Ishitushizya 12:4 - ULufingwi uLupwa

⁴ Ulusinda lwakwe luhakwesa ishigavho shooka pa vigavho vitatu ivwa nzota izya kumwanya, nu kuzigwisya pa nsi. Iyoha ilyo lihimiilila pilongolela ilya mwantanda ula we akwanza kupaapa, kuuti inga lwe apaapa, liimulye umwana waakwe.

Tesitamenti Umupwa 1965

⁴ Ulusinda lwakwe luhakwesagʼinzota zya kumwanya ishigavo shoka paṿitatu, luhazitaga pansi. Injoha yiyo isikisiki yihimilila ukulungamana numwantanda, ukuti ingʼakupapʼumwana wakwe yimumilaje.

Ishitushizya 12:4 ပူးပေါင်းရင်းမြစ်များ

Yohani 8:44

Imwe utaata wiinyu wu Mukwalanzi. Havhili mukwanza kuvhomba zye utaata wiinyu uyo akwanza. USeetano mugozi kufuma hali, havhili atakwanza kuvhulandata uvhwanalyoli, mwe pe uvhwanalyoli vhutali mu mwoyo waakwe. Uweene kuluma ilenga, we mwata waakwe, mwe pe uweene ali ni ilenga, havhili wu taata uwa vhe vhakuluma ilenga vhonti.

1 Peteli 5:8

Muyikonzyaje nu kuvha minso ahavhaliilizyo honti, mwe pe umulugu wiinyu uMukwalanzi akuzyunguula uku nuukwo inza insama ye yikulondola umuntu, inga yiimulye.

Ishitushizya 12:7

Pe kuhavha uvhulugu ku mwanya. UMikayeeli na vhahavhizya vhaakwe vhahalwa ni iyoha liila, lyope lihalwa navho pooka na vhahavhizya vhaakwe.

Ishitushizya 12:9

UMikayeeli na vhahavhizya vhaakwe vhahalisumbila pa nsi iyoha ilyo pooka na vhahavhizya vhaakwe. Iyoha ilyo ye njoha iya hali, ye wu Mukwalanzi nu Seetano, we akuyihopela insi yonti.

Ishitushizya 13:2

Ishihanu isho she náshivhwenyi sháamile ngati nzoowe, ivinama vwakwe vwámile ngati vinama vwa shihanu she vhakuti uduubu, ilomu lyakwe lyámile ngati lilomu lya nsama. Iyoha ilyo lihaashipa amaha gaakwe ni shitengo shaakwe isha vhumwene na maha amasisya.

Ishitushizya 13:4

Avhantu vhonti vhahalipuuta iyoha ilyo, mwe pe lyáshipiiye ishihanu isho amaha gaakwe, havhili vhahashipuuta ishihanu isho, vhahati, “Wu naanu we aholiine ni shihanu ishi? Havhili wu naanu we angaalwa uvhulugu nasho?”

Ishitushizya 16:13

Pe nkalola impepo inkandamanu zitatu zye zili ngati vhe vhachuula. Impepo izyo zikufuma mwi ilomu ilya iyoha ilyo na mwi ilomu ilya shihanu shiila ishitanzi na mwi ilomu ilya shihanu shiila isha vhuvhili she mukuvhwi uwa ilenga.

Ishitushizya 17:18

Umwantanda we umuvhwenyi, ye nkaaya yiila impiti ye yikuvhakonzya avhamwene avha nsi zyonti.”

Ishitushizya 20:2

Ahalilema iyoha ilyo, injoha iya hali, ye wu Mukwalanzi, poosye wu Seetano, ahalikunga ku havhaliilizyo aha maaha 1,000.

Ishitushizya 8:10

Woope uhavhizya uwa vhutatu ahahoma isaji lyakwe. Panaapo uluzota ulupiti luhagwa kufuma kumwanya. Luhaahaga inza inyaale, luhagwila ishigavho shooka pa vigavho vitatu ivwa majenje, ni shigavho shooka pa vigavho vitatu ivwa viduda ivwa minzi.

Ishitushizya 8:11

Izina ilya luzota ulwo vhahatinji, “ULuhali.” Pe ishigavho shooka pa vigavho vitatu ivwa minzi shihagalunkana kuvha shihali. Avhantu avhinji vhahafwa ku minzi igo, mwe pe gínzile gavha mahali nkaani.

Ishitushizya 8:12

Woope uhavhizya uwa vhune ahahoma isaji lyakwe, ishigavho shooka pa vigavho vitatu ivwa mwezi ni shigavho shooka pa vigavho vitatu ivwa nzota vihahomwa, inga ivigavho ivwo vivhiishe ishiisi. Pe umusanya wutálamwizye ku shigavho shooka pa vigavho vitatu pooka nu vhusiku vhweleele.

Ishitushizya 8:7

Pe uhavhizya umutanzi ahahoma isaji lyakwe, kuhavha imvula iya mavhwe nu mwoto vwe visangiine na mavhanda, vihasumbwa pa nsi. Pe ishigavho shooka pa vigavho vitatu ivwa nsi shihananjiha, ishigavho shooka pa vigavho vitatu ivwa makwi shihananjiha na masole amoolo gonti gahananjiha.

Ishitushizya 8:8

Woope uhavhizya uwa vhuvhili ahahoma isaji lyakwe, ishintu she shili fwe ligamba ipiti lye likwaha umwoto, shihasumbilwa mwa sumbi. Pe ishigavho shooka pa vigavho vitatu ivwa sumbi shihavha mavhanda.

Ishitushizya 8:9

Vihafwa ishigavho shooka pa vigavho vitatu mu vipelwa vwe vili nu vhupuuma, vwe vili mwa sumbi, havhili ishigavho shooka pa vigavho vitatu ivwa meeli izya mwa sumbi shihananjiha.

Ishitushizya 9:10

Vháamile ni nsinda ngati zya nkoonya na mimvwa, mu nsinda izyo mwámile amaha aga kuvhavwalazya avhantu ku havhaliilizyo aha meezi gasaano.

Ishitushizya 9:19

Amaha aga mfwalaasi izyo gáamile mu malomu gaavho na mu nsinda zyavho, mwe insinda zyavho zyáli ngati njoha, havhili zyáli na matwe, zyope zye zihavhavwalazyaga avhantu.