Ishitushizya 12:10 - ULufingwi uLupwa

¹⁰ Pe nkiivwa izwi ipiti kufuma ku mwanya likuti, “Ishi, uMulungu wiitu avhaposile avhantu vhaakwe! Ishi alolesya amaha gaakwe nu kukonzya fwe wu mwene! Havhili uChilisiti waakwe alolesya amaha gaakwe! Yeenya, uMikayeeli na vhahavhizya vhaakwe vhamusumbiiye pansi umulonjeelezi uwa vhamwitu, uweene we akuvhalonjeelela kwa Mulungu wiitu, uvhusiku nu musanya.

Tesitamenti Umupwa 1965

¹⁰ Pe nkiṿwʼizwʼipiti kufuma kumwanya, lihati: Ishi pʼuvuposhi ninguvu nuvumwene ṿiyipezilʼukuva ṿwa Mulungu witu namaha gayipezilʼukuva ga Chilisiti wakwe. She uwa kuvalonjelela shima avamwitu atazilwe pansi, wuyo wʼakuvalonjelela kwa Mulungu shima shamusanya nasha vusiku.

Ishitushizya 12:10 ပူးပေါင်းရင်းမြစ်များ

Matayi 26:64

UYeesu ahamwamula ahati, “Iwe wayanga. Ileelo nkuvhavhuuzya mwenti kuuti, kwandila ishi kwe mundole ne Mwana wa Aadamu ntendiime ku luvhazu ulwa kundiilo ulwa Mulungu uwa Maha Gonti pa vhushindamu uvhupiti nkaani. Havhili kwe mundole nkwinza mu mavhingo.”

Matayi 28:18

Pe uYeesu ahapalamila ku kwavho, ahavhavhuuzya ahati, “UMulungu ampiiye amaha gonti ku mwanya na pa nsi.

Matayi 6:10

Zye ukasiime, zivhombeshe mu nsi umu, inza vwe zikuvhombeha ku mwanya ukwo.

uLuuka 11:2

UYeesu ahavhavhuuzya ahati, “Lwe mukumulaavha uMulungu, mutinji: Taata wiitu uwa ku mwanya, izina lyaho lishindikwaje. Uvhumwene vhwaho vhwinze. Zye ukasiime, zivhombeshe mu nsi umu, inza vwe zikuvhombeha ku mwanya ukwo.

uLuuka 22:31

UYeesu ahati, “Siimoni, Siimoni! Umanye ahinza kuuti uSeetano amulaavile uMulungu nu kwitishilwa kuvhalinga imwe, inza uhavuna uwa ngana vwe akupementa ingana yaakwe.

1 VaKolinti 5:4

Lwe mukuhomaana kwi izina ilya Mwene wiitu uYeesu, niine umwoyo waane kwe wuvhe pooka niimwe, na maha aga Mwene wiitu uYeesu kwe gavhe pooka niimwe.

2 VaKolinti 12:9

Ileelo uweene ahambuuzya ahati, “Uvhwila vhwane vhukukwiliiye, mwe pe mu vhuyeyevhazu mwe amaha gaane gakuloleha.” Kuli izyo, kwe nkutiimaje ku luseshelo ulupiti kuzya vhuyeyevhazu vhwane, inga amaha aga Chilisiti gavhe pooka niine.

uTiiti 2:3

Vhoope avhantanda avhagoosi, uvhasambilizyaje kuuti vhavhanje nu lujendo ulugolosu. Vhatavhanje vhakwakwa, poosye kuvha vhe vhashimwela, nkandi vhavhanje vhantu vhe vhakusambiilizya inyinza,

1 Peteli 5:8

Muyikonzyaje nu kuvha minso ahavhaliilizyo honti, mwe pe umulugu wiinyu uMukwalanzi akuzyunguula uku nuukwo inza insama ye yikulondola umuntu, inga yiimulye.

Ishitushizya 11:15

Pe uhavhizya uwa 7 ahahoma isaji lyakwe, nkiivwa amazwi amapiti ku mwanya, gahati, “Uvhumwene uvhwa pa nsi vhwavha vhumwene uvhwa MWENE wiitu uMulungu havhili vhwa Chilisiti waakwe, woope uMWENE alikonzya shiima shiima.”

Ishitushizya 2:26

Ula we alipoota indingo nu kulwenyeelezya ulujendo lwane kufishila kumpeleela, ‘Ndiimupa amaha ku vhantu avha nsi zyonti.

Ishitushizya 7:10

Vhahayanga kwi izwi ipiti, vhahati, “Uvhuposhi vhukufuma kwa Mulungu wiitu, uweene we akutendama pa shitengo shaakwe isha vhumwene, na ku Hagonzi aha MWENE uMulungu.”