Ishitushizya 14:6 - ULufingwi uLupwa

⁶ Nkalola uhavhizya uwamwavho akubuluha pahati pamwanya, áamile ni Izwi iLyinza ilya shiima. Ahavhalumbiilila vhe vhakutendama pa nsi, insi zyonti ni nkolo zyonti ni njango zyonti ni mpuga zyonti.

Tesitamenti Umupwa 1965

⁶ Pe nkamulola uhavizyʼuwamwavo akuvuha pahati paya kumwanya, lwʼalemilʼIvangeli lya shimashima ukuvakumusizya vonti ve vasamiye pansi namunsi zyonti namunkolo zyonti namunjango zyonti nakuvantu vonti,

Ishitushizya 14:6 ပူးပေါင်းရင်းမြစ်များ

Matayi 10:27

Zyonti zye nkuvhavhuuzya mu shiisi, muziyangaje mu vhuzelu. Havhili, zyonti zye mukuzyivwa kukwilu, muzikumusyaje apazelu.

Maliko 16:15

UYeesu ahavhavhuuzya ahati, “Musogole mu nsi yonti, mukumusye Izwi iLyinza ku vhantu vhonti.

VaLoma 16:25

Ishi, ashindikwaje uMulungu! Uweene ali na maha aga kuvhagomwa kwi idala ilya Izwi iLyinza ilya Yeesu Chilisiti lye nkukumusya. Izwi ilyo, hali lyáli kukwilu.

Kolosi 1:23

Nalyoli muli isho pilongolela lyakwe, inga mukujendeelela kumwitiha uChilisiti, nu kuyigomwa nu kuvha na maha, havhili inga mutakwitiha kuleha ulusuuvhilo lwe mwáposheleeye, lwe mwivwa Izwi iLyinza. Izwi ilyo, lye avhavhomvi avha Mulungu vhakumusiizye ku vhantu vhonti avha mu nsi, havhili lye ine ne Paavhuli, ne muvhomvi uwa kukumusya.

2 VaTesaloniki 2:16

UTaata wiitu uMulungu atukunzite, na ku vhwila vhwakwe akutusuvhaalizya shiima nu kuutupa ulusuuvhilo ulwinza. Tukumulaavha uMwene wiitu uYeesu Chilisiti pooka nu weene, kuuti

VaHebuli 13:20

UMulungu uwa vhutehamu ámuzyusiizye uMwene wiitu uYeesu, uMudiimi uMupiti uwa ngʼonzi, uweene we áyiisite amavhanda gaakwe pa shihovhenkanyo ge gakuhomeshezya ulufingwi ulwa shiima.

1 Peteli 1:25

Ileelo izwi ilya MWENE uMulungu lya shiima.” Izwi ilyo lye Lizwi iLyinza lye lyálumbiliilwe kuli imwe.

Ishitushizya 10:11

Pe vhahambuuzya vhahati, “Ukwanzilwa kufumwa uvhukuvhwi ku mpuga inyinji na ku nsi inyinji na ku njango inyinji na ku vhamwene avhinji.”

Ishitushizya 10:7

Ileelo mu manda igo lwe uhavhizya uwa 7 apalamila kuhoma isaji lyakwe, uluvhaatiho ulwa vhuzigizigi ulwa Mulungu lulilunjiha. Lulilunjiha inza vwe ávhalumbiliiye avhavhomvi vhaakwe avhakuvhwi.”

Ishitushizya 13:7

Havhili shihitishilwa kulwa na vhafinjile nu kuvhapoota. Shihapeelwa amaha ku nkolo zyonti na ku mpuga zyonti na ku njango zyonti na ku nsi zyonti.

Ishitushizya 3:10

Mwe pe ulyitisile izwi lyane ilya kuvha nu vhujimbiilizu, niine ndikusunjiilila uheepe mu manda aga vhunanjisu ge gapalamiiye kwinza kuvhalinga avhantu avha mu nsi yonti.

Ishitushizya 5:9

Vhahimba ulwimbo ulujeni vhahati, “Uhondeeye iwe kulinyatula ikalaata ilyo nu kuvunza ivilemezanyo vwakwe. Mwe pe wávholiilwe, na ku mavhanda gaaho uhamukalila uMulungu, avhantu kufuma mu nkolo zyonti na mu njango zyonti, havhili kufuma mu mpuga zyonti na mu nsi zyonti.

Ishitushizya 8:13

Nkeenya kumwanya, nkiivwa izwi ilya ipuula lye likubuluha pahati pamwanya, lihayanga kwi izwi ipiti kuuti, “Vhaafwa! Vhaafwa! Vhaafwa! Vhe vhakuvha pa nsi! Kuzya izwi ilya masaji ge gasyaye aga vhahavhizya vhatatu, vhe vhayisengiinye kuhoma.”