Ishitushizya 12:5 - ULufingwi uLupwa

⁵ Pe umwantanda ula ahapaapa umwana umwanaavuli, we alivhakonzya avhantu avha mu nsi zyonti ku ndiisa iya shijela. Umwana waakwe ahanyatulwa kusogola kwa Mulungu, na ku shitengo shaakwe isha vhumwene.

Tesitamenti Umupwa 1965

⁵ Pʼahapapʼumwanʼumwanaṿuli uwa kuvadima ava munsi zyonti nindisa ya shijela. Pʼumwana wakwe ahasompolwa nukuvikwa kuminso ga Mulungu nakushitengo shakwe isha vumwene.

Ishitushizya 12:5 ပူးပေါင်းရင်းမြစ်များ

Matayi 1:25

Ileelo vhatámanyiine fwe vhantu vhe vhimaliine kufishila ahavhaliilizyo he uMaliiya ahapaapa umwana uyo. Pe uYoosefu ahamwita izina ilya Yeesu.

Maliko 16:19

Pe lwe ayanga navho, uMwene Yeesu ahanyatulwa kusogola ku mwanya, ahatendama ku luvhazu ulwa kundiilo ulwa Mulungu pa vhushindamu uvhupiti nkaani.

2 VaKolinti 12:2

Imumanyile umuntu wooka umulandati uwa Chilisiti, we amaaha 14 ge gatuuha, ányatuliilwe kusogola ku mwanya, ahafiha ku mwanya iya vhutatu. Lwe akunyatulwa, ntámanyile kuuti pamo áali nu muvhili uno, poosye kuuti pamo atáali nu muvhili uno, ileelo uMulungu we amanyile.

2 VaKolinti 12:4

Imanyile kuuti ányatuliilwe kusogola ku Paladiiso. Ukwo ahiivwa amazwi aga kusukumizya nkaani ge umuntu atangayanga, havhili atakwitishilwa kugayanga.

Ishitushizya 11:12

Pe avhakuvhwi vhavhili vhaala vhahiivwa izwi ipiti kufuma ku mwanya likuvhavhuuzya kuuti, “Zuvhi uku!” Vhoope vhahazuvha ku mwanya mwi ivhingo, she avhalugu vhaavho vhakuvheenya.

Ishitushizya 12:13

Pe iyoha ilyo lwe lyalola kuuti vhalisumba pa nsi, lihamulandata umwantanda we ámupaafile umwana umwanaavuli.

Ishitushizya 12:2

Umwantanda uyo áamile pa vhumwamu, ahakuutaga, ahavhavhwaga uvhuvhaavi uvhwa kupaapa.

Ishitushizya 19:15

Ipanga ihozu likufumaga mwi ilomu lyakwe na kwi ipanga ilyo alivhapoota avhantu avha mu nsi zyonti. “Uweene we alivhakonzya ku ndiisa iya shijela” nu kusuusa idivaayi inkali mu shiliilo isha kusuusila amampensya. Ishiliilo isho sha vhuhalazu uvhupiti uvhwa Mulungu uweene uwa Maha Gonti.