Ishitushizya 14:13 - ULufingwi uLupwa

¹³ Pe nkiivwa izwi kufuma ku mwanya, lihati, “Simba! Vhalosiitwe avhantu vhaala vhe kwandila isaala izi vhakufwa she vhamwitisile uMwene uYeesu.” Woope uMupepo uMufinjile akuti, “Mwe muumwo! Vhalituuzya amayimba gaavho, mwe pe imbombo zyavho inyinza zilimanyiha.”

Tesitamenti Umupwa 1965

¹³ Pe nkiṿwʼizwi ipiti kufuma kumwanya, likuti: Simbaga utinji: Vasangalusu avafwe ve vakufwila mwa Mwene ukufuma shinishi. Ena, akuyangʼuMupepo ukuti vatuzye lwʼamayimba gavo gasila; shʼimbombo zyavo zikulandatana navo.

Ishitushizya 14:13 ပူးပေါင်းရင်းမြစ်များ

Matayi 3:17

Izwi ilya Mulungu lihivwiha kufuma ku mwanya lihati, “Uno we Mwana waane unkundwa we nkuhondezelwa nawo.”

uLuuka 16:25

“Ileelo uAabulahamu ahamwamula ahati, ‘Mwana waane, ukumbushe kuuti ahavhaliilizyo he wáamile we mupuuma, wáamile ni vintu ivwinza vwe uhavisuvhilaga, ileelo uLaazalo áamile mu mayimba. Ishi, uweene akusuvhalizilwa ipa, iwe ukuyimba.

uLuuka 16:9

Ishi ine nkuvhavhuuzya kuuti, muvhavwaje avhamwinyu ni vwuma vwinyu ivwa mu nsi umu, inga lwe vwasila, muhaposheelwe mu vhuyo uvhwa shiima shiima.

VaLoma 14:8

Inga tukulandila, tukulandila ku vhushindamu uvhwa Mwene, poosye inga tukufwa, tukufwa ku vhushindamu vhwakwe. Pe ishi, inga tukulandila, poosye inga tukufwa, tuli she tukuvha twe vhantu vha Mwene uYeesu.

1 VaKolinti 15:18

Vhoope vhe vhafuuye she vhamwitisile uChilisiti, vhateezile nziila.

1 VaKolinti 15:20

Ileelo ishi, uvhwanalyoli kwe kuuti, uChilisiti ázyusile, uweene mutanzi kuzyuha ku vhe vhafuuye.

1 VaKolinti 15:58

Ishi vhamwitu vhankundwa, musimpaje, mutavunzihaje umwoyo mu lwitiho. Insiku zyonti, mukanyilaje kuvhomba imbombo iya Mwene uYeesu, mwe pe mumanyile kuuti, imbombo ye mukuvhomba mwa Mwene, mutakuyimba vhweleele.

2 VaKolinti 5:8

Nalyoli tutali na maganigani, havhili tukulola kwashi tuwuleshe umuvhili uno, nu kusogola kutendama pooka nu Mwene uYeesu.

Filipi 2:17

Inga vhangangoga, kwe mbe inza impuutile iya divaayi ye yikupungulwa kwonjeelezya impuutile yiinyu. Impuutile yiinyu iyo, mbombo ye mukumuvhombela uMwene. Ileelo poosye inga nkufwa, nkuseshela nkaani, havhili nkuseshela nu kudovhela pooka niimwe.

1 VaTesaloniki 4:14

Iswe, tumanyile kuuti uYeesu áfuuye, havhili ahazyuha. Kuli izyo, tukusuuvhila kuuti uMulungu alivhavhiiha pooka nu Yeesu avhantu vhonti vhe vháfuuye mu lwitiho.

1 VaTesaloniki 4:16

Nkuyanga vhwevhulo, mwe pe uMwene wuuyo aliyiiha kufuma ku mwanya. Aliyanga kwi izwi ilya maha, pooka ni izwi ilya havhizya umupiti ni izwi ilya isaji ilya Mulungu. Pe vhaala vhe vháfuuye she vhamwitisile uChilisiti, vhalizyuha suuti.

1 VaTesaloniki 5:10

Uyo we ahafwa ku zyitu, inga tuvhanje pooka nawo, lwe twe vhapuuma, poosye lwe tufuuye.

1 Timoti 5:24

Uvhutalamalandu uvhwa vhantu vhamo vhuli apazelu, vhuliloleha she vhashiili kufiha mwi ilonjelwi, ileelo uvhutalamalandu uvhwa vhamo vhuzyihiime, vhuliloleha pisinda.

1 Timoti 5:25

Vhwevhulo, imbombo inyinza zikuloleha apazelu, zyope zye zizyihiime ziliivha apazelu.

Ishitushizya 1:11

Izwi ilyo lihambuuzya lihati, “Izi zyonti zye ukuzilola, uzisimbe mwi ikalaata. Lwe wazisimba, ulitwale ikalaata mu vivhanza 7 ivwa mu nkaaya izya Hefeeso ni Siimina ni Pegaamo ni Tiyatiila ni Saadi ni Filadelufiya ni Lawodikiya.”

Ishitushizya 10:4

Amazwi 7 aga kujilima lwe givwiha, náyisengiinye kusimba, ileelo nkiivwa izwi kufuma ku mwanya likuti, “Galemezanye amazwi igo ge gáyanziilwe ku mazwi 7 aga kujilima, utahagasimbe.”

Ishitushizya 11:15

Pe uhavhizya uwa 7 ahahoma isaji lyakwe, nkiivwa amazwi amapiti ku mwanya, gahati, “Uvhumwene uvhwa pa nsi vhwavha vhumwene uvhwa MWENE wiitu uMulungu havhili vhwa Chilisiti waakwe, woope uMWENE alikonzya shiima shiima.”

Ishitushizya 11:19

Pe iNyumba iMfinjile iya Mulungu ye yili ku mwanya yihiiguha. Imbogooso iya Mulungu iya lufingwi yihaloleha mu Nyumba iyo. Kuhavha ulumesyo, izwi lye likujilima, ishisumbi ni mvula impiti iya mavhwe.

Ishitushizya 16:17

Pe uhavhizya uwa 7 ahiitila vwe vwáli mu luvhiga lwakwe mu mwanya. Izwi ipiti lihivwiha kufuma ku shitengo isha vhumwene, mu Nyumba iMfinjile, lihati, “Uvhusililishilo vhwafiha!”

Ishitushizya 19:9

Pe uhavhizya ahambuuzya ahati, “Simba izi: Vhalosiitwe vhaala vhe vhavhalanjiiye ku shikulukuulu isha winga uwa Hagonzi aha MWENE uMulungu!” Havhili ahambuuzya, ahati, “Igo mazwi aga nalyoli aga Mulungu.”

Ishitushizya 2:1

Umuntu uyo ahajendeelela kumbuuzya kuuti, “Uhavhizya uwa shivhanza isha ku Hefeeso, musimbile uti: Iga mazwi kufuma kuli ine ne Yeesu. Ine ndemile inzota 7 ku nyoovhe yaane iya kundiilo, havhili nkujenda pahati pa visajishilo ivwa sahaabu ivwa nyaale 7:

Ishitushizya 2:7

We ali na makutwi, atejeelezye ziila zye uMupepo uMufinjile akuvivhuuzya ivivhanza. Ula we alipoota indingo ndiimupa amantonongwa aga ikwi lye likufumwa uvhulanzi, lye lili mu shilimbika isha Mulungu.”

Ishitushizya 20:6

Vhalosiitwe nkaani, havhili vhafinjile vhonti ivho vhe vhakuvhaazilwa kuzyuha ulwa kwanda. Uvhufwe uvhwa vhuvhili te vhuhaavhe na maha kuli ivho. Vhaliivha vhapuuti avha Mulungu nu Chilisiti, havhili vhalikonzya pooka nawo ku maaha 1,000.

Ishitushizya 21:5

Pe uMulungu, uweene we átendiime pa shitengo isha vhumwene ahati, “Yeenya, naakuzivhomba zyonti kuvha impwa.” Havhili ahati, “Simba inongwa izi, mwe pe amazwi iga ga kwitishilwa havhili ga nalyoli!”

Ishitushizya 22:17

UMupepo uMufinjile na we akunyatulwa vhakuti, “Nzaaga!” Woope we akwivwa ati, “Nzaaga!” Woope we ali ni shinyooto ayinze, we akwanza, anyatule aminzi ge gakufumwa uvhulanzi pa vhweleele.

Ishitushizya 6:11

Pe vhonti vhahapeelwa amenda amazelu. Havhili vhahavhavhuuzya kuuti, vhaguliilile ku havhaliilizyo hansi, kufishila uvhwinji uvhwa vhavhomvi avhamwavho na vhajenzi vhaavho pe vhwalunjiha. Ivho vhe avhalugu avha Mulungu avha pa nsi vhalivhagoga inza vheene vwe vhávhagozile.