vhwevhulo, mwe pe yisimviilwe mu Vhusimbe uVhufinjile kuuti, “Muvhanje mwe vhafinjile, mwe pe ine ne mufinjile.”

Ishitushizya 11:15

Pe uhavhizya uwa 7 ahahoma isaji lyakwe, nkiivwa amazwi amapiti ku mwanya, gahati, “Uvhumwene uvhwa pa nsi vhwavha vhumwene uvhwa MWENE wiitu uMulungu havhili vhwa Chilisiti waakwe, woope uMWENE alikonzya shiima shiima.”

Ishitushizya 14:7

Ahayanga kwi izwi ipiti ahati, “Mumunyilaje uMulungu nu kumutiima, mwe pe ahavhaliilizyo aha vhulonzi vhwakwe haafiha. Mumupuutaje uweene we ahapela ku mwanya na pa nsi nu sumbi ni viduda ivwa minzi.”

Ishitushizya 16:5

Pe nkiivwa uhavhizya umwimiilizi uwa minzi akuti, “We Mufinjile, we uliipo na we wáliipo! Iwe we mugolosu, mwe pe walonga izi.

Ishitushizya 16:7

Pe nkiivwa izwi kufuma pa shifinjilo likuti, “Mwe muumwo, MWENE Mulungu uwa Maha Gonti! Uvhulonzi vhwaho vhwa nalyoli, havhili vhugolosu!”

Ishitushizya 19:2

Mwe pe uvhulonzi vhwakwe vhwa nalyoli, havhili vhwa muumwo. Amulonzile umalaaya umupiti, ula we áyipuvwizye insi ku vhulugusu vhwakwe. Amulanduziizye kuzya kwita amavhanda aga vhavhomvi vhaakwe!”

Ishitushizya 19:8

Apeliilwe kuzwalila umwenda umwinza umuzelu, we wuzelufile havhili we wukunyengʼenyela.” (Umwenda umwinza umuzelu uwo, mbombo ingolosu izya vhafinjile.)

Ishitushizya 3:7

“Uhavhizya uwa shivhanza isha ku Filadelufiya, musimbile uti: Iga mazwi kufuma kwa Yeesu, ula we mufinjile, havhili uwa nalyoli, we ali ni shigulilo isha maha isha mwene uDaavhudi. Uweene we inga ayiigula nuumo uwa kwigalila, havhili inga agalila nuumo uwa kwigula:

Ishitushizya 4:8

Vwope ivipelwa vine ivwo vwáli ni vwapa umutanda mutanda, havhili ivwapa ivwo vwámile na minso mu mbazu zyonti na muhati zyavho. Ivipelwa ivwo uvhusiku nu musanya vitakutuzyaga kuyanga kuuti, “Mufinjile, Mufinjile, Mufinjile, wu MWENE uMulungu uwa Maha Gonti, uweene we áliipo, we aliipo, havhili we aliyinza.”

Ishitushizya 6:10

Vhahakuuta kwi izwi ipiti, kuuti, “We MWENE Mulungu uwa Maha Gonti, Mufinjile nu Wa Nalyoli, kuuti uhaavhe kufishila lyeli, kuvhalonga nu kuvhalanduzya avhantu vhonti avha pa nsi, kuzya kwita amavhanda giitu?”