Ishitushizya 13:8 - ULufingwi uLupwa

⁸ Avhantu vhonti vhe vhakutendama pa nsi vhalishipuuta, vhonti vhe amazina gaavho gatásimviilwe mwi ikalaata ilya vhulanzi ilya Hagonzi aha MWENE uMulungu he hávholiilwe. Ikalaata ilyo lyásimviilwe lwe insi yishiili kupelwa.

Tesitamenti Umupwa 1965

⁸ Vonti ve vasamiye munsi valikupama nukuputa kukwakwe, vʼamazina gavo ukufuma kwe kuvwando ṿwa nsi gatasimṿilwe mwa kalata wa vulanzi uwa Hagonzi he havolilwe.

Ishitushizya 13:8 ပူးပေါင်းရင်းမြစ်များ

Matayi 25:34

“Pe ine ne Mwene ndivhavhuuzya avhantu vhaala vhe vhali ku luvhazu lwane ulwa kundiilo ndiiti, ‘Nzaaji imwe mwe mulosiitwe nu Taata waane, muposheele uvhupwano uvhwa vhumwene vhwe uMulungu ávhasenganiziinye kufuma pe ápezile insi.

uLuuka 10:20

Ileelo inga mukuseshela, mwe pe impepo inkandamanu zikuvhashindiha, muleshe kuseshela kuli izyo vhweleele, nkandi museshelaje, mwe pe amazina giinyu gasimviilwe nu Mulungu ku mwanya.”

Yohani 1:29

Isiku lye likulandata, uYoohani ahamulola uYeesu akwinza ku kwakwe. Ahavhavhuuzya avhantu vhe vháliipo paala ahati, “Yeenya, uno wu Hagonzi aha Mulungu we akwefwa uvhutalamalandu uvhwa vhantu vhonti mu nsi!

VaEfeso 1:4

Lwe uMulungu ashiili kupela insi, átusavhuuye kuuti tuvhe swe vhantu vhaakwe kwi idala ilya kusopenkana kwitu nu Chilisiti. Ávhomvile vhwevhulo, inga tuvhe swe vhafinjile ishisita ulukwinkwino pilongolela lyakwe. Mwe pe átukunzite,

Filipi 4:3

Niiwe wamwitu, muvhomvi umutungamu, nkukulaavha kuuti, uvhaavwe avhamaayi ivho vhavhili. Nkulaavha vhwevhulo, mwe pe ivho tuhayimvilwaga pooka navho kuliyanjila Izwi iLyinza izya kulipoha. Twámile pooka nu Kelementi na vhavhomvi avhamwitu avhanji, vhe amazina gaavho gasimviilwe mwi ikalaata ilya vhulanzi.

uTiiti 1:2

Kuli izyo, vhakuvha nu vhulanzi uvhwa shiima, mwe pe uMulungu áfinzile kuutupa uvhulanzi uvhwo kufuma lwe insi yishiili kupelwa, nu Mulungu atakuluma ilenga.

Ishitushizya 12:15

Iyoha lihaswila aminzi inza ijenje kufuma mwi ilomu lyakwe, mwisinda ilya mwantanda uyo, inga ijenje ilyo limwisye.

Ishitushizya 13:12

Shihavhombela amaha gonti aga shihanu shiila ishitanzi pa luvhambo lwakwe. Pe shihayilajizya insi na vhonti vhe vhakutendama muumwo kuuti vhashipuute ishihanu ishitanzi, she uvhuvwalale vhwakwe uvhwa kushigoga vhwáponile.

Ishitushizya 17:8

Ishihanu isho she washilola sháali shipuuma ileelo isaala izi shifuuye. Kwe shifume kwi ilivha ilya ku vhuzimu, ileelo uMulungu kwe ashilovwe. Vhe vhakutendama pa nsi vhalisukumila. Mwe muumwo, avhantu vhonti vhe amazina gaavho gatásimviilwe mwi ikalaata ilya vhulanzi, kufuma pe ulwalo ulwa nsi lwávhisiilwe, vhalisukumila. Vhalisukumila lwe vhashilola ishihanu isho she ku vhwandilo sháali shipuuma, havhili shihafwa ni saala izi shazyuha!

Ishitushizya 21:27

Ileelo shonti she shihandamanu te shihinjile muumwo, poosye umuntu wonti we akuvhomba izya kuviisya poosye izya ilenga te ahinjile muumwo. Vhevhaala vhweleele vhe amazina gaavho gasimviilwe mwi ikalaata ilya vhulanzi ilya Hagonzi aha MWENE uMulungu vhe vhaliyinjila.

Ishitushizya 3:10

Mwe pe ulyitisile izwi lyane ilya kuvha nu vhujimbiilizu, niine ndikusunjiilila uheepe mu manda aga vhunanjisu ge gapalamiiye kwinza kuvhalinga avhantu avha mu nsi yonti.

Ishitushizya 3:20

Yeenya, ine nimiliiye ku mulyango nkwiguzya! Umuntu we ayiivwa izwi lyane nu kwigula umulyango, ndiyinjila ku kwakwe, niine ndiilya pooka nawo, woope pooka niine.

Ishitushizya 3:5

Ula we alipoota indingo, alizwala ivizwalo ivizelu inza avheene. Havhili te nkalyefwe izina lyakwe mwi ikalaata ilya vhulanzi, nkandi ndilyitiha pilongolela ilya Taata waane na pilongolela ilya vhahavhizya vhaakwe.

Ishitushizya 5:12

Vhahimba kwi izwi ipiti vhahati, “AHagonzi aha MWENE uMulungu he hávholiilwe hahondeeye kuposheela amaha amasisya nu vhudumbwe, nu vhushindamu uvhwa njeele na maha, nu mushinzi nu vhushindamu ni ntiimo!”

Ishitushizya 5:13

Pe nkiivwa ivipelwa vwonti vwe vili ku mwanya na vwe vili pa nsi na vwe vili ku vhuzimu na vwe vili mwa sumbi vikwimba. Vihatinji, “Uweene we atendiime pa shitengo isha vhumwene, na Hagonzi aha MWENE uMulungu, vhahondeeye kuposheela intiimo, nu mushinzi nu vhushindamu na maha gonti shiima shiima.”

Ishitushizya 6:1

Pe nkalola aHagonzi aha MWENE uMulungu hahavunza ishilemezanyo shooka. Nkiivwa ishipelwa shooka mu viila vine shikuyanga fwe lizwi lye likujilima likuti, “Luvhiilo!”