Ishitushizya 12:9 - ULufingwi uLupwa

⁹ UMikayeeli na vhahavhizya vhaakwe vhahalisumbila pa nsi iyoha ilyo pooka na vhahavhizya vhaakwe. Iyoha ilyo ye njoha iya hali, ye wu Mukwalanzi nu Seetano, we akuyihopela insi yonti.

Tesitamenti Umupwa 1965

⁹ Pe yihatagwa injoha isikisiki, ye njohʼinkali ye yikwitwa ilya Mukwalanzi nilya Setano, ye yikutezyʼinsi yonti mwe vazenzilʼavantu. Ahatagwa pe pansi, vope navahavizya vakwe vahagwa poka nawo.

Ishitushizya 12:9 ပူးပေါင်းရင်းမြစ်များ

Matayi 13:39

Umulugu we ávhwaye indezye, wu mukwalanzi. Kuvuna, lisiku ilya kumpeleela ilya vhulonzi uvhwa nsi. Vhe vhakuvuna vhe vhahavhizya.

Matayi 24:24

Yeenya, vhalifumila avhantu vhe vhakuluma ilenga kuuti, ine ne Chilisiti nu kuuti ne mukuvhwi. Vhalivhomba ivilolesyo ivipiti havhili ivwa kusukumizya, inga vhavhahopenkanye avhantu, inga zingavha poosye na vhasaavhulwa avha Mulungu.

Matayi 25:41

“Pe vhoope vhe vhali ku luvhazu lwane ulwa kumongo ndivhavhuuzya ndiiti, ‘Yeepi ipa imwe mwe mutifiilwe! Mwinjile mu mwoto uwa shiima we uMulungu ámusenganiziinye uMukwalanzi na vhahavhizya vhaakwe.

Matayi 4:1

Pe uMupepo uMufinjile ahamulongola uYeesu kusogola mu luugwa, inga uMukwalanzi amulinje.

Matayi 4:10

UYeesu woope ahamwamula ahati, “Yeepa ipa, we Seetano! Yisimviilwe mu Vhusimbe uVhufinjile kuuti, ‘Umupuutaje uMWENE waaho uMulungu weeka, havhili, umuvhombelaje wuuyo weeka vhweleele.’”

Matayi 4:5

Pe uMukwalanzi ahamutwala uYeesu pa nkaaya imfinjile iya Yelusaleemu, ahamuvhiiha pamwanya nkaani pa Nyumba iMfinjile.

Matayi 4:8

Pe uMukwalanzi ahamutwala uYeesu pi igamba pamwanya nkaani, ahamulanga uvhumwene vhwonti uvhwa mu nsi zyonti pooka nu vhushindamu vhwakwe,

uLuuka 10:18

UYeesu ahavhavhuuzya ahati, “Namulolaga uSeetano akugwa ngati lumesyo ulwa mvula intalala kufuma ku mwanya.

uLuuka 13:16

Ishi umwantanda uno, uwa mu luho ulwa Aabulahamu, we amaaha 18 aakunziilwe nu Seetano, atahondeeye kuuti asatulwe pi isiku ilya Sabaato?”

uLuuka 22:3

USeetano ahamwinjila uYuuda, we vhahatinji uwa ku Kaalyoti. Umuntu uno áamile wooka mu vhasundikwa avha Yeesu 12.

uLuuka 22:31

UYeesu ahati, “Siimoni, Siimoni! Umanye ahinza kuuti uSeetano amulaavile uMulungu nu kwitishilwa kuvhalinga imwe, inza uhavuna uwa ngana vwe akupementa ingana yaakwe.

uLuuka 8:12

Imbeyu zye zyágwiliiye pa luvhazu pi idala, shiholanyo isha vhantu vhe vhakwivwa izwi ilya Mulungu, ileelo ahavhaliilizyo hanaaho, uMukwalanzi akwinza nu kwefwa izwi ilyo mu mooyo gaavho, inga vhatahinze vhiitishe nu kupokwa.

Yohani 12:31

Ishi ahavhaliilizyo haafiha aha Mulungu kuvhalonga avhantu avha mu nsi umu, havhili aha kumusumba kunzi uSeetano we mupiti uwa nsi ino.

Yohani 14:30

Te njanje niimwe ahavhaliilizyo ahatali, mwe pe umupiti uwa nsi, kwe kuuti uSeetano akwinza, ileelo atali na maha kuli ine.

Yohani 16:11

Alivhalolesyaga kuuti uMulungu alivhalonga, mwe pe amulonzile uSeetano we mupiti wa vhatalamalandu mu nsi.

Yohani 8:44

Imwe utaata wiinyu wu Mukwalanzi. Havhili mukwanza kuvhomba zye utaata wiinyu uyo akwanza. USeetano mugozi kufuma hali, havhili atakwanza kuvhulandata uvhwanalyoli, mwe pe uvhwanalyoli vhutali mu mwoyo waakwe. Uweene kuluma ilenga, we mwata waakwe, mwe pe uweene ali ni ilenga, havhili wu taata uwa vhe vhakuluma ilenga vhonti.

iMbombo izya Vhatumwa 26:18

uvhiigule aminso gaavho, vheepe mu shiisi na mu maha aga Mukwalanzi, vhinjile mu vhuzelu uvhwa Mulungu. Ipo pe vhaliswilwa uvhutalamalandu vhwavho, havhili vhaliivha pooka na vhanji vhonti vhe vhavhisiilwe kuvha vhafinjile kwi idala ilya kuniitiha ine.’”

iMbombo izya Vhatumwa 5:3

Ileelo uPeeteli ahamuvhuuzya ahati, “Ananiya! Shooni she waaleha uSeetano ayinjila mu mwoyo waaho? Wafishila kumulumila ilenga uMupepo uMufinjile, wazyiha impiiya zimo zye uposheleeye mu mugunda waaho.

VaLoma 16:18

Nalyoli avhantu inza ivho vhatakumuvhombela uMwene wiitu uChilisiti, vhakuvhomba ku nsiivho iya kulondola ivintu ivwa kulya vhuuvho. Ku vhuhopenkanyi vhwavho, vhakuyanga amazwi aminza aga kuvhahondezya, fwandi vhakuvhahopenkanya avhantu avha lwitiho uluyeyevhazu.

VaLoma 16:20

Ishi, uMulungu we akuutupa uvhutehamu alimutinzanya uSeetano nu kuuvhapa imwe amaha aga kumupoota. UMwene wiitu uYeesu Chilisiti avhafwilaje uvhwila.

2 VaKolinti 11:14

Kuli ilyo tutakusukumila, mwe pe woope uSeetano wuuyo akuyigalulanya kuvha ngati wu havhizya uwa vhuzelu.

2 VaKolinti 11:3

Ileelo ishi nkwogopa kuuti inza uEeva vwe áhopeliilwe ni njoha yiila, niimwe mutahinze muhopelwe, muvhuleshe uvhugolosu na mooyo giinyu amazelu kwa Chilisiti.

2 VaKolinti 12:7

Ileelo inga ntahayitumvwe nkaani kuzya kusukumizya inyinji zye uMwene uYeesu ándolesiizye, nápeliilwe amayimba mu muvhili waane ge gali inza ilyimvwa. Amayimba igo gáfumile kwa havhizya uwa Seetano, átumiilwe inga anjimvwe, inga ndeshe kuyitumvwa nkaani.

2 VaKolinti 2:11

Mbomvile vhwevhulo, inga uSeetano atahinze atupoote, mwe pe tumumanyile uvhushevu vhwakwe.

2 VaKolinti 4:4

Litamanyisile kuli ivho, mwe pe uSeetano we wu mulungu uwa nsi ino, agubishiiye injeele izya vhantu vhe vhatamwitisile uChilisiti, inga vhapotwaje kuvhulola uvhuzelu uvhwa Izwi iLyinza ilya vhushindamu uvhwa Chilisiti, we shiholanyo isha Mulungu.

VaEfeso 4:14

Pe te tuhaavhe inza avhaana, vhe vhali inza ivhooti lye amavhilingwa ni nkungu vikulipempenusya uku nuukwo. Kwe kuuti, avhasambiilizi avha ilenga te vhahatulunzaanye ku vhushevu ni ilenga lyavho.

2 VaTesaloniki 2:3

Mutahiitishe umuntu wonti kuvhahopenkanya ku lyonti, mwe pe isiku ilyo te lihaafishe suuti, she zishiili insiku ziila lwe avhantu avhinji vhalisambuha nkaani kwa Mulungu, havhili lwe uMusambusu ula aloleha. Uyo we ahavhaliilizyo aha kumpeleela uMwene uYeesu alimulovwa nziila.

1 Timoti 2:14

Havhili, te wu Aadamu we áhopenkiinywe, nkandi uEeva we áhopenkiinywe, ahavha mutalamalandu.

2 Timoti 3:13

Ileelo avhantu ivho avhavhiivhi, havhili vhe vhakuhopela, kwe vhajendeelele kuvha vhavhiivhi nkaani. Kwe vhahopenkanyaaje, ileelo vhoope kwe vhahopenkanywaje.

VaHebuli 2:14

Mwe pe avhaana ivho vhali na mavhili na mavhanda, woope uYeesu áyinzile nu muvhili na mavhanda inza avheene. Ávhomvile vhwevhulo, inga kwi idala ilya vhufwe vhwakwe agapoote amaha aga Mukwalanzi we ali na maha aga kuleeta uvhufwe.

1 Peteli 5:8

Muyikonzyaje nu kuvha minso ahavhaliilizyo honti, mwe pe umulugu wiinyu uMukwalanzi akuzyunguula uku nuukwo inza insama ye yikulondola umuntu, inga yiimulye.

1 Yohani 5:19

Tumanyile kuuti, iswe swe vhaana vha Mulungu, nu kuuti, avhantu avhanji vhonti, vhe vhatakumushindiha uMulungu, uMuvhiivhi ula akuvhakonzya.

uYuuda 1:9

Ileelo poosye uhavhizya umupiti uMikayeeli, lwe akutumvanya nu Mukwalanzi nu kuvhuzilizanya nawo kuzya muvhili uwa Moose, atálinzile kumulonjeelela ku lukwinkwino. Ileelo áshindisile amaha aga Mulungu, átili, “UMWENE uMulungu wuuyo akupilile!”

Ishitushizya 12:12

Ishi pe seshelaaji, imwe mwe mwanya, na mwe mukutendama muumwo! Yasheela insi nu sumbi! Mwe pe uMukwalanzi ayiisile kuli imwe nu mulaha umupiti nkaani, amanyile kuuti ali na havhaliilizyo hansi vhweleele.”

Ishitushizya 12:3

Havhili nkalola ishilolesyo ishamwavho ku mwanya: Páamile iyoha ipiti ishemamu. Iyoha ilyo lyámile na matwe 7 ni mpembe 10, havhili mu matwe gaakwe mwámile ivipambwi 7 ivwa vhumwene.

Ishitushizya 12:7

Pe kuhavha uvhulugu ku mwanya. UMikayeeli na vhahavhizya vhaakwe vhahalwa ni iyoha liila, lyope lihalwa navho pooka na vhahavhizya vhaakwe.

Ishitushizya 12:8

Ileelo iyoha ilyo na vhahavhizya vhaakwe vháposiitwe, havhili pa vhuyo vhwavho patálolesile ku mwanya.

Ishitushizya 13:14

Shihavhahopenkanya vhaala vhe vhakutendama pa nsi, ku vilolesyo viila vwe shápeliilwe kuvivhomba pa luvhambo ulwa shihanu shiila ishitanzi. Shihavhalajizya kuuti vhashigombele ishiholanyo isha shihanu isho, she sháali nu vhuvwalale uvhwa ipanga ileelo shihavha shipuuma.

Ishitushizya 16:14

Izyo zye mpepo izya gaseetano zye zikuvhomba ivilolesyo. Zye zila zye zikusogola ku vhamwene avha nsi zyonti kuvhavhungaaniha pooka kuzya vhulugu, isiku liila ipiti lye uMulungu uwa Maha Gonti alivhalonga avhantu vhonti.

Ishitushizya 18:2

Ahahoola kwi izwi ipiti ahati, “Aguuye! UBabeeli aguuye, inkaaya yiila ye mpiti! Ishi avha vhutendamo uvhwa gaseetano ni mpepo inkandamanu, havhili avha vhutendamo uvhwa nyunyi inkandamanu zyonti zye zikuviisya.

Ishitushizya 18:23

Uvhuzelu uvhwa nyaale te vhuhaloleshe havhili kuli iwe, poosye amazwi aga we akwimala na we akwimalwa, te gahivwishe naalumo kuli iwe, mwe pe avhavhomvi vhaaho avha kutaanania vháamile vhapiti mu nsi zyonti. Havhili ku vhulozi vhwaho insi zyonti zyápuvile!

Ishitushizya 19:20

Ileelo we átendiime pa mfwalaasi ahashigoma ishihanu isho pooka nu mukuvhwi waakwe uwa ilenga, we ahavhombaga ivilolesyo pa luvhambo lwakwe. Ku vilolesyo vwakwe ivwo, ávhahopenkiinye vhaala vhe vháamile ni vimanyilo ivwa shihanu isho, na vhe vhahashipuutaga ishiholanyo shaakwe. Ishihanu isho pooka nu mukuvhwi uyo vhahasumbwa vhonti vhavhili, she vhapuuma mwa sumbi we akwaha umwoto uwa mbaluuti.

Ishitushizya 2:13

Mpamanyile pe ukutendama, pe pa shinamwene isha Seetano. Niiwe ukulyitiha izina lyane havhili utahaluhaana ulwitiho lwane, poosye mu havhaliilizyo aha hoome waane umutungamu uAntipa. Uweene we avhantu vhámugozile kuli imwe paala pe uSeetano akutendama.

Ishitushizya 2:24

Ileelo muli imwe ku Tiyatiila ukwo, kuli vhamo vhe vhatakuzilandata insambiilizyo izya Yezebeeli. Havhili vhatakusambiilila insambiilizyo izyo zye avhanji vhakuti insambiilizyo inkondezu nkaani, ileelo zya Mukwalanzi. Avhantu ivho nkuvhavhuuzya kuuti, te nkavhatwishe umuligo umumwamu havhili,

Ishitushizya 2:9

Ngamanyile amayimba gaaho nu vhupiina vhwaho, ileelo nalyoli we dumbwe. Mbumanyile nu musaamu waavho vhe vhakuyitaha kuuti Vhayuuda, fwandi haa, ileelo vha mwi isinagoogi ilya Seetano.

Ishitushizya 20:10

Woope uMukwalanzi we ahavhahopenkanyaaga, alisumbilwa mwa sumbi we akwaha umwoto uwa mbaluuti. Umwo mwe shili ishihanu shiila nu mukuvhwi ula uwa ilenga, vhoope vhaliyimvilwa uvhusiku nu musanya, shiima shiima.

Ishitushizya 20:8

Pe aliifuma panzi, alitaliha kuvhahopenkanya avhantu vhonti vhe vhasaasite mu nsi zyonti, kwe kuuti iGogu ni Magogu. UMukwalanzi alivhavhungaaniha pooka aVhagogu na Vhamagogu kuzya vhulugu, vhoope vhaliivha vhinji fwe lusenga ulwa mu luvhazu ulwa sumbi.

Ishitushizya 3:9

Yeenyi, ndivhaleetela imwe avha mwi isinagoogi ilya Seetano vhe vhakuyitaha kuuti Vhayuuda, ileelo lilenga. Ndivhapela vhinze kukusugamilila nu kumanya kuuti nkukunzite.

Ishitushizya 9:1

Woope uhavhizya uwa vhusaano ahahoma isaji lyakwe, nkalola uluzota lwe lwáfumile ku mwanya, luguuye pansi, lwope luhapeelwa ishigulilo isha ilivha ilya ku vhuzimu.

Ishitushizya 9:20

Avhantu vhe vhásyaye, vhe vhatáfuuye ku mfwa izyo, vhahahaana kupinduha kuzya mbiivhi zyavho. Vhatahapinduha kuzya kuvhasugamilila avhaseetano ni viholanyo ivwa sahaabu ni vwa mpiiya ni vwa shaaba ni vwa mavhwe ni vwa makwi. Iviholanyo ivwo vwe vitangaalola, poosye kwivwa, poosye kujenda.