Ishitushizya 14:7 - ULufingwi uLupwa

⁷ Ahayanga kwi izwi ipiti ahati, “Mumunyilaje uMulungu nu kumutiima, mwe pe ahavhaliilizyo aha vhulonzi vhwakwe haafiha. Mumupuutaje uweene we ahapela ku mwanya na pa nsi nu sumbi ni viduda ivwa minzi.”

Tesitamenti Umupwa 1965

⁷ ahayangʼizwʼipiti ahati: MumunyilajʼuMulungu nukumushindiha, shʼahavalilizyo ha vulonzi ṿwakwe hafisile, muputaje kuli wuyo wʼapezile kumwanya napansi nusumbi niṿiduda ṿwa minzi ṿwonti.

Ishitushizya 14:7 ပူးပေါင်းရင်းမြစ်များ

Matayi 25:13

UYeesu ahavhavhuuzya avhasundikwa vhaakwe ahati, “Ishi muvhanje minso, mwe pe mutamanyile isiku, poosye ahavhaliilizyo he ndigaluha.”

uLuuka 17:18

Ataliipo we agalusile kumusalifwa uMulungu, nkandi we te Muyuuda uno?”

iMbombo izya Vhatumwa 14:15

vhahati, “Mwe vhantu! Shooni she mukuvhomba izi? Niiswe swe vhantu inza imwe! Tukuvhalumbiilila Izwi iLyinza, inga mupindushe nu kuzileha izya shaaha izi, havhili mumulandate uMulungu uMulanzi. Uweene we ahapela imwanya ni nsi nu sumbi, na vwonti vwe vili muumwo.

1 Peteli 4:7

Uvhusililishilo uvhwa vintu vwonti vhupalamiiye, ishi muyikonzyaje, havhili muvhanje minso ku zye mukuvhomba, inga mulaavhaje vwe yikwanzilwa.

Ishitushizya 11:13

Ahavhaliilizyo hanaaho kuhavha ishisumbi ishipiti, ishigavho shooka pa vigavho 10 ivwa nkaaya shihabongonkana. Avhantu 7,000 vhahafwa ku shisumbi isho, vhe vhasyaye vhahoogopa nkaani, vhahamushindiha uMulungu uwa ku mwanya.

Ishitushizya 11:18

Avhantu avha kunzi vhávisiitwe, ileelo umulaha wuhakulema. Ahavhaliilizyo hahafiha aha kuvhalonga vhe vháfuuye, na ha kuuvhapa ivipeelwa avhavhomvi vhaaho avhakuvhwi na vhafinjile na vhe vhakulinyila izina lyaho, avhapiti na vhansi. Havhili ahavhaliilizyo hahafiha aha kuvhananganya ivho vhe vhakunanganya insi.”

Ishitushizya 15:4

We MWENE, avhantu vhonti vhakwanzilwa kukutiima! Havhili vhonti vhakwanzilwa kukunyila! Iwe weeka we Mufinjile! Insi zyonti zilikwinzila nu kukupuuta, mwe pe imbombo zyaho ingolosu zilolesile.”

Ishitushizya 16:9

Pe avhantu vhahapwa havhiivhi nkaani. Vhahamuliga uMulungu, uweene we ali na maha ku mfwa izyo. Ileelo vhatápindusile nu kumushindiha uMulungu.

Ishitushizya 18:10

Vhaliyimiilila ukutali, mwe pe vhakwogopa amayimba gaakwe nu kuyanga kuuti, “Washeela, washeela iwe Babeeli, inkaaya ye yikumusile ni ya maha! Ku havhaliilizyo aha isaala lyoka vhweleele isunde lyaho lyakwaga.”

Ishitushizya 18:17

Kwi isaala lyoka vhweleele uvhudumbwe vhwakwe vhwalovha!” Havhili vhe vhakujenzya imeeli vhonti na vhe vhakushuula navho na vhonti vhe vhakuvhomba imbombo mwa sumbi, vhaliyimiilila apatali.

Ishitushizya 18:19

Vhaliyinyampila ulusuuto mu matwe gaavho uku vhakukuuta nu kuloosya, “Yasheela! Yasheela inkaaya impiti! Nkaaya ye vhonti vhe vhali ni meeli izya mwa sumbi, vhádumbushiiye kufumiilana nu vhudumbwe vhwakwe. Ku havhaliilizyo aha isaala lyoka vhweleele yilovwizye ivintu vwonti!

Ishitushizya 19:5

Pe izwi lihafuma ku shitengo isha vhumwene lihati, “Mumutiime uMulungu wiitu, mwe vhavhomvi vhwakwe vhonti, mwenti mwe mukumunyila, mwe vhapiti na mwe vhansi.”

Ishitushizya 4:11

“Uhondeeye iwe, MWENE wiitu Mulungu, kuposheela uvhushindamu, nu mushinzi na maha. Mwe pe wápezile ivintu vwonti, na ku lukasamo lwaho vihapelwa, havhili viliipo.”

Ishitushizya 4:9

Uweene we atendiime pa shitengo isha vhumwene, we wu Mulungu we mulanzi shiima shiima. Ivipelwa ivwo, ahavhaliilizyo honti lwe vikumushindiha nu kumumwamiha nu kumusalifwa,

Ishitushizya 8:10

Woope uhavhizya uwa vhutatu ahahoma isaji lyakwe. Panaapo uluzota ulupiti luhagwa kufuma kumwanya. Luhaahaga inza inyaale, luhagwila ishigavho shooka pa vigavho vitatu ivwa majenje, ni shigavho shooka pa vigavho vitatu ivwa viduda ivwa minzi.