Ishitushizya 13:16 - ULufingwi uLupwa

¹⁶ Shoope ishihanu isha vhuvhili shihavhalajizya vhonti, avhapiti na vhansi na vhadumbwe na vhapiina na vhazya na vhe te vhazya kuuti vhapelwaje ivimanyilo ku nyoovhe zyavho izya kundiilo poosye pa vweni vwavho.

Tesitamenti Umupwa 1965

¹⁶ Vonti navansi navapiti, navadumbwe navapina, navasatushe navazya, shihahomelezya ukuti vavamatihaje ishimanyilo pamuhono wavo umulilo, pamo pasheni,

Ishitushizya 13:16 ပူးပေါင်းရင်းမြစ်များ

iMbombo izya Vhatumwa 26:22

Ileelo, mwe pe uMulungu anavwizye kufishila isiku ilya ileelo ili, nimiliiye pilongolela ilya vhapiti na vhansi, kufumwa uvhwahoome. Gataliipo amazwi aganji ge nkuyanga, nkandi gegaala ge avhakuvhwi nu Moose vháyanzile, kuuti galifumila.

1 VaKolinti 12:13

Niiswe swenti, tuvhe twe Vhayuuda, poosye te twe Vhayuuda, tuvhe twe vhazya, poosye twe vhasatushe, twózeliilwe nu kumuposheela uMupepo wooka, inga tuvhe umuvhili wooka.

VaGalati 3:28

Ishi pe kutaliipo kusugaana uMuyuuda na we te Muyuuda, nu muzya nu musatushe, nu mwanaavuli nu mwantanda, mwe pe mwenti muli ishintu shooka mwa Chilisiti uYeesu.

VaGalati 6:17

Ishi, nuumo atahantamwe havhili, mwe pe indi na mavhamba mu muvhili waane, inza vwe uYeesu áamile nago.

VaEfeso 6:8

Mumanye kuuti uMwene uYeesu aliimupa ishipeelwa umuntu wonti ku mbombo yaakwe inyinza ye akuvhomba, avhe muzya poosye te muzya.

Kolosi 3:11

Kuli izyo, kutaliipo kusugaana ukwa Muyuuda na we te Muyuuda, kwe kuuti we atahiliilwe na we atatahiliilwe, poosye ukwa mujeni nu muhaaya, poosye ukwa muzya na we te muzya. Ileelo uChilisiti we alunjisiizye zyonti, havhili ali muhati iya vhonti.

2 Timoti 3:8

Avhantu ivho vhe vhakuvhahopenkanya avhantanda, vhakudindanjizya uvhwanalyoli, inza vwe uYaane nu Yambule vhámudindanjiziizye uMoose. Injeele zyavho zinanjisile, havhili vhalulesile ulwitiho.

Ishitushizya 11:18

Avhantu avha kunzi vhávisiitwe, ileelo umulaha wuhakulema. Ahavhaliilizyo hahafiha aha kuvhalonga vhe vháfuuye, na ha kuuvhapa ivipeelwa avhavhomvi vhaaho avhakuvhwi na vhafinjile na vhe vhakulinyila izina lyaho, avhapiti na vhansi. Havhili ahavhaliilizyo hahafiha aha kuvhananganya ivho vhe vhakunanganya insi.”

Ishitushizya 15:2

Nkalola ishintu ngati wu sumbi uwa ilooli, asangiine nu mwoto. Nkavhalola avhantu vhaala vhe vháshipoosite ishihanu shiila ni shiholanyo shaakwe ni mbaazyo iya izina lyakwe. Avhantu ivho vhímiliiye mu luvhazu ulwa sumbi uwa ilooli, vháamile na mapango ge uMulungu ávhapiiye.

Ishitushizya 19:18

Nzaaji! Mulye amavhili aga vhamwene na ga vhapiti vha vhasikaali na vhantu avha maha na ga mfwalaasi na vhe vhakuzilimbila. Nzaaji! Mulye amavhili aga vhantu vhonti, vhe vhazya na vhe te vhazya na vhapiti na vhansi.”

Ishitushizya 19:20

Ileelo we átendiime pa mfwalaasi ahashigoma ishihanu isho pooka nu mukuvhwi waakwe uwa ilenga, we ahavhombaga ivilolesyo pa luvhambo lwakwe. Ku vilolesyo vwakwe ivwo, ávhahopenkiinye vhaala vhe vháamile ni vimanyilo ivwa shihanu isho, na vhe vhahashipuutaga ishiholanyo shaakwe. Ishihanu isho pooka nu mukuvhwi uyo vhahasumbwa vhonti vhavhili, she vhapuuma mwa sumbi we akwaha umwoto uwa mbaluuti.

Ishitushizya 19:5

Pe izwi lihafuma ku shitengo isha vhumwene lihati, “Mumutiime uMulungu wiitu, mwe vhavhomvi vhwakwe vhonti, mwenti mwe mukumunyila, mwe vhapiti na mwe vhansi.”

Ishitushizya 20:12

Pe nkavhalola avhafwe, avhapiti na vhansi, vhimiliiye pilongolela ilya shitengo isha vhumwene, amakalaata gahagubulwa. Havhili ikalaata ilyamwavho ilya vhulanzi lyope lihagubulwa. Pe uMulungu ahavhalonga avhafwe kulandatana nu lujendo lwavho, inza vwe lwásimviilwe mu makalaata igo.

Ishitushizya 20:4

Pe nkalola ivitengo ivwa vhumwene na vhe vhavitendamiiye, avhantu ivho vhahapeelwa amaha aga vhulonzi. Havhili nkalola impepo izya vhaala vhe vhávholiilwe kuzya kufumwa uvhwahoome uvhwa Yeesu na kuzya kulyitiha izwi ilya Mulungu. Ivha vhatáshipuusite ishihanu shiila ni shiholanyo shaakwe, poosye kuposheela ivimanyilo pa vweni vwavho, poosye pa nyoovhe zyavho. Vhahazyuha havhili, vhahakonzya pooka nu Chilisiti ku maaha 1,000.

Ishitushizya 6:15

Pe avhamwene avha mu nsi na vhapiti vha vhasikaali na vhapiti avhamwavho na vhadumbwe na vha maha na vhazya vhonti na vhe te vhazya vhonti, vhahazyihama mu mashembo na pansi mu mavhwe aga magamba.

Ishitushizya 7:3

ahati, “Mutahayinanganye insi, poosye usumbi, poosye amakwi, kufishila lwe twavhalemezanya ishilemezanyo avhavhomvi avha Mulungu wiitu pa vweni vwavho.”