Ishitushizya 15:1 - ULufingwi uLupwa

¹ Pe nkalola ishilolesyo ishamwavho ku mwanya, ishipiti ni sha kusukumizya: Páamile avhahavhizya 7 vhe vhali ni mfwa 7 izya vhusililishilo. Ku mfwa 7 izyo, uvhuhalazu uvhwa Mulungu vhulunjisile.

Tesitamenti Umupwa 1965

¹ Pe nkalda umumfindango uwamwavo kumwanya, umupiti uwa kusukumila, avahavizya vasano navavili ve vali nintipo zisano nazivili izya kumpelela, shʼuvuhalazu ṿwa Mulungu vuhalunjiha muli zizyo.

Ishitushizya 15:1 ပူးပေါင်းရင်းမြစ်များ

Ishitushizya 10:3

Ahahoola kwi izwi ipiti, ngati nsama vwe yikumoota. Lwe ahoola, amazwi 7 aga kujilima gahivwiha.

Ishitushizya 11:14

Imfwa iya vhuvhili yatuuha, imfwa iya vhutatu yipalamiiye kwinza.

Ishitushizya 14:10

uweene alimwela idivaayi inkali ye vhuhalazu uvhwa Mulungu. Idivaayi iyo, vhasuusile ishisita kusangaanya na minzi, mu lupindi ulwa mulaha waakwe. Woope uMulungu alimuyimvwa ku mwoto na ku mbaluuti pilongolela ilya vhahavhizya avhafinjile, na pilongolela ilya Hagonzi aha MWENE uMulungu.

Ishitushizya 14:19

Pe uhavhizya ula ahagwisya ishikwakwa shaakwe pa nsi, ahapambula amampensya ge gali mu nsi. Pe ahagavhiiha mu shiliilo ishipiti isha kusuusila amampensya, ishiliilo isha vhuhalazu uvhwa Mulungu.

Ishitushizya 16:1

Nkiivwa izwi ipiti kufuma aPafinjile apa Mulungu, likuvhavhuuzya avhahavhizya vhaala 7 likuti, “Sogooli, mwite imbiga izyo 7 izya vhuhalazu uvhwa Mulungu mu nsi.”

Ishitushizya 17:1

Pe wooka mu vhaala avhahavhizya 7, vhe vháali ni mbiga 7 ahambuuzya ahati, “Nzaaga, niine kwe nkulanje isunde lye alipeelwa umalaaya umupiti we nkaaya ye vhayizenzile pa luvhazu pa minzi aminji.

Ishitushizya 19:15

Ipanga ihozu likufumaga mwi ilomu lyakwe na kwi ipanga ilyo alivhapoota avhantu avha mu nsi zyonti. “Uweene we alivhakonzya ku ndiisa iya shijela” nu kusuusa idivaayi inkali mu shiliilo isha kusuusila amampensya. Ishiliilo isho sha vhuhalazu uvhupiti uvhwa Mulungu uweene uwa Maha Gonti.

Ishitushizya 21:9

Pe wooka mu vhahavhizya vhaala 7 vhe vháali ni mbiga ziila 7 zye zyízuuye imfwa 7 izya vhusililishilo, ahinza nu kumbuuzya kuuti, “Nzaaga! Niine kwe nkulolesye umwantanda we akwimalwa, umushi uwa Hagonzi aha MWENE uMulungu!”

Ishitushizya 8:13

Nkeenya kumwanya, nkiivwa izwi ilya ipuula lye likubuluha pahati pamwanya, lihayanga kwi izwi ipiti kuuti, “Vhaafwa! Vhaafwa! Vhaafwa! Vhe vhakuvha pa nsi! Kuzya izwi ilya masaji ge gasyaye aga vhahavhizya vhatatu, vhe vhayisengiinye kuhoma.”

Ishitushizya 8:2

Nkavhalola avhahavhizya 7 vhe vhakwimiilila pilongolela ilya Mulungu, vhoope vhahapeelwa amasaji 7.

Ishitushizya 8:6

Pe avhahavhizya vhaala 7 vhe vháali na masaji 7 vhahayisengaanya kuuti vhagahome.

Ishitushizya 9:20

Avhantu vhe vhásyaye, vhe vhatáfuuye ku mfwa izyo, vhahahaana kupinduha kuzya mbiivhi zyavho. Vhatahapinduha kuzya kuvhasugamilila avhaseetano ni viholanyo ivwa sahaabu ni vwa mpiiya ni vwa shaaba ni vwa mavhwe ni vwa makwi. Iviholanyo ivwo vwe vitangaalola, poosye kwivwa, poosye kujenda.