Ishitushizya 13:15 - ULufingwi uLupwa

¹⁵ Ishihanu isha vhuvhili shihapeelwa amaha aga kupuutila umwuyu mu shiholanyo shiila isha shihanu ishitanzi, inga ishiholanyo isho shiyanje. Havhili ishiholanyo isho shivhagoje vhonti vhe vhatakushipuuta.

Tesitamenti Umupwa 1965

¹⁵ Havili shapelilwe ukushipʼishiholanyo sha shintu shila umwuyu, ukuti ishiholanyo shila isha shintu shiyangaje, havili ukuti shivapelelaje ukufwa vonti avasitakukupama nukuputa kushiholanyo sha shintu.

Ishitushizya 13:15 ပူးပေါင်းရင်းမြစ်များ

Yakobu 2:26

Kwe kuuti inza vwe umuvhili ishisita umwuyu wukuvha wufuuye, lwope ulwitiho ishisita imbombo inyinza lukuvha lufuuye.

Ishitushizya 13:1

Nkalola ishihanu shikufuma mwa sumbi, ishihanu isho sháamile ni mpembe 10 na matwe 7. Havhili mu mpembe zyakwe sházwaye ivipambwi 10 ivwa vhumwene na mu matwe gaakwe mwámile amazina aga musaamu.

Ishitushizya 13:12

Shihavhombela amaha gonti aga shihanu shiila ishitanzi pa luvhambo lwakwe. Pe shihayilajizya insi na vhonti vhe vhakutendama muumwo kuuti vhashipuute ishihanu ishitanzi, she uvhuvwalale vhwakwe uvhwa kushigoga vhwáponile.

Ishitushizya 13:14

Shihavhahopenkanya vhaala vhe vhakutendama pa nsi, ku vilolesyo viila vwe shápeliilwe kuvivhomba pa luvhambo ulwa shihanu shiila ishitanzi. Shihavhalajizya kuuti vhashigombele ishiholanyo isha shihanu isho, she sháali nu vhuvwalale uvhwa ipanga ileelo shihavha shipuuma.

Ishitushizya 14:11

Ilyosi ilya mwoto we wulivhoosha liliizuvha ku mwanya shiima shiima. Vhatalituuzya uvhusiku, poosye umusanya, ivho vhe vhakushipuuta ishihanu isho ni shiholanyo shaakwe na vhe vhakushiposheela ishimanyilo isha izina lyakwe.”

Ishitushizya 14:9

Uhavhizya uwamwavho uwa vhutatu ahalandata. Ahayanga kwi izwi ipiti kuuti, “Umuntu wonti we alishipuuta ishihanu ishitanzi ni shiholanyo shaakwe, nu kuposheela ishimanyilo pa sheeni shaakwe, poosye ku nyoovhe yaakwe,

Ishitushizya 16:2

Pe uhavhizya umutanzi ahasogola, ahiitila vwe vwáli mu luvhiga lwakwe pa nsi. Amapumba amavhiivhi havhili ge gakuvhavha nkaani, gahavhalema vhonti vhe vháamile ni shimanyilo isha shihanu shiila na vhaala vhe vhahashipuutaga ishiholanyo shaakwe.

Ishitushizya 16:5

Pe nkiivwa uhavhizya umwimiilizi uwa minzi akuti, “We Mufinjile, we uliipo na we wáliipo! Iwe we mugolosu, mwe pe walonga izi.

Ishitushizya 17:14

Vhaliilwa uvhulugu na Hagonzi aha MWENE uMulungu, ileelo aHagonzi aha MWENE uMulungu halivhapoota, mwe pe aheene he Hapiti aha vhapiti havhili he Hamwene aha vhamwene. Aheene haliivha na vhantu vhaakwe vhe hahavhiita nu kuvhasaavhula nu kuvhavhiiha kuvha vhalandati vhaakwe avhatungamu.”

Ishitushizya 17:17

Ziliivha vhwevhulo, mwe pe uMulungu avhapiiye avhamwene ivho insiivho zyoka mu mooyo gaavho, kuushipa ishihanu shiila amaha gaavho aga kukonzya. Vhalivhomba vhwevhulo kufishila lwe ziila zye áyanzile uMulungu zyalunjiha.

Ishitushizya 17:6

Nkalola umwantanda uyo ahoziilwe amavhanda aga vhafinjile avha Mulungu na mavhanda aga vhantu vhe vhahamuhomeshezyaga uYeesu. Lwe namulola, násukumiiye nkaani.

Ishitushizya 18:20

Seshelaaji imwe mwanya, kuzya vhunanjisu vhwakwe! Seshelaaji mwe vhafinjile, mwe vhatumwa na mwe vhakuvhwi! Mwe pe uMulungu ayilonga ku ziila zye yivhavhombeeye imwe!”

Ishitushizya 18:24

UMulungu áyisunzite inkaaya iyo, mwe pe mu kwakwe mwámile amavhanda aga vhakuvhwi na ga vhafinjile na ga vhantu vhonti, vhe avhalugu avha Mulungu vhávhagozile mu nsi.”

Ishitushizya 19:20

Ileelo we átendiime pa mfwalaasi ahashigoma ishihanu isho pooka nu mukuvhwi waakwe uwa ilenga, we ahavhombaga ivilolesyo pa luvhambo lwakwe. Ku vilolesyo vwakwe ivwo, ávhahopenkiinye vhaala vhe vháamile ni vimanyilo ivwa shihanu isho, na vhe vhahashipuutaga ishiholanyo shaakwe. Ishihanu isho pooka nu mukuvhwi uyo vhahasumbwa vhonti vhavhili, she vhapuuma mwa sumbi we akwaha umwoto uwa mbaluuti.

Ishitushizya 20:4

Pe nkalola ivitengo ivwa vhumwene na vhe vhavitendamiiye, avhantu ivho vhahapeelwa amaha aga vhulonzi. Havhili nkalola impepo izya vhaala vhe vhávholiilwe kuzya kufumwa uvhwahoome uvhwa Yeesu na kuzya kulyitiha izwi ilya Mulungu. Ivha vhatáshipuusite ishihanu shiila ni shiholanyo shaakwe, poosye kuposheela ivimanyilo pa vweni vwavho, poosye pa nyoovhe zyavho. Vhahazyuha havhili, vhahakonzya pooka nu Chilisiti ku maaha 1,000.