Ishitushizya 14:3 - ULufingwi uLupwa

³ Vhahimbaga ulwimbo ulupwa pilongolela ilya shitengo isha vhumwene na pilongolela ilya vipelwa vine na pilongolela ilya vhasongo. Ileelo naawumo we ávhweziizye kusambiilila ulwimbo luula, nkandi vhaala 144,000, vhe vhápokwilwe mu nsi.

Tesitamenti Umupwa 1965

³ Vakwimbʼulwimbo ulupwa kuminso ga shitengo sha vumwene nakuminso ga ṿipuma ṿwe ṿine naga vasongo. Numo atamanyilʼukusambilila ulwimbo lunulu nkandi vuvo veka ve vali 144,000, vala ve vatavuzilwe kunsi.

Ishitushizya 14:3 ပူးပေါင်းရင်းမြစ်များ

1 VaKolinti 1:18

Inongwa izya kufwa uChilisiti pa shihovhenkanyo, vhe vhakuteega vhakulola vhwalangani, ileelo iswe twe tukupokwa, maha ga Mulungu.

1 VaKolinti 2:14

Ileelo umuntu we atali nu Mupepo uwa Mulungu, atangaposheela zye zikufuma kwa Mupepo uwa Mulungu. Umuntu uyo ku kwakwe izyo zya vhwalangani, havhili atangazimanya, mwe pe umuntu akuzimanya izyo ku lwavwo ulwa Mupepo uwa Mulungu weeka.

Ishitushizya 14:1

Pe nkalola aHagonzi aha MWENE uMulungu himiliiye pi igamba uSayuuni, pooka na vhantu 144,000. Avhantu ivho pa vweni vwavho, lyásimviilwe izina ilya Hagonzi aha MWENE uMulungu ni izina ilya Taata waakwe.

Ishitushizya 15:3

Vhahimbaga ulwimbo ulwa Moose, umuvhomvi uwa Mulungu nu lwimbo ulwa Hagonzi aha MWENE uMulungu, vhahatinji, “MWENE Mulungu uwa Maha Gonti, imbombo zyaho mpiti, havhili zya kusukumizya nkaani! Iwe Mwene wa nsi zyonti, amadala gaaho ga muumwo, havhili ga nalyoli!

Ishitushizya 2:17

We ali na makutwi, atejeelezye ziila zye uMupepo uMufinjile akuvivhuuzya ivivhanza. Ula we alipoota indingo ndiimupa imana iya kukwilu. Havhili ndiimupa ivhwe izelu lye lisimviilwe izina ipwa. Ataliipo we alilimanya izina ilyo, nkandi we wula we akuliposheela.”

Ishitushizya 5:9

Vhahimba ulwimbo ulujeni vhahati, “Uhondeeye iwe kulinyatula ikalaata ilyo nu kuvunza ivilemezanyo vwakwe. Mwe pe wávholiilwe, na ku mavhanda gaaho uhamukalila uMulungu, avhantu kufuma mu nkolo zyonti na mu njango zyonti, havhili kufuma mu mpuga zyonti na mu nsi zyonti.

Ishitushizya 7:4

Pe nkiivwa uvhwinji vhwavho vhe vhávhalemeziinye kufuma mu nkolo zyonti izya Vhaisilayeeli, avhantu 144,000.