Ishitushizya 12:17 - ULufingwi uLupwa

¹⁷ Pe iyoha lihamuviitilwa nkaani umwantanda ula, liheepa nu kusogola kulwa uvhulugu na vhaana vhe vhásyaye avha mwantanda ula. Avhaana ivho vhe vhala vhe vhakuzilema indajizyo izya Mulungu nu kufumwa uvhwahoome uvhwa Yeesu Chilisiti.

Tesitamenti Umupwa 1965

¹⁷ Pʼinjoha isikisiki yihamuṿitililwa nkani umwantanda, yihavalʼukulwʼuvulugu navamwavo ve vasyaye ava mbeyu yakwe, ve vazisajiye indajizyo zya Mulungu nave vali nuvwahome vwa Yesu.

Ishitushizya 12:17 ပူးပေါင်းရင်းမြစ်များ

Matayi 28:20

nu kuvhasambiilizya kulandata zyonti zye mbalajiziizye imwe. Niine kwe mbe pooka niimwe amanda gonti, kufishila ku vhusililishilo uvhwa nsi.”

Yohani 8:44

Imwe utaata wiinyu wu Mukwalanzi. Havhili mukwanza kuvhomba zye utaata wiinyu uyo akwanza. USeetano mugozi kufuma hali, havhili atakwanza kuvhulandata uvhwanalyoli, mwe pe uvhwanalyoli vhutali mu mwoyo waakwe. Uweene kuluma ilenga, we mwata waakwe, mwe pe uweene ali ni ilenga, havhili wu taata uwa vhe vhakuluma ilenga vhonti.

1 VaKolinti 2:1

Vhamwitu, lwe nínzile kuli imwe ntahakumusyaga intumi iya Mulungu ye yáali ya vhuzigizigi, inga ndoleshe kuuti ine indi na hayanjile ahinza, poosye kuyilolesya kuuti indi nu vhushindamu uvhwa njeele.

1 Peteli 5:8

Muyikonzyaje nu kuvha minso ahavhaliilizyo honti, mwe pe umulugu wiinyu uMukwalanzi akuzyunguula uku nuukwo inza insama ye yikulondola umuntu, inga yiimulye.

1 Yohani 2:3

Inga tukuzishindiha indajizyo izya Mulungu, pe tukuvha nu vhwanalyoli kuuti tumumanyile.

1 Yohani 5:10

Umuntu we akumwitiha uMwana wa Mulungu, ayitisile kuuti uvhwahoome uvhwo vhwa nalyoli. Ileelo we atakumwitiha uMulungu, akumuvhiiha uMulungu kuuti ali ni ilenga, mwe pe atavhwitisile uvhwahoome vhwe uMulungu avhufumwizye kuzya Mwana waakwe.

1 Yohani 5:2

Vwe zili niiswe, tumanyile kuuti tuvhakunzite avhaana avha Mulungu, kwi idala ilya kumukunda uMulungu, nu kuzishindiha indajizyo zyakwe.

Ishitushizya 1:2

Pe woope uYoohani ahahomeshezya zyonti zye ázivhwenyi, zye lizwi lya Mulungu nu vhwahoome uvhwa Yeesu Chilisiti.

Ishitushizya 1:9

Ine ne Yoohani, ne wamwinyu havhili ne indi pooka niimwe, kuzya kumulandata uYeesu Chilisiti mu mayimba na mu vhumwene na mu vhujimbiilizu. Nákunziilwe mu nsi inyuumu, ye vhakuti Paatimo ye yáamile pahati pa sumbi, kuzya mayimba. Amayimba igo gáfumiliine nu kulumbiilila izwi ilya Mulungu, nu kufumwa uvhwahoome uvhwa Yeesu Chilisiti.

Ishitushizya 11:7

Lwe vhaamala kufumwa uvhwahoome vhwavho, ishihanu she shikufuma kwi ilivha ilya ku vhuzimu shiliilwa navho, shoope shilivhapoota nu kuvhagoga.

Ishitushizya 12:16

Ileelo insi yihamwavwa umwantanda, yihaasama ilomu lyakwe, yihalimila ijenje liila lye lyáfumile mwi ilomu ilya iyoha ilyo.

Ishitushizya 13:7

Havhili shihitishilwa kulwa na vhafinjile nu kuvhapoota. Shihapeelwa amaha ku nkolo zyonti na ku mpuga zyonti na ku njango zyonti na ku nsi zyonti.

Ishitushizya 14:12

Kuli izyo, pe yikwanzilwa avhafinjile, avhantu vhaala vhe vhakuzilandata indajizyo izya Mulungu nu kumwitiha uYeesu, vhavhe nu vhujimbiilizu.

Ishitushizya 17:14

Vhaliilwa uvhulugu na Hagonzi aha MWENE uMulungu, ileelo aHagonzi aha MWENE uMulungu halivhapoota, mwe pe aheene he Hapiti aha vhapiti havhili he Hamwene aha vhamwene. Aheene haliivha na vhantu vhaakwe vhe hahavhiita nu kuvhasaavhula nu kuvhavhiiha kuvha vhalandati vhaakwe avhatungamu.”

Ishitushizya 17:6

Nkalola umwantanda uyo ahoziilwe amavhanda aga vhafinjile avha Mulungu na mavhanda aga vhantu vhe vhahamuhomeshezyaga uYeesu. Lwe namulola, násukumiiye nkaani.

Ishitushizya 18:20

Seshelaaji imwe mwanya, kuzya vhunanjisu vhwakwe! Seshelaaji mwe vhafinjile, mwe vhatumwa na mwe vhakuvhwi! Mwe pe uMulungu ayilonga ku ziila zye yivhavhombeeye imwe!”

Ishitushizya 19:10

Pe nkakupama pilongolela ilya vinama vwakwe kuuti imupuute. Ileelo uweene ahambuuzya, ahati, “Leha! Ine ne muvhomvi vhweleele inza iwe na vhamwinyu, swenti tukufumwa uvhwahoome uvhwa Yeesu. Mupuute uMulungu! Nkuyanga vhwevhulo, mwe pe vhe vhakufumwa uvhwahoome uvhwa Yeesu, vhe vhali nu Mupepo uMufinjile. Woope we akuvhaavwa kufumwa uvhukuvhwi.”

Ishitushizya 19:19

Nkalola ishihanu shiila ishitanzi pooka na vhamwene avha nsi zyonti ni mpuga izya vhasikaali vhaavho vhavhungiine pooka. Vhávhungiine inga vhalwe nuula we átendiime pa mfwalaasi, pooka ni mpuga iya vhasikaali vhaakwe.

Ishitushizya 20:4

Pe nkalola ivitengo ivwa vhumwene na vhe vhavitendamiiye, avhantu ivho vhahapeelwa amaha aga vhulonzi. Havhili nkalola impepo izya vhaala vhe vhávholiilwe kuzya kufumwa uvhwahoome uvhwa Yeesu na kuzya kulyitiha izwi ilya Mulungu. Ivha vhatáshipuusite ishihanu shiila ni shiholanyo shaakwe, poosye kuposheela ivimanyilo pa vweni vwavho, poosye pa nyoovhe zyavho. Vhahazyuha havhili, vhahakonzya pooka nu Chilisiti ku maaha 1,000.

Ishitushizya 22:14

Vhalosiitwe ivho vhe vhakuhanda amenda gaavho, inga vhitishilwe kwinjila mu nkaaya kutuushila mu malyango gaakwe, nu kulya amantonongwa aga makwi ge gakufumwa uvhulanzi.

Ishitushizya 6:9

Pe lwe aHagonzi aha MWENE uMulungu havunza ishilemezanyo isha vhusaano, nkalola impepo izya vhantu zili pansi pa shifinjilo. Avhantu ivho vhe vhávholiilwe kuzya kulyitiha izwi ilya Mulungu na kuzya vhwahoome vhwe vhahafumwaga.