Ishitushizya 14:2 - ULufingwi uLupwa

² Nkiivwa izwi kufuma ku mwanya, fwe lizwi lya minzi aminji, havhili lye likujilima inza imvula. Izwi ilyo lye nályivuuye lyámile ngati lizwi ilya ipango.

Tesitamenti Umupwa 1965

² Pe nkiṿwʼizwi kumwanya, lye lyali fwe ngati lizwi lya minzi aminji, havili fwe ngati lizwi lya lujilimo ulupiti, havili izwi lye nalyiṿuye lyali fwe ngati lipango lyʼumuntu akuhoma.

Ishitushizya 14:2 ပူးပေါင်းရင်းမြစ်များ

1 VaKolinti 13:1

Poosye inga indi ni shikunjilwa isha kuyanga injango zyonti izya vhantu ni zya vhahavhizya, ileelo inga ntali ni shikunzi, injango izyo zitangaavwa naashimo, nkuvha inza ibegeeti, poosye inza ipenga lye likuzuma ahalanga.

Ishitushizya 1:10

UMupepo uMufinjile ánishiiye pi isiku ilya MWENE uMulungu, nkiivwa izwi ipiti ngati lya isaji mwisinda lyane.

Ishitushizya 1:15

Ivinama vwakwe vihamekuhaga ngati shaaba ye vhayizelufwizye mwi isyanilo, havhili izwi lyakwe lyáli ngati minzi aminji ge gakwishila ku nsaato.

Ishitushizya 11:12

Pe avhakuvhwi vhavhili vhaala vhahiivwa izwi ipiti kufuma ku mwanya likuvhavhuuzya kuuti, “Zuvhi uku!” Vhoope vhahazuvha ku mwanya mwi ivhingo, she avhalugu vhaavho vhakuvheenya.

Ishitushizya 11:15

Pe uhavhizya uwa 7 ahahoma isaji lyakwe, nkiivwa amazwi amapiti ku mwanya, gahati, “Uvhumwene uvhwa pa nsi vhwavha vhumwene uvhwa MWENE wiitu uMulungu havhili vhwa Chilisiti waakwe, woope uMWENE alikonzya shiima shiima.”

Ishitushizya 15:2

Nkalola ishintu ngati wu sumbi uwa ilooli, asangiine nu mwoto. Nkavhalola avhantu vhaala vhe vháshipoosite ishihanu shiila ni shiholanyo shaakwe ni mbaazyo iya izina lyakwe. Avhantu ivho vhímiliiye mu luvhazu ulwa sumbi uwa ilooli, vháamile na mapango ge uMulungu ávhapiiye.

Ishitushizya 18:22

Amazwi aga mapango na ga kwimba, amazwi aga malonji na masaji, te gahivwishe naalumo kuli iwe. Kutaliivha we akugomba wonti, we vhalimwaga havhili kuli iwe, poosye izwi ilya lwala te lihivwishe naalumo kuli iwe.

Ishitushizya 5:8

Lwe hanyatula ikalaata ilyo, ivipelwa viila vine pooka na vhasongo vhaala 24 vhahakupama pilongolela ilya Hagonzi aha MWENE uMulungu. Vhonti vháamile na mapango ni mbiga izya sahaabu zye zyízuuye ivwa kusuushizya vwe vikununshila. Ivwa kusuushizya ivwo zye mpuuto zya vhafinjile.

Ishitushizya 6:1

Pe nkalola aHagonzi aha MWENE uMulungu hahavunza ishilemezanyo shooka. Nkiivwa ishipelwa shooka mu viila vine shikuyanga fwe lizwi lye likujilima likuti, “Luvhiilo!”

Ishitushizya 8:7

Pe uhavhizya umutanzi ahahoma isaji lyakwe, kuhavha imvula iya mavhwe nu mwoto vwe visangiine na mavhanda, vihasumbwa pa nsi. Pe ishigavho shooka pa vigavho vitatu ivwa nsi shihananjiha, ishigavho shooka pa vigavho vitatu ivwa makwi shihananjiha na masole amoolo gonti gahananjiha.