Ishitushizya 14:4 - ULufingwi uLupwa

⁴ Ivho vhe vhatáyihandamiinie na vhantanda, mwe pe vhafinjile. Ivha vhe vhakuhalandata aHagonzi aha MWENE uMulungu kwonti kwe hakusogola. Ivha havhakazile kufuma mu vhantu, havhili vhe vhatanzi kwa MWENE uMulungu na ku Hagonzi haakwe.

Tesitamenti Umupwa 1965

⁴ Ve vuvo ve vatayihandaminye nalumo muvantanda, she vali vasunde avene. Iva ve vuvo ve vakuhalandata aHagonzi kwonti kwe hakuvala, ve vuvo ve vatavuzilwe muvantu ukuti vavanje ṿwa kutomola iṿitanzi kwa Mulungu nakuHagonzi.

Ishitushizya 14:4 ပူးပေါင်းရင်းမြစ်များ

Matayi 19:12

Yeenya, vhamo vhatakwimala, mwe pe vhapaase kufuma kupaapwa kwavho. Avhamwavho vhatakwimala, mwe pe avhantu vhavhapaasile. Havhili avhamwavho vhatakwimala, inga vhavhe na havhaliilizyo ahapiti aha kuvhomba imbombo iya vhumwene uvhwa Mulungu. Umuntu wonti we angaliposheela izwi ili, aliposheele.”

Matayi 25:1

Pe uYeesu ahavhavhuuzya avhasundikwa vhaakwe ahati, “Ahavhaliilizyo iho uvhumwene uvhwa Mulungu vhuliholana ni shiholanyo isha vhalindu 10 vhe vhányatuuye inyaale zyavho nu kusogola kumuposheela we akwimala.

Matayi 8:19

Pe umusambiilizi wumo uwa ndajizyo izya Moose ahasogola kwa Yeesu, ahamuvhuuzya ahati, “We Musambiilizi, kuuti nkulandate kwonti kwe ukusogola.”

Yohani 10:27

Ingʼonzi zyane zilimanyile izwi lyane. Niine nzimanyile, zyope zikundandata.

Yohani 12:26

Umuntu wonti we akumbombela ine, akwanzilwa andandate. Yeenya, ponti pe indi, nu muvhomvi waane kwe avhanje. Havhili uTaata alimushindiha umuntu wonti we akumbombela ine.

Yohani 13:37

UPeeteli ahamuvhuziilizya ahati, “We Mwene, ku nongwa vhuli ntangakulandata ahavhaliilizyo iha? Ine kwe njifumwe kufwa ku zyaho!”

Yohani 8:12

Pe uYeesu ahajendeelela kuyanga havhili ni mpuga yiila ahati, “Ine ne vhuzelu ku vhantu vhonti. Umuntu wonti we akundandata ine, te ahajende mu shiisi naalumo, ileelo aliivha nu vhuzelu vhwe vhulimulongolaga mu vhulanzi uvhwa shiima.”

iMbombo izya Vhatumwa 20:28

Muyisunjililaje mweneemwe, pooka ni mpuga yiila ye uMupepo uMufinjile avhavhiisile imwe kuvha mwe vhimiilizi. Mushidiimaje ishivhanza isha Mulungu she áshikazile ku mavhanda gaakwe wuuyo.

1 VaKolinti 16:15

Vhamwitu, mumanyile kuuti uSiteefani pooka na vhantu avha mu nyumba yaakwe, vhantu vhe vháali vha kwanda kumwitiha uYeesu Chilisiti mu shigavho isha nsi isha Akaaya, havhili vháyifumwizye nkaani kuvhaavwa avhafinjile!

1 VaKolinti 6:20

mwe pe mwátavhuliilwe ku nsavho impiti. Ishi mumutiimaje uMulungu mu mavhili giinyu.

1 VaKolinti 7:28

Ileelo poosye inga wiimala, utakuvha wavhomba uvhutalamalandu. Woope umulindu inga ayiimalwa, atakuvha avhomba uvhutalamalandu. Ileelo vhe vhimaliine vhaliivha na mayimba aga mu nsi umu. Ine nkuvhasoha, inga zitahinze zivhaaje izyo.

2 VaKolinti 11:2

Ine indi nu vhuzuvha niimwe vhwe vhukufuma kwa Mulungu. Nkuyanga vhwevhulo, mwe pe muli inza umulindu uwa mwoyo umuzelu we atamumanyile naalumo umwanaavuli, we námuzinjiiye kwimalwa nu mwanaavuli wooka vhweleele, we wu Chilisiti.

VaEfeso 1:14

UMulungu átupiiye uMupepo waakwe avhe shintu isha kuyipinjiha, kutuhomeshezya kuposheela uvhupwano vhwakwe, kufishila pe alitutavhula iswe swe vhantu vhaakwe. Avhomvile vhwevhulo, inga atimwaje ku vhushindamu vhwakwe!

VaEfeso 5:27

Ávhomvile vhwevhulo, inga ayileetele ishivhanza she shizelufile, ishisita amabada poosye amankunya, poosye uvhuvhiivhi vhwonti inza uvhwo. Aliyileetela ishivhanza she shifinjile, havhili ishisita ulukwinkwino.

1 Timoti 4:3

Vhakuvhahaana avhanaavuli kuuti vhatimalaje, na vhantanda kuuti vhatimalwaje. Vhakuvhalajizya avhantu kuuti vhatalyanje ivwakulya vimo. Ileelo uMulungu ávipezile, inga avhantu vhe vhakumwitiha vhaviposheelaje nu kusalifwa, mwe pe avheene vhavhumanyile uvhwanalyoli.

VaHebuli 12:23

Imwe mufisile pa luhomaano ulupiti ulwa vhiitisi vhonti vhe uMulungu akuvhiita kuvha vhaana vhaakwe avhahatoote. Avhiitisi ivho, amazina gaavho gasimviilwe ku mwanya. Mufisile pilongolela ilya Mulungu we Mulonzi uwa vhantu vhonti na pilongolela ilya vhantu avhagolosu vhe uMulungu ahavhazelufwa.

Yakobu 1:18

Kulandatana na vwe ákasiime, átuvhiisile kuvha swe vhaana vhaakwe kwi idala ilya iswe kulyitiha izwi lyakwe ilya nalyoli. Ávhomvile vhwevhulo, inga tuvhe swe vhaana vhaakwe imozi, ku vipelwa vwakwe vwonti vwe ávipezile, tuvhe inza iviyavho ivitanzi ivwa kufumwa ku kwakwe.

1 Peteli 2:9

Ileelo uMulungu ávhasavhuuye imwe kuvha mwe vhantu vhaakwe. Imwe mwe vhapuuti mu vhumwene vhwakwe, havhili mwe vhantu avhafinjile. UMulungu ávhasavhuuye imwe, inga mukumusyaje imbombo zyakwe impiti. Uweene ávhiisite kufuma mu shiisi nu kuvhinjizya mu vhuzelu vhwakwe uvhupiti.

Ishitushizya 17:14

Vhaliilwa uvhulugu na Hagonzi aha MWENE uMulungu, ileelo aHagonzi aha MWENE uMulungu halivhapoota, mwe pe aheene he Hapiti aha vhapiti havhili he Hamwene aha vhamwene. Aheene haliivha na vhantu vhaakwe vhe hahavhiita nu kuvhasaavhula nu kuvhavhiiha kuvha vhalandati vhaakwe avhatungamu.”

Ishitushizya 21:22

Ntávhwenyi iNyumba iMfinjile mu nkaaya iyo, mwe pe uMWENE uMulungu uwa Maha Gonti na Hagonzi haala aha MWENE uMulungu ye Nyumba yaakwe iMfinjile.

Ishitushizya 21:23

Inkaaya iyo yitakwanza izuvha, poosye umwezi kuyilamila, mwe pe uvhushindamu uvhwa Mulungu vhukuyilamila ni nyaale yaakwe Hagonzi aha MWENE uMulungu.

Ishitushizya 3:4

Ileelo uli na vhantu vhansi ku Saadi vhe vhatayihandamiinie ku mbiivhi. Ivho vhe vhalisogola pooka niine she vhazwaye amenda amazelu, mwe pe vhahondeeye.

Ishitushizya 5:9

Vhahimba ulwimbo ulujeni vhahati, “Uhondeeye iwe kulinyatula ikalaata ilyo nu kuvunza ivilemezanyo vwakwe. Mwe pe wávholiilwe, na ku mavhanda gaaho uhamukalila uMulungu, avhantu kufuma mu nkolo zyonti na mu njango zyonti, havhili kufuma mu mpuga zyonti na mu nsi zyonti.